Esai 2:4 - Sră Goh 2018

⁴ Kơnràñ rơp cahrña digùl ală làng bol mơ rơp pơnring bơta tòmyă digùl oă làng bol, bol khai rơp ai đào bol khai dê mơ tiar gơs sề ngal, mơ ai tà bol khai dê tiar gơs mơ̆. Làng bol do rơp ò tă đào tòmlơh mơ làng bol ne, bol khai rơp ò gam bơto bơta tòmlơh tai.

Esai 2:4 ပူးပေါင်းရင်းမြစ်များ

Đơs Crih 110:6

Kơnràñ rơp lơh gơs bơta cahrña digùl ală làng bol, lơh làm jơh bềng lìu ƀồc chơt; Kơnràñ rơp bơcah lề ală cau at bồ tòm làm jơh plai ù.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 46:9

Kơnràñ wàs jơh kơlìn làm jơh plai ù, Dơrpă ală àtak, koh ală tà gơs rpot rpet, Mơ chu ală rơndeh ơseh tòm ồs.

Đơs Crih 82:8

Ơ Yàng Tom Trồ, dan guh, mơ cahrña dunnia, Bơh jơh ală làng bol gơrê bal mơ Kơnràñ.

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 32:18

Làng bol Añ jê rơp kis tòm tiah ring lơngai, ơm tòm tiah lơngap lơngai, mơ tòm tiah ơm rlô ring ngềt.

Esai 33:22

Bơh Yàng Jehôwa la Bơtau cahrña bol he dê, Yàng Jehôwa la Bơtau bol he, Yàng Jehôwa la Bơtau at bồ bol he dê; Kơnràñ rơp dong klàs bol he!

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 42:3

Khai rơp ò dơrkă gai proh neh pă pơnie rau, ò tơnchơt ồs mòr chơt di brài đèng. Khai rơp ai bơta dòn song ràng tơlik bơta song ring,

Esai 9:5

Kòp nơm khŏ cau ling jă tòm tŭ tòmlơh, mơ kòp blah ồi ào neh gơđềt mhàm rơp lòi nàng chu tòm ồs, rơp gơlik kung be nsồm sing ồs.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Sră Ôse 2:18

Tòm ngai hơ̆, Añ rơp bơh bol khai mơ bơt bơta ho bal mơ ală phan poan jơng tòm ƀlàng, ală sềm hơđang trồ, mơ ală phan wìn nsròng tòm ù. Añ rơp tơnroh jơh ală àtak, ală đào, mơ bơta tòmlơh bơh di ù tiah do, tồ jơh làng bol in geh bic rlô ring lơngai.

Sră Ôse 2:20

Añ rơp bau mơ ai tòm bơta dòn song, mơ ai rơp đal git Yàng Jehôwa.”

Jôel 3:10

Ai tĕ sề ngal bol mê dê nàng tiar đào, ai tĕ mơ̆ bol mê dê nàng tiar tà. Lòi tĕ cau lơbơn lơño đơs lah: “Añ la dô nă cau jak tòmlơh!”

Jôel 3:12

Lòi tĕ ală làng bol ñă ntào, lòi tĕ bol khai lòt tus tòm thòng Jehôsaphat, bơh tềng hơ̆ Añ rơp nggui nàng cahrña jơh ală làng bol ơm gùt dar.

Mice 4:3

Kơnràñ rơp cahrña digùl oă làng bol, mơ rơp cahrña pơnring digùl ală lơgar pràn bơh tiah ngài. Bol khai rơp ai đào tiar gơs sề ngal, ai tà tiar gơs mơ̆. Lơgar do ò tă đào tòmdră mơ lơgar ndai, mơ kung ò gam bơto bơta lơh kơlìn tai.

Sacari 9:10

Añ rơp tă tơlik ală rơndeh lòs tòmlơh bơh dê Epraim, mơ ală ơseh tòmlơh bơh di Jerusalem: mơ àtak tòmlơh rơp kong dơrpă. Kơnràñ rơp ai gơnoar sồr bơta lơngap lơngai ală lơgar in. Gơnoar at bồ Kơnràñ dê rơp pò ơnàng bơh dàlềng do tus hơ dàlềng ne, mơ bơh Hiòng me tus di lồi plai ù.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”