Esai 22:1 - Sră Goh 2018

¹ Jơnau đơs hwơr bơh thòng bơta gơtơnggŏ: Bơta lơi neh lơh mê in dơrcul, jơh tơl nă bol mê neh hào hơđang rkàng hìu taih?

Esai 22:1 ပူးပေါင်းရင်းမြစ်များ

Sơnròp Gơlik Gơs 21:17

Yàng Tom Trồ kơno oh hơ̆ ñìm gen cau gơnrơh Yàng Tom Trồ dê bơh đang trồ hòi Agar mơ đơs lah: “Ơ Agar, ñchi gơlơh ai be gen taih? Bañ rngòt! Bơh Yàng Tom Trồ neh kơno jơnau kòn dềt bơh di tiah khai ơm.

II Samuel 14:5

Bơtau lùp khai lah: “Ñchi bơta lơh ai dơrcul taih?” Cau ùr ho lah: “Añ ngan la dô nă cau ùr bơnrau; bau klau añ neh chơt.

II Ală Bơtau 6:28

Bơtau lùp khai tai lah: “Ñchi broă ai yoam lah taih?” Khai ho lah: “Cau ùr do đơs mơ añ lah: ‘Ai tĕ kòn klau ai, tồ bol he sa poac khai ngai do; mơ ngai hìng bol he rơp sa poac kòn klau añ.’

Đơs Crih 114:5

Ơ dàlềng, ñchi bơh tài mê dô taih? Ơ hiòng Jordan, ñchi bơh tài mê ruc wơl taih?

Đơs Crih 125:2

Ală mơnơm gơrwàng gùt dar Jerusalem be lơi, Gen Yàng Jehôwa kung gơrwàng làng bol Kơnràñ dê behơ̆ sơl Bơh do jơl sùm sùm.

Jơnau Pơnđik 29:18

Tiah lơi siơ̆u bơta gơtơnggŏ làng bol rơp gơlềng gơlàng; mơya cau lơi prap gàr bơta sồr lam geh lơngai lơngò ngan!

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Esai 15:3

Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Esai 22:5

Bơh Yàng Jehôwa la Yàng Tom Trồ Gơnap Gơnoar Dờng neh gơs dô ngai nggồr nggàc, jă trơm mơ sơlồng sơlàng tòm thòng bơta gơtơnggŏ, dô ngai nàng phà tơrlah ală dơrñang, hòi driau bơta dong kòl hơ ală mơnơm.

Jeremi 19:13

Ală hìu Jerusalem dê mơ hìu gơlang ală cau bơtau Juda neh gơlik gơs ƀơ̆ iơh, kung be tiah Tôphet; ngan, hơ̆ la hơđang rkàng ală hìu hơ̆ cau neh chu kơlhô ală sơmañ đang trồ, mơ ơn phan ơn ñô ală yàng ndai in.’”

Jeremi 21:13

Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 32:32

tài bơh bơta iơh bơsak mơ kòn sau Israel mơ kòn sau Juda neh lơh nàng bơrcek Añ gơjrañ, bol khai, cau bơtau, kwang at bồ, cau gơnoar ơn phan duh khoai, cau gơnoar hwơr, cau Juda mơ làng bol Jerusalem sơl.

Jeremi 48:38

Hơđang ală rkàng hìu cau Môap mơ tòm ală hìu dờng gơ dê, mìng la ală bơta ñìm rac lơm, bơh Añ neh pòng bơcah Môap kung be gri ò gơs cau kòñ gơboh,” Yàng Jehôwa đơs behơ̆.

Jôel 3:12

Lòi tĕ ală làng bol ñă ntào, lòi tĕ bol khai lòt tus tòm thòng Jehôsaphat, bơh tềng hơ̆ Añ rơp nggui nàng cahrña jơh ală làng bol ơm gùt dar.

Jôel 3:14

Oă ngan làng bol, oă ngan làng bol tòm thòng bơta lơh nền! Bơh ngai Yàng Jehôwa neh tus rềp tòm thòng bơta lơh nền.

Mice 3:6

Gen tàng trồ mang rơp tus hơđang bol mê, ò gơs bơta gơtơnggŏ, mơ bơta klam jơngo, ò gơs jơnau yal tơlik. Mattơngai rơp ñơp hơđang ală cau gơnoar hwơr, mơ trồ ngai rơp gơlik jơngo hơđang bol khai.

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Mathiơ 10:27

Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều, yal tơlik tĕ hơđang rkàng hìu.

Rôma 3:2

Gơs kwơ ngan tòm jơh ală bơta. Sơnròp ngan jơnau đơs Yàng Tom Trồ dê neh jào làng bol Juda in.

Yal Wơl 22:8

Tòm tŭ bol mê bơt bơtào dô nơm hìu pa, lơh tĕ rơng hìu gùt dar rkàng hìu bol mê dê tồ bol mê ò cèng tus bơta gơkòl glài bơh lơh gơtuh mhàm hơđang hìu bol mê dê, dilah gơs cau lơi dùh bơh hơđang rkàng hìu.

Ală Kwang Cahrña 18:23

Bol khai hòi driau mơ ală cau Dan, bol hơ̆ wơlke mơ đơs mơ Mika lah: “Ñchi bơta gơlik di mê mơ mê pơjum cau mê dê nàng tòmlơh taih?”

I Samuel 11:5

Di tŭ hơ̆ Sol rê bơh sre, khai lòt jat bơh ngkòi kơnrồ. Khai lùp lah: “Ñchi jơnau moat jrùng neh gơlik gơs di làng bol behơ̆ taih? Ñchi bơh tài bol khai ñìm behơ̆ taih?” Gen bol khai yal wơl khai in ală jơnau cau Jabes neh đơs.

I Samuel 3:1

Tŭ hơ̆, kơnòm klau Samuel duh broă Yàng Jehôwa hơđơm gơnoar Heli dê. Jơnau Yàng Jehôwa dê ò hwan gơs tòm pah tơngai hơ̆, bơta gơtơnggŏ ò òs gơlik gơs.