Esai 2:2 - Sră Goh 2018

² Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Esai 2:2 ပူးပေါင်းရင်းမြစ်များ

Sơnròp Gơlik Gơs 49:1

Jakôp hòi ală kòn klau khai dê lòt tus mơ đơs lah: “Pơjum tĕ tềng do, añ rơp đơs ală bơta rơp gơlik ală bol mê in tòm ngai tơnơ̆.

Sră Jop 19:25

Bơh añ git Bơtau dong tơwài añ la Bơtau kis, Tus di lồi dut Kơnràñ rơp ntào hơđang ù.

Đơs Crih 102:23

Kơnràñ neh lơh bơta pràn kơldang añ jê gơlik lơbơn tòm gùl rài, Kơnràñ neh tơnliah ală ngai añ jê.

Đơs Crih 2:8

Dan tĕ mơ Añ, Añ rơp ai kòn in ală lơgar lơh gơs sre brê, Mơ ală tiah lồi plai ù lơh gơs phan mơna mê dê.

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Đơs Crih 22:28

Bơh gơnoar at bồ gơrê bal mơ Yàng Jehôwa, Kơnràñ at bồ hơđang ală làng bol.

Đơs Crih 48:2

Mơnơm Siôn, jòng jơnhoa hàng mơnĕ ngan, Mơ la bơta hòn chò jơh ală cau in tòm làm plai ù, la tiah jơnhoa rlau jơh Saphôn dê, La ƀòn dờng Bơtau dờng rlau jơh dê,

Đơs Crih 68:17

Rơndeh ơseh Yàng Tom Trồ dê la bàr jơt rbô nơm, rbô rbô nơm; Yàng lòt bal mơ ală rơndeh hơ̆ bơh Sinai tus hơ tiah sàng goh.

Đơs Crih 72:8

Dan ai khai in at bồ bơh dàlềng do tus hơ dàlềng ne, Bơh di hiòng jơl tus di lồi plai ù.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Đơs Crih 87:1

Kơnràñ neh bơt bơtào mơnàng ƀòn dờng hơđang mơnơm sàng goh.

Đơs Crih 87:2

Yàng Jehôwa gơboh ală mpồng Siôn dê Rlau mơ jơh ală tiah ơm Jakôp dê.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 25:6

Hơđang mơnơm do, Yàng Jehôwa Gơnap Gơnoar Dờng rơp rcang yò ală làng bol in dô bơta ñô sa dờng gơs oă phan sa bơkah, dô bơta ñô sa dờng gơs tơrnòm yau, gơs phan dơngi gơs khu mơ tơrnòm bơkah rlau jơh.

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Esai 30:29

Bol mê rơp đơs chò kung be tòm mang gơs bơta pơjum sa ngai wèr sàng goh; nùs bol mê rơp gơs bơta hòn chò kung be cau uh kơwào, mơ guh hơđang mơnơm Yàng Jehôwa dê la Pơnai Lŭ Klềr Israel dê.

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Esai 60:3

Ală làng bol rơp tus hơ bơta àng mê dê, mơ ală cau bơtau rơp tus hơ bơta àng gơcrà rìng àng drim mê dê.

Esai 65:11

Mơya bol mê la cau sang lòi Yàng Jehôwa, mơ hŭi mơnơm sàng goh Añ jê, la cau neh rcang yò cơnòng sa yàng bơta bơtoah mơ bơta sơbơng roh in, mơ tròc tơrnòm neh bơcă bềng mơngàn yàng lơh nền rài kis dê.

Esai 66:20

Yàng Jehôwa đơs lah: “Bol khai rơp cèng brê jơh ală gơp bơtiàn bol mê dê, bơh di jơh ală lơgar, hào ơseh, rơndeh tòmlơh, rơndeh pơdiang phan, alàng ơseh, làkđa, tus hơ mơnơm sàng goh Añ jê tòm Jerusalem, lơh gơs dô nơm phan ơn Yàng Jehôwa in. Bol khai rơp cèng bol hơ̆ kung be cau Israel cèng phan ơn mơ kòi mbo tus tòm hìu duh khoai Yàng Jehôwa dê, tòm dô nơm phan ngui sàng goh.”

Esai 66:23

Yàng Jehôwa đơs lah: “Bơh ngai dùl lik do tus di ngai dùl lik tơnơ̆, bơh ngai Saƀat do tus di ngai Saƀat ngkòi, jơh jơi poac să rơp tus mơ cùn khoai di đap Añ.

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 23:20

Bơta gơjrañ Yàng Jehôwa rơp ò ruc wơl Jơl tus di tŭ Kơnràñ lơh sir mơ wil tơl bơta Kơnràñ neh lơh nền tòm nùs, Tòm ngai lồi dut, bol mê rơp git wă loh làng bơta hơ̆.

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 3:17

Tòm rài hơ̆ cau rơp sơnđan Jerusalem la sơbàn Yàng Jehôwa dê, mơ jơh ală lơgar gen pơjum wơl tòm Jerusalem, bơh sơnđan Yàng Jehôwa; mơ ò cơnđòa jat bơta kră kơldang nùs iơh bơsak he dê tai.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Jeremi 48:47

Mơya, tus di ală ngai lồi dut, Añ rơp cèng ală cau kong kup cèng gơs dĭ rê wơl.” Yàng Jehôwa đơs behơ̆. Jơnau cahrña bơh Môap tus tềng do lơm.

Jeremi 49:39

Mơya tòm ală ngai tơnơ̆, Añ rơp cèng ală cau kong kup lơh dĭ Elam dê rê wơl.” Yàng Jehôwa đơs behơ̆.

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Ejekiel 40:2

Tòm ală bơta gơtơnggŏ Yàng Tom Trồ dê, Kơnràñ cèng añ tus tòm lơgar Israel, mơ ơn añ hơđang dô nơm mơnơm jơnhoa ngan, bơh hơđang hơ̆ añ sền gŏ hơ đah đơm gơlơh be dô nơm ƀòn dờng gơs oă hìu.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 2:35

Gen lòs ù kơnàng, kòng, priă mơ màh bơcah lề lac jơh, gơlik be thul tòm làn kòi tòm kơnhai prang gơs càl khồm pơrdô, gơ par roh thit jơh. Ai pơnai lŭ neh tơm bơcah rùp ràk hơ̆ gen gơlik gơs dô nơm mơnơm dờng bềng lìu làm ù tiah.

Daniel 2:45

Hơ̆ la jơnau gơtha bơh pơnai lŭ neh phàt bơh mơnơm ò di bơh tê cau dê. Pơnai lŭ hơ̆ jan bơcah lòs, kòng, ù kơnàng, priă mơ màh. Yàng Tom Trồ dờng neh ai bơtau in git bơta rơp gơlik tus tòm ngai tơnơ̆. Bơta mpau la nền cê mơ jơnau gơtha gơ dê la pal dòn.”

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sacari 14:10

Jơh plai ù, bơh Geba jơl tus hơ Rimmôn, đah đơm Jerusalem, rơp gơlik gơs kung be Arabah. Mơya Jerusalem rơp geh tơngguh jơnhoa hơđang tòm tiah gơ dê, bơh Mpồng Benjamin tus di tiah Mpồng Sơnròp, tus di Mpồng Mum, mơ bơh Theng Hananel tus di tiah pat tơrnòm ño cau bơtau dê.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Sacari 8:22

Oă làng bol mơ oă lơgar dờng pràn kơldang rơp tus hơ Jerusalem nàng jòi jat Yàng Jehôwa Gơnap Gơnoar Dờng Làm Jơh, mơ rac dan mơ Kơnràñ.”

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”

Malaci 3:12

“Gen jơh ală làng bol rơp kòp bol mê la gơs lơngai, bơh bol mê rơp la dô nơm lơgar hòn chò hừh hơh,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 24:14

Tŭ do añ rê wơl hơ làng bol añ jê mơya tus tĕ, lòi añ yal lài bơtau in bơh bơta làng bol do rơp lơh di làng bol bơtau dê tòm ală ngai rơp tus.”

Broă 2:17

‘Yàng Tom Trồ đơs lah: Tòm ală ngai lồi dut, Añ rơp tuh Hwềng Añ hơđang jơh ală poac să; Kòn klau mơ kòn ùr bol mê dê rơp đơs hwơr, Ală cau pơnu bol mê dê rơp gơs bơta gơtơnggŏ, Mơ ală cau kra bol mê dê rơp gơs bơta mpau.

II Timôthe 3:1

Git tĕ lah tòm ală ngai lồi dut rơp gơs ală tŭ tơngai bòl glar kalke.

Hebrơ 1:2

tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.

II Pier 3:3

Sơnròp ngan, pal git lah tòm ală ngai lồi dut rơp tus ală cau jak dơñŏ tơnhial ai jơnau dơñŏ tơnhial, jat nùs hàm kòñ is bol khai dê,

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.