Esai 2:3 - Sră Goh 2018

³ Oă làng bol rơp tus mơ đơs lah: “Tus tĕ, bol he guh lă hơđang mơnơm Yàng Jehôwa dê, tus hơ hìu Yàng Tom Trồ Jakôp dê; Kơnràñ rơp bơto bol he in gùng dà Kơnràñ dê, tồ bol he rgơi lòt tòm ală gùng Kơnràñ dê.” Bơh bơta boh lam rơp lik bơh Siôn, jơnau đơs Yàng Jehôwa dê rơp lik bơh Jerusalem.

Esai 2:3 ပူးပေါင်းရင်းမြစ်များ

Este 9:27

Ală cau Juda dòp mơ bơtào kơ̆ be dô bơta òs mòng să tòm bol khai in mơ ală kòn sau bol khai in bal mơ jơh ală cau gơs dô bă bal mơ bol khai, bơta do ò geh sang lòi, bol khai pal pơnjat prap gàr bàr ngai do tòm kòp nam jat be neh cih mơ jat tŭ tơngai neh lơh nền.

Đơs Crih 102:23

Kơnràñ neh lơh bơta pràn kơldang añ jê gơlik lơbơn tòm gùl rài, Kơnràñ neh tơnliah ală ngai añ jê.

Đơs Crih 110:2

Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

Đơs Crih 119:171

Bơr sơndồi añ jê rơp jòng ro Yàng, Tài bơh Yàng bơto añ ală jơnau sồr Kơnràñ dê.

Đơs Crih 122:1

Añ chò hòp tòm tŭ cau đơs mơ añ lah: “Bol he lòt lă tus hơ hìu Yàng Jehôwa dê!”

Đơs Crih 48:1

Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

Esai 1:26

Añ rơp bơtào wơl ală cau kwang cahrña ai dê kung be tòm ngai yau òr, bơtào wơl ală cau chài bơyai broă ai dê be tòm tŭ sơnròp. Tơnơ̆ mơ hơ̆ cau rơp sơnđan ai la Ƀòn Dờng Song Ring, la Ƀòn Dờng Dòn Song.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 19:23

Tòm ngai hơ̆ rơp gơs dô nơm gùng me bơh Ejiptơ tus hơ Asiri. Cau Asiri rơp lòt tus hơ Ejiptơ mơ cau Ejiptơ rơp lòt tus hơ Asiri. Cau Ejiptơ mơ cau Asiri rơp duh khoai dô bă bal.

Esai 28:9

“Ñcau khai rơp bơto bơta git wă taih? Ñcau khai rơp yal tơlik jơnau bơto sồr khai dê taih? Bơto ală kòn dềt pa sang toh, ală kòn se pa lòi pô ơ?”

Esai 44:5

Cau do rơp đơs lah: ‘Añ gơrê bal mơ Yàng Jehôwa,’ cau ne rơp tơmoh să tòm he bơh sơnđan Jakôp; cau ndai tai rơp cih hơđang tê he lah: ‘Añ gơrê bal mơ Yàng Jehôwa,’ mơ rơp tơmoh bơh sơnđan Israel.”

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Esai 60:3

Ală làng bol rơp tus hơ bơta àng mê dê, mơ ală cau bơtau rơp tus hơ bơta àng gơcrà rìng àng drim mê dê.

Esai 65:11

Mơya bol mê la cau sang lòi Yàng Jehôwa, mơ hŭi mơnơm sàng goh Añ jê, la cau neh rcang yò cơnòng sa yàng bơta bơtoah mơ bơta sơbơng roh in, mơ tròc tơrnòm neh bơcă bềng mơngàn yàng lơh nền rài kis dê.

Esai 66:20

Yàng Jehôwa đơs lah: “Bol khai rơp cèng brê jơh ală gơp bơtiàn bol mê dê, bơh di jơh ală lơgar, hào ơseh, rơndeh tòmlơh, rơndeh pơdiang phan, alàng ơseh, làkđa, tus hơ mơnơm sàng goh Añ jê tòm Jerusalem, lơh gơs dô nơm phan ơn Yàng Jehôwa in. Bol khai rơp cèng bol hơ̆ kung be cau Israel cèng phan ơn mơ kòi mbo tus tòm hìu duh khoai Yàng Jehôwa dê, tòm dô nơm phan ngui sàng goh.”

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 31:6

Rơp gơs dô ngai, tòm tŭ ală cau kơp gàr rơp hòi Hơđang ƀòn dờng kơh mơnơm Epraim lah: ‘Tus tĕ, bol he lòt tĕ hơđang mơnơm Siôn, Tus hơ Jehôwa Yàng Tom Trồ bol he dê!’”

Ejekiel 40:2

Tòm ală bơta gơtơnggŏ Yàng Tom Trồ dê, Kơnràñ cèng añ tus tòm lơgar Israel, mơ ơn añ hơđang dô nơm mơnơm jơnhoa ngan, bơh hơđang hơ̆ añ sền gŏ hơ đah đơm gơlơh be dô nơm ƀòn dờng gơs oă hìu.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Mice 4:2

Oă lơgar rơp tus mơ đơs lah: “Tus tĕ, bol he guh tĕ hơ mơnơm Yàng Jehôwa dê, tus hơ hìu Yàng Tom Trồ Jakôp dê. Kơnràñ rơp bơto bol he ală gùng dà Kơnràñ dê, nàng bol he lòt tòm ală gùng Kơnràñ dê.” Jơnau nting sồr rơp lik bơh Siôn, mơ jơnau đơs Yàng Jehôwa dê tus bơh Jerusalem.

Mathiơ 7:24

“Behơ̆ cau lơi kơno ală jơnau Añ bơto do mơ lơh jat, gen kung be dô nă cau jak chài bơt hìu khai hơđang lŭ klềr.

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Jang 4:22

Bol ai duh khoai bơtau bol ai ò git, bol hi duh khoai Bơtau bol hi git, tài bơh bơta dong klàs tus bơh cau Juda.

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 10:33

gen añ sồr mo cau lòt jà ồng, mơ ồng neh niam nùs lòt tus hơ do. Behơ̆ tŭ do jơh ală bol hi ơm di đap Yàng Tom Trồ, nàng iat jơh ală bơta Yàng neh nting mơ ồng.”

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Yal Wơl 33:19

Bol khai rơp pơjum ală làng bol hơđang mơnơm mơ tềng hơ̆ rơp ơn ală phan duh khoai chu pơrguc bơta song ring dê; bol khai rơp ñô sa dờng bơh bơta lìu làc ală dàlềng dê, bơh ală phan màng pồn ndơp tòm bràs.”

Yal Wơl 6:1

Do la ală gơnoar sồr, ală bơta lơh nền mơ ală bơta boh lam mơ Jehôwa Yàng Tom Trồ bol mê dê neh sồr añ bơto bol mê prap gàr tòm lơgar mơ bol mê rơp tiă Jordan mơ dòp geh,

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.