Esai 2:20 - Sră Goh 2018

²⁰ Tòm ngai hơ̆, cau rơp sang sơrbì ală đe in mơ ală rềt in ală rùp ràk mơ priă mơ màh mơ bol khai neh lơh gơs nàng duh khoai.

Esai 2:20 ပူးပေါင်းရင်းမြစ်များ

Sơnròp Gơlik Gơs 35:4

Gen bol khai ai Jakôp in ală rùp ràk yàng làng bol bơdìh mơ bol khai gam gơs mơ ală bơno di tồr, gen khai tơp ală phan hơ̆ di tòm cha rềp Sicem.

Cau Bơto 3:6

Gơs tŭ jòi bàn, mơ gơs tŭ roh; Gơs tŭ prap gàr mơ gơs tŭ sang sơrbì;

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 17:8

Bol khai rơp ò sền di ală cơnòng duh khoai, la broă lơh tê bol khai dê; bol khai ò rmê di ală jrong duh khoai rùp ràk Asera dê, mơ ală cơnòng chu kơlhô mơ ràs tê bol khai neh lơh gơs.

Esai 30:22

Gen bol mê rơp lơh ƀơ̆ ƀơl ală rùp ràk ƀềp mơ priă mơ ală rùp duh khoai ƀềp màh bol mê dê; bol mê rơp sơrbì gơ kung be sang phan ƀơ̆ ƀơl mơ đơs mơ gơ lah: “Lik tĕ bơh do!”

Esai 31:7

Bơh tòm ngai hơ̆, jơh tơl nă bol mê rơp sang sơrbì rùp ràk mơ màh mơ priă la phan bol mê neh ngui tê bềng tồi glài he dê mơ lơh gơs.

Esai 40:19

Dô nơm rùp ràk, cau chài lơh màh ƀềp gơ mơ màh, mơ lơh ală che rơnjài mơ priă gơ in.

Esai 46:1

Bel kun tơmù, Nebô gơpừ; ală rùp ràk bol khai dê geh pơdiang hơđang phan poan jơng mơ kơnrồ. Ală rùp duh khoai bol mê tùng tơnàñ kơnjơ̆ hơđang ală phan poan jơng òsô.

Esai 46:6

Gơs cau tă tơlik màh bơh kơldung khai dê, mơ kơr priă hơđang ală phan kơr; bol khai ơpah cau chài tŏ gơs dô nă yàng, mơ bol khai tơmbic să duh khoai gơ.

Ejekiel 14:6

Behơ̆ gen, đơs tĕ mơ hìu Israel lah: ‘Jehôwa Yàng Tom Trồ đơs be do: “Gơjrañ sang glài tĕ! Pơrlac ngài tĕ muh mat bol mê bơh di ală rùp ràk bol mê dê, wèt tĕ muh mat bol mê ngài bơh ală broă lơh cù kìr bol mê dê.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 7:19

Bol khai rơp sơrbì priă bol khai dê tòm gùng, mơ màh bol khai dê rơp gơlik gơs dô nơm phan ƀơ̆ ƀơl. Màh mơ priă bol khai dê ò rgơi dong klàs bol khai tòm ngai gơjrañ dờng Yàng Jehôwa dê. Bol khai rơp geh rài bơta jơgloh hala tơmbềng kơndul bol khai dê bơh phan hơ̆, bơh gơlơh bol khai in gơtup pừ tòm tồi glài.

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Lebi 11:19

klàng kò, ală jơi klàng kò, klàng bồ sùng, mơ rềt.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Luka 23:30

Tŭ hơ̆ cau rơp đơs mơ mơnơm lah: ‘Rlơm tĕ hơđang bol hi,’ đơs mơ dòr lah: ‘Bồr tĕ bol hi!’