Esai 22:4 - Sră Goh 2018

⁴ Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Esai 22:4 ပူးပေါင်းရင်းမြစ်များ

Este 4:1

Tòm tŭ Mordike neh kơno jơh ală bơta neh gơlik gơs rau, khai crè ồi ào khai dê, soh ƀào sơnò kiat mơ ơm tòm bùh, lòt làm ƀòn dờng, ñìm rac dờng jơnau dô bă sràt bơtang ngan.

Đơs Crih 77:2

Tòm ngai bol glar añ jòi jat Yàng; Tòm trồ mang añ pò tê hơđang hòi dan ò glar; Hwềng soàn añ ò bài geh pơndòm pơniang.

Esai 15:3

Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Esai 33:7

Iat tĕ, ală cau khin cha bol khai dê nggà ñìm tòm ală gùng lòt; ală cau kong sồr lòt lơh gơtòmsòr ñìm rac sràt bơtang.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 31:15

Yàng Jehôwa đơs be do: “Cau kơno tòm Rama, Bơta rac ròc mơ nggà ñìm dờng, Racel ñìm bơh ală kòn khai dê, Ò bài pơndòm pơniang Tài bơh ală kòn khai dê ò gam tai!”

Jeremi 4:19

Bơta jê sồt añ jê! Bơta jê sồt añ jê! Bơta jê sồt tơryoat añ; Plai nùs añ gơpiah pràn ngan. Añ ò rgơi ơm mŏ; Bơh añ neh kơno ntas kơlwòk, Jơnau yal tơnggit bơh bơta kơlìn tòmlơh.

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:18

Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ejekiel 21:11

Đào neh geh ai nàng geh tho goh, nàng geh sơmbat kơ̆ mơ tê; gơ neh geh tồl sồt mơ tho goh, nàng ơn tòm tê cau sreh tơnchơt.

Ejekiel 27:31

Bol khai rơp koah bồ tài bơh mê, mơ kơt but mơ ƀào sơnò kiat. Bol khai rơp ñìm mơ pơt wòl rac ròc tài bơh mê mơ ñìm rac sràt bơtang tòm hwềng soàn.

Mice 1:8

Tài bơh bơta hơ̆ añ rơp ñìm rac mơ pơt wòl; Añ rơp lòt jơng gòi mơ ơm să kuh. Añ rơp ñìm rac kung be so brê, mơ pơt wòl be sềm rgut.

Mathiơ 2:18

“Tòm Rama cau kơno jơnau driau, Ñìm rac mơ rac ròc dờng, Racel ñìm bơh ală kòn khai dê, Mơ ò bài cau pơndòm pơniang, bơh ală kòn ò gam tai.”

Mathiơ 26:75

Pier kah wơl jơnau Yàng Jesu neh đơs lah: “Lài mơ tŭ iar nrau, mê rơp pơndang sang Añ pe dơ̆.” Gen khai lik lòt, ñìm rac ròc pơt wòl.

Luka 1:2

jat be ală cau bơh sơnròp neh gŏ nền mơ lơh cơng bal mơ ală cau duh broă jơnau Yàng dê yal wơl bol he in;

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,