Esai 20:2 - Sră Goh 2018

² tòm tŭ hơ̆, Yàng Jehôwa kơnòm di Esai, kòn klau Amôs, mơ đơs lah: “Hồ tĕ ƀào sơnò kiat bơh di să mê, mơ gơltau jă bơh di jơng mê.” Esai lơh jat, lòt gùt dar să kuh mơ jơng gòi.

Esai 20:2 ပူးပေါင်းရင်းမြစ်များ

II Samuel 15:30

Mơya Dabit kư̆ hào mơnơm Ôlibe, lòt ndang ñìm ndang, bồ gòm mơ lòt jơng gòi. Jơh ală cau lòt bal kung gòm bồ mơ ñìm tòm tŭ guh mơnơm.

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

II Ală Bơtau 1:8

Bol khai ho lah; “Cau hơ̆ soh ào sơnò, mơ kơt but mơ che gơltau.” Bơtau đơs lah: “Hơ̆ la Eli, cau Thisebe.”

Đơs Crih 30:11

Kơnràñ neh tòmgơl bơta moat jrùng añ jê gơlik gơs chò hòp; Kơnràñ neh hồ ào bài sơnò kiat añ jê, mơ tơnsoh añ mơ bơta hòn chò,

Lik Ejiptơ 3:5

Yàng Tom Trồ đơs lah: “Bañ tus rềp tai hơ do. Hồ tĕ gơltau jă mê dê, bơh tiah mê ơm ntào la tiah sàng goh.”

Esai 1:1

Tòm rài at bồ ală cau bơtau Ôsia, Jôtham, Aca mơ Ejekia la ală cau bơtau lơgar Juda dê, gen Esai kòn klau Amôs gơs bơta gơtơnggŏ bơh lơgar Juda mơ ƀòn dờng Jerusalem.

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Esai 37:2

Bơtau sồr Eliakim la cau kwang at bồ gơlang, Sepna la cau gơnoar cih mơ ală cau gơnoar at bồ ơn phan duh khoai jòng sơnam, jơh tơl nă soh ƀào sơnò kiat, tus hơ cau gơnoar hwơr Esai, kòn klau Amôs dê.

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Ejekiel 24:17

Rac ròc òm mơya ò di dờng jơnau, ò ñìm bơh cau chơt in. Pùt chèo di bồ mê mơ jă khŏ di jơng; bañ cang sơnò tềp hala sa piang lă cau còp iang.”

Ejekiel 24:23

Bol mê rơp kư̆ lòi tơn chèo neh pùt hơđang bồ mơ gơltau jă neh jă di jơng bol mê dê. Bol mê rơp ò rac ròc hala ñìm, mơya bol mê rơp siar roh tài bơh tồi glài bol mê dê mơ rơnđơh bal mơ gơp.

Ejekiel 4:1

“Ai mê, ơ kòn mơnus, ai tĕ dô nơm gac, ơn gơ di đap mê, mơ cih rùp ƀòn dờng Jerusalem hơđang hơ̆.

Ejekiel 4:5

Añ neh lơh nền mê in khà ngai ndròm bal mơ khà nam bơta lơh glài bol khai dê. Behơ̆ tòm pe rhiang sin jơt ngai mê rơp àñ ơnòng bơta lơh glài hìu Israel dê.

Mice 1:11

Ơ bol mê la cau ơm tòm Saphir, ơm să kuh mơ lòt gan tĕ tòm bơta ƀàssìl ƀàsso, ală cau ơm tòm Jaanan rơp ò lik lòt. Bet Ejel ơm ñìm rac, mơ bơta dong tò gơ dê neh tă bơh di bol mê.

Mice 1:8

Tài bơh bơta hơ̆ añ rơp ñìm rac mơ pơt wòl; Añ rơp lòt jơng gòi mơ ơm să kuh. Añ rơp ñìm rac kung be so brê, mơ pơt wòl be sềm rgut.

Sacari 13:4

Tòm ngai hơ̆, kòp nă cau gơnoar hwơr rơp ƀàssìl bơh bơta gơtơnggŏ đơs hwơr khai dê; khai rơp ò soh ồi ào mơ sơnò be cau gơnoar hwơr nàng pơrlồm cau tai.

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 3:4

Jang soh ào sơnò làkđa, kơt but mơ che gơltau, sa srah nting mơ dà kròt brê.

Jang 21:7

Behơ̆ cau bơtê Yàng Jesu kòñ gơboh đơs mơ Pier lah: “Hơ̆ la Yàng.” Dơ̆ Simôn Pier kơno hơ̆ la Yàng, gen khai ai ào jrùh pùt di să khai tài bơh ơm kuh, mơ ntruñ tòm dàlềng.

Broă 19:16

Cau neh hwềng iơh lơh hơ̆ brồ tơm di bol khai, klơn jơlềt mơ lơh bol khai, tian gơs bol khai gơtơnlòi rồ sồt să bồ, mơ dô prut lik bơh hìu.

Broă 21:11

Khai tus còp bol hi, gen ai che but Pol dê, cap jơng tê tòm khai dê mơ đơs lah: “Do la jơnau Yàng Hwềng Goh đơs: ‘Tòm Jerusalem cau Juda rơp cap cau gơs che but do behơ̆, mơ bơtào khai tòm tê cau làng bol Bơdìh.’”

Jôsue 5:15

Cau at bồ mpồl ling Yàng Jehôwa dê đơs mơ Jôsue lah: “Hồ tĕ khŏ bơh di jơng mê, tài bơh tiah mê ntào la tiah sàng goh.” Gen Jôsue lơh behơ̆.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

I Samuel 19:24

Khai hồ ală ào khai dê mơ đơs hwơr di đap Samuel, khai bic kuh behơ̆ jơh dô ngai mơ dô mang hơ̆. Gen tàng làng bol đơs lah: “Sol kung ơm tòm mpồl ală cau gơnoar hwơr sơl ơ?”