Esai 2:5 - Sră Goh 2018

⁵ Ơ hìu Jakôp, tus tĕ, bol he cơnđòa lòt tĕ tòm bơta àng Yàng Jehôwa dê.

Esai 2:5 ပူးပေါင်းရင်းမြစ်များ

Đơs Crih 36:10

Dan Yàng kư̆ kòñ gơboh kơ̆ dơn di ală cau dòp git Kơnràñ, Mơ kư̆ dong klàs ală cau gơs nùs song ring.

Đơs Crih 89:15

Ơ Yàng Jehôwa, lơngai làng bol lơi in git jơnau driau dờng hòn chò, Mơ cơnđòa lòt tòm gùng bơta àng Yàng dê.

Đơs Crih 89:16

Jơh ngai mho bol khai hòn chò bơh sơnđan Yàng, Mơ yal tơlik nàng jòng ro bơta song ring Kơnràñ dê.

Esai 2:3

Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,

I Jang 1:5

Do la jơnau bơto yal mơ bol hi neh kơno bơh di Kơnràñ mơ yal wơl oh mi in lah Yàng Tom Trồ la bơta àng, tòm Kơnràñ ò gơs bơta klam jơngo lơi.

I Jang 1:7

Mơya dilah bol he lòt tòm bơta àng kung be Kơnràñ ơm tòm bơta àng, gen bol he gơs gơtòmklac bal mơ gơp; mơ mhàm Yàng Jesu dê, Kòn Kơnràñ, rào goh jơh ală tồi glài bol he dê.