Esai 21:2 - Sră Goh 2018

² Dô bơta gơtơnggŏ kràñ cê neh yal añ in: Cau pơrlơ̆ dră gam pơrlơ̆ dră, mơ cau tơnroh gam tơnroh. Ơ Elam, guh tĕ! Ơ Medi, gơrwàng tĕ! Jơh ală jơnau rac ròc khai neh lơh gơs, Añ rơp cèng bơta lồi dut.

Esai 21:2 ပူးပေါင်းရင်းမြစ်များ

Sơnròp Gơlik Gơs 10:22

Kòn klau Sem dê la Elam, Asur, Arpaksat, Lut mơ Aram.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

Đơs Crih 119:158

Añ sền di cau ò dòn, mơ cù kìr di bol khai, Tài bơh bol khai ò prap gàr bơta sồr lam Yàng dê.

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 25:3

Ngan dan bañ lòi cau lơi kơp gơn di Kơnràñ gơkòl ƀàssìl; Ai ală cau dờng nùs pơrlơ̆ dră gen lòi bol khai gơkòl ƀàssìl.

Đơs Crih 60:3

Kơnràñ neh lơh làng bol Kơnràñ in kong bơta jê sồt bòl glar, Yàng ai bol hi ñô tơrnòm mơ lơh bol hi in bơñul.

Đơs Crih 79:11

Dan lòi jơnau rac ròc cau kòl jàm dê geh tus di đap Yàng: Jat gơnap gơnoar dờng Yàng dê dan sền gàr ală cau kòl lơh nền pal chơt.

Jơnau Pơnđik 13:15

Bơta àng loh ngan geh bơta nđàc; Mơya gùng lòt cau ò dòn song la bơta roh rui bol khai in.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 14:4

gen bol mê rơp đơs jơnau ñŏ tơnhial do bơh bơtau Babilôn lah: “Mbe cau at bồ rồn bơklơn ò gam tai, mbe gơlơh bơta gơjrañ dờng khai dê neh lồi taih?

Esai 14:7

Jơh plai ù ơm lơngap lơngai, mơ ring ngềt, ai jơnau đơs chò.

Esai 22:6

Elam neh triau ding kam, bal mơ rơndeh ơseh mơ cau hào ơseh, mơ Kir neh tă ală khèl bơh tiah prap gơ.

Esai 24:16

Bơh ală tiah lồi plai ù dê, bol he kơno ală bơta đơs chò bơta jòng ro lah: “Bơta gơklŏ gơrê mơ Bơtau Song Ring.” Mơya añ neh đơs lah: “Nùs añ siar roh, añ siar roh! Bòl glar añ in! Ală cau pơrlơ̆ dră! Cau pơrlơ̆ dră kư̆ pơrlơ̆ dră sùm!”

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 35:10

Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Jeremi 25:25

jơh ală bơtau Simri, bơtau Elam, bơtau Medi dê;

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Jeremi 45:3

Mê neh đơs: ‘Bòl glar añ in, bơh Yàng Jehôwa bơtơl bơta moat jrùng jê sồt añ in; añ lơgah lơgañ bơh bơta rơnđơh rơnđềng, ò geh rlô bòl!’”

Jeremi 49:34

Tŭ Jedekia bơtau Juda pa at bồ, gơs jơnau Yàng Jehôwa đơs mơ Jeremi, bơh Elam lah:

Jeremi 49:35

Yàng Jehôwa Gơnap Gơnoar đơs be do: “Do, Añ rơp tơrpă àtak Elam dê, la bơta pràn kơldang tòm khai dê.

Jeremi 50:14

Rcang gơrwàng tĕ Babilôn Ơ ală cau la cau wàr àtak! Pañ tĕ gơ, bañ pơlai kam; Bơh gơ neh tìs glài tòmdră mơ Yàng Jehôwa.

Jeremi 50:34

Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Jeremi 51:53

Bulah Babilôn rơp guh tus hơđang trồ, Bulah khai lơh theng jơnhoa ngan mơ kơ̆ cê, Bơh di Añ ală cau tơnroh rơp tus brồ lơh hơđang gơ,” Yàng Jehôwa đơs behơ̆.

Ñìm Rac 1:22

Dan lòi ală broă tồi glài bol khai dê tus di đap Kơnràñ! Dan lơh di bol khai kung be Kơnràñ neh lơh mơ añ, tài bơh jơh ală tồi glài añ jê; Bơh añ rơnđơh oă ngan, mơ nùs añ bòl glar.

Daniel 5:28

Parsin la: cah is bàr pơnah, lơgar bơtau rơp gơkòl cah is mơ jào cau Medi mơ cau Persia in.”

Daniel 5:9

Bơtau Belsassar rngòt rngơt oă ngan tòm nùs, muh mat khai sơlo pàl rlau tai, mơ ală cau kwang dờng khai dê ò suk ơm.

Daniel 8:2

Tòm bơta gơtơnggŏ, añ gŏ añ ơm tòm Ƀòn Dờng Susa, kơnhwàl lơgar Elam, di gah hiòng Ulai.

Daniel 8:20

Belàt dam gơs bàr nơm ngke mơ mê neh gŏ hơ̆ sơnio bơh ală bơtau lơgar Medi mơ Persia dê.

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

I Samuel 24:13

Kung be dô jơnau pơnđik cau yau dê đơs lah: ‘Ală broă lơh iơh bơsak gơlik bơh ală cau iơh bơsak,’ mơya tê añ rơp ò tòmdră mơ bèp.