Esai 2:8 - Sră Goh 2018

⁸ Lơgar bol khai dê gơs bềng lìu ală rùp ràk, bol khai cùn khoai ală phan tê bol khai neh lơh, phan mơ ràs tê bol khai dê neh mòn gơs.

Esai 2:8 ပူးပေါင်းရင်းမြစ်များ

I Ală Bơtau 16:7

Rlau mơ hơ̆ tai, jơnau Yàng Jehôwa dê kơnòm di cau gơnoar hwơr Jehu, kòn klau Hanani, đơs jơnau tòmdră mơ Baesa mơ hìu khai, bal mơ bơh ală tồi glài iơh bơsak mơ khai neh lơh di đap Yàng Jehôwa, mơ ală broă lơh bơh tê khai dê neh bơrcek Kơnràñ in gơjrañ kung be hìu Jerôbôam, mơ tài bơh să tòm khai kung neh tơnroh hìu hơ̆.

II Ală Bơtau 17:10

bơt bơtào bol khai in ală jrong duh khoai hơđang ală dòr jơnhoa mơ hơđơm ală chi dờng;

II Ală Bơtau 17:16

Bol khai pơndang sang jơh ală bơta boh lam Jehôwa Yàng Tom Trồ bol khai dê mơ lơh bol khai in rùp pac sềr bàr nơm kòn kơnrồ, bol khai bơtào ală jrong duh khoai Asera, duh khoai jơh ală sơmañ đang trồ, mơ duh broă Baal.

II Yal Yau 27:2

Khai lơh bơta di niam di đap mat Yàng Jehôwa, kung be Ujia bèp khai neh lơh, mìng khai ò lơh ală alai tòm hìu duh khoai Yàng Jehôwa dê. Mơya làng bol kư̆ lơh jat ală bơta ƀơ̆ iơh.

Esai 17:8

Bol khai rơp ò sền di ală cơnòng duh khoai, la broă lơh tê bol khai dê; bol khai ò rmê di ală jrong duh khoai rùp ràk Asera dê, mơ ală cơnòng chu kơlhô mơ ràs tê bol khai neh lơh gơs.

Esai 26:13

Khoai Yàng Jehôwa la Yàng Tom Trồ bol hi dê, gơs ală yàng ndai rlau mơ Kơnràñ at bồ bol hi, mơya bol hi mìng git wă sơnđan Kơnràñ lơm.

Esai 37:19

sơrbì ală yàng bol khai dê tòm ồs mơ tơnroh jơh tài bơh bol gơ ò di la ală yàng ngan, mơya mìng chi mơ lŭ bơh tê kòn mơnus mòn gơs.

Esai 40:19

Dô nơm rùp ràk, cau chài lơh màh ƀềp gơ mơ màh, mơ lơh ală che rơnjài mơ priă gơ in.

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Esai 57:5

Bol mê tòmbic tòmtir digùl ală tòm cha, mơ hơđơm kòp nơm rlau chi dờng; bol mê chu ală kòn sau bol mê dê lơh gơs phan ơn pơdơng tòm ală thòng mơ hơđơm ală tiah dàng lŭ klềr dê.

Jeremi 1:16

Añ rơp yal tơnggit bơta cahrña Añ tòmdră mơ bol khai, bơh bơta iơh bol khai neh lơh; tài bơh bol khai neh sang lòi Añ, chu kơlhô ală yàng ndai in, mơ duh khoai broă tê he lơh gơs.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 2:28

Mơya ntềng đah ală yàng bol mê dê, bol mê neh mòn să tòm bol mê in taih? Lòi bol gơ tus, dilah bol gơ rgơi dong tă bol mê! Tòm tŭ bol mê gơtìp bơta bòl glar. Ơ Juda, bol mê gơs oă ală yàng rùp ràk, kung be bol mê gơs oă ƀòn dờng behơ̆ sơl!

Sră Ôse 12:11

Añ neh đơs mơ ală cau gơnoar hwơr, ai bol khai in oă bơta gơtơnggŏ, mơ kơnòm cau gơnoar hwơr Añ rơp cèng tus bơta tơnroh.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Sră Ôse 14:3

Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Sră Ôse 8:6

Bơh rùp ràk hơ̆ gơlik bơh Israel! Dô nă cau chài neh tŏ gơs gơ; gơ ò di la Yàng Tom Trồ. Kơnrồ kòn Samari dê rơp kong bơcah rpot rpet.

Mice 5:12

Añ rơp tơnroh bơta juh proh bơh tê bol mê dê mơ bol mê rơp ò gơs tŭ lơi sền dà tai.

Broă 17:16

Tŭ hơ̆, Pol ơm gơn Sila mơ Timôthe tòm ƀòn dờng Athen, khai gơjrañ ngan tòm tŭ gŏ tòm ƀòn dờng hơ̆ bềng lìu ală rùp ràk.

Yal Wơl 4:28

Tềng hơ̆, bol mê rơp duh khoai ală yàng bơh tê cau mòn gơs mơ chi, mơ lŭ, la ală yàng ò rgơi gŏ, ò rgơi kơno, ò rgơi sa hala ƀô.

Yal Tơlik 9:20

Ai ală cau gam wơl, la cau òhềt chơt bơh ală bơta rung rài hơ̆, bol khai ò gơjrañ sang glài bơh ală broă tê bol khai lơh, mơ kung ò sang lòi bơta duh khoai ală cà mơ ală rùp ràk mơ màh, priă, kòng, lŭ mơ chi, la ală phan ò rgơi gŏ, ò rgơi kơno, mơ ò rgơi lòt.