Esai 2:18 - Sră Goh 2018

¹⁸ Ală rùp ràk rơp kòl roh thit jơh hir.

Esai 2:18 ပူးပေါင်းရင်းမြစ်များ

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 21:9

Sền ne, gơs cau ling hào ơseh tus, cau hào ơseh mơ yô mơ yô! Khai ho lah: ‘Babilôn neh tơrlơm rau, neh tơrlơm rau! Jơh ală rùp ràk yàng gơ dê, bic bơcah lề hơđang ù tiah!’”

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 46:1

Bel kun tơmù, Nebô gơpừ; ală rùp ràk bol khai dê geh pơdiang hơđang phan poan jơng mơ kơnrồ. Ală rùp duh khoai bol mê tùng tơnàñ kơnjơ̆ hơđang ală phan poan jơng òsô.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 51:18

Ală rùp ràk la ò kwơ, la dô nơm broă blac pơrlồm; Tus ngai cahrña, bol gơ rơp kong tơnroh jơh.

Ejekiel 30:13

Jehôwa Yàng Tom Trồ đơs lah: ‘Añ rơp tơnroh ală rùp ràk mơ pơndut jơh ală rùp duh khoai tòm Memphis. Rơp ò gam gơs dô nă bơtau tai tòm Ejiptơ, behơ̆ Añ rơp ơn bơta rngòt rngơt tơm lơgar Ejiptơ.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 37:23

Bol khai rơp ò tŭ lơi lơh ƀơ̆ ƀơl is să tòm bol khai dê bơh ală rùp ràk mơ bơta lơi lơh bol khai in gơlik ngkòr ngkàc, hala bơh dô nơm tồi glài lơi bol khai dê, bơh Añ rơp dong tă bol khai klàs bơh di jơh ală bơta bol khai neh tìs glài, mơ Añ rơp lơh goh bol khai. Bol khai rơp lơh gơs làng bol Añ jê mơ Añ rơp lơh gơs Yàng Tom Trồ bol khai dê.

Ejekiel 6:6

Bulah bol mê ơm tiah lơi, gen ală ƀòn dờng rơp kong sang lòi srau gòi, ală tiah jơnhoa rơp kong tơnroh, gen tàng ală cơnòng duh khoai bol mê dê rơp kong sang gòi mơ roh rui, ală rùp ràk bol mê dê rơp kong pòng bơcah mơ kong tơnroh, ală cơnòng chu kơlhô bol mê dê rơp kong pòng pă lề, mơ ală broă lơh bol mê rơp pơs tơlik jơh hir.

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Mice 1:7

Jơh ală rùp ràk khai dê rơp kong pòng bơcah rpot rpet, jơh ală jền tơngai khai dê rơp kòl chu tòm ồs; mơ Añ rơp tơnroh jơh ală rùp ràk khai dê; bơh khai pơjum tơrgòm jền tơngai ală cau ùr dri dê, mơ jền tơngai ală cau ùr dri dê bol khai rơp geh ngui tai.”

Mice 5:13

Añ rơp tơnroh ală rùp ràk pac sềr bol mê dê, bal mơ ală jrong duh khoai bơh digùl bol mê dê, mơ bol mê rơp ò tai kun duh khoai ală broă bơh tê bol mê dê.

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.