Esai 2:22 - Sră Goh 2018

²² Bañ kơnòm di kòn mơnus, la jơi mìng gơs nhơm tă tòm trồm muh; bol khai gơs bơta kwơ màng kàr lơi taih?

Esai 2:22 ပူးပေါင်းရင်းမြစ်များ

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Sơnròp Gơlik Gơs 7:22

Jơh ală phan gơs nhơm kis tòm trồm muh mơ jơh ală phan ơm tòm ù rañ rsơh gen chơt jơh.

Sră Jop 27:3

Nđò jŏ nhơm tă gam tòm añ, Mơ hwềng Yàng Tom Trồ dê gam tòm trồm muh añ,

Đơs Crih 146:3

Bañ dòn kơnòm di ală kwang bàng, bañ dòn kơnòm di kòn mơnus, la cau ò rgơi dong kòl.

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

Đơs Crih 8:4

Gen jơi kòn mơnus la ñchi mơ Kơnràñ kah taih? Kòn mơnus la ñchi mơ Kơnràñ wèt sền taih?

Esai 40:15

Ngan, ală làng bol ò gơkrơi kung be dô tơioh dà tòm thùng; geh kòp be kơmbuh ù hơđang phan kơr; Kơnràñ kơr ală bồt pơlào kung be kơmbuh ù rhền.

Esai 40:17

Jơh ală lơgar di đap Kơnràñ gơlơh kung be ò gơs, Kơnràñ sền bol gơ ò kwơ mơ roh lơm.

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Jeremi 17:5

Yàng Jehôwa đơs be do: “Pal srat rma ngan cau lơi in dòn kơnòm di kòn mơnus, lơh pràn kơldang poac să bol khai dê, Nùs bol khai neh ơm ngài bơh Yàng Jehôwa.

Malaci 3:15

Mơya tŭ do bol he kòp cau pơnhừ să la geh lơngai; ală cau lơh broă iơh bơsak ò di mìng geh bơtoah bơtoài, mơya tòm tŭ bol khai lòng Yàng Tom Trồ, bol khai kung geh klàs sơl.’”

Jakơ 4:14

Mơya oh mi ò git ngai hìng rơp gơlik be lơi! Bơta kis oh mi dê la ñchi taih? Bơh oh mi be dà tŭ, gơlik tòm dô êt jŏ gen roh thit.