Esai 2:11 - Sră Goh 2018

¹¹ Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 2:11 ပူးပေါင်းရင်းမြစ်များ

II Samuel 22:28

Kơnràñ dong tă cau pơndêt să; mơya mat Yàng sền đal ală cau pơnhừ să nàng tơmù bol khai.

Đơs Crih 18:27

Bơh Yàng dong tă làng bol pơndêt să, Mơya tơmù mat cau pơnhừ să.

Đơs Crih 18:28

Ngan, Yàng chu ồs di đèng añ jê; Jehôwa Yàng Tom Trồ añ jê sòl pơnđàng tòm bơta klam jơngo añ jê.

Đơs Crih 20:8

Ală cau hơ̆ rơp ruc wơl mơ gơplơ̆, Mơya bol hi rơp guh mơ ntào song.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 94:2

Ơ Bơtau cahrña plai ù, dan guh, dan sal wơl di cau pơnhừ să bơta di pal bol khai in.

Jơnau Pơnđik 16:5

Cau pơnhừ să ai lơh cù kìr Yàng Jehôwa in; Di ngan, bol khai rơp ò geh klàs bơh bơta lơh glài.

Jơnau Pơnđik 30:13

Gơs dô jơi bơtiàn muh mat lơh be tòm, gơs ală cau gơs mat pơnhừ să!

Esai 10:12

Tòm tŭ Yàng Jehôwa neh lơh sir jơh ală broă tòmdră mơ mơnơm Siôn mơ Jerusalem Kơnràñ rơp đơs: “Añ rơp lơh glài bơtau Asiri tài bơh nùs pơnhừ să mơ gar mat pò hơđang khai dê.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 12:4

Mơ bol mê rơp đơs tòm ngai hơ̆ lah: “Ưnngài tĕ Yàng Jehôwa, hòi dan tĕ di sơnđan Kơnràñ; yal tơnggit tĕ ală broă Kơnràñ neh lơh digùl ală làng bol, mơ yal tơlik tĕ lah sơnđan Kơnràñ geh yò tơngguh.

Esai 13:11

Añ rơp lơh glài dunnia bơh bơta iơh bơsak gơ dê, lơh glài cau jàñ bơsak bơh bơta tồi glài iơh bơsak bol khai dê, Añ rơp pơndut bơta jòng să cau pơnhừ să dê, mơ rơp tơmù bơta pơnhừ să cau iơh rmơh dê.

Esai 14:15

Mơya mê pal kong tơmù tòm lơgar làng ƀồc, tòm tiah jrô trồm dê.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 23:9

Yàng Jehôwa Gơnap Gơnoar Dờng neh lơh nền bơta hơ̆ nàng tơmù bơta pơnhừ să jơh ală bơta gơklŏ dê, mơ lơh ƀàssìl jơh ală cau dờng ryŭ tòm dunnia.

Esai 24:21

Tòm ngai hơ̆, Yàng Jehôwa rơp lơh glài ală gơnoar at bồ hơđang trồ tòm ală tap trồ, mơ tòm ù ală cau bơtau tòm plai ù.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 26:1

Tòm ngai hơ̆, bơta đơs chò do rơp geh đơs tòm ù tiah Juda dê: “Bol he gơs ƀòn dờng pràn kơldang; Kơnràñ bơtào bơta pha lin be ală dơrñang mơ ală dơrñang ƀòn dờng dê.

Esai 28:5

Tòm ngai hơ̆, Yàng Jehôwa Gơnap Gơnoar Dờng rơp gơlik gơs sơgơn gơklŏ, mơ sơgơn bơkào hàng mơnĕ làng bol gam wơl Kơnràñ dê.

Esai 29:18

Tòm ngai hơ̆, cau tĭ tồr rơp kơno ală jơnau tòm sră pồt, gar mat cau jơngo rơp sền gŏ bơh bơta lu li mơ klam jơngo.

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 4:1

Poh nă cau ùr rơp sơmbat kup dô nă cau klau tòm ngai hơ̆, mơ đơs lah: “Bol hi rơp sa phan tòm hi dê, soh ồi ào tòm hi dê; mìng lòi bol hi in geh hòi jat sơnđan mê dê; dan tă tơlik ngài bơta ƀàssìl bol hi dê!”

Esai 40:23

Kơnràñ lơh ală cau bơtau in gơlik be gòi, mơ lơh ală cau kwang at bồ tòm dunnia gơlik ò kwơ.

Esai 52:6

Gen tàng làng bol Añ jê rơp git sơnđan Añ; gen tàng tòm ngai hơ̆ bol khai rơp git Bơtau neh đơs: ‘Hơ̆ la Añ’.”

Jeremi 12:9

Bơh sre brê Añ la be grơt jròk sa, gơs ală sềm sa poac gơrwàng gùt dar gơ ơ? Lòt tĕ pơjum ală jơi phan poan jơng wơl tòm brê, ai bol gơ in sa loan khai!

Jeremi 9:24

Mơya cau lơi jòng să la jòng să tòm bơta do, hơ̆ la bol khai wă wơng mơ đal git Añ la Yàng Jehôwa, Añ lơh broă mơ bơta kòñ gơboh kơ̆ dơn, Song ngan, mơ song ring hơđang plai ù; Bơh Añ kòñ gơboh ală bơta hơ̆.” Yàng Jehôwa đơs behơ̆.

Ejekiel 38:14

Behơ̆ gen, ơ kòn mơnus, đơs hwơr tĕ mơ đơs mơ Gok lah: Jehôwa Yàng Tom Trồ đơs be do: ‘Tòm ngai hơ̆, tòm tŭ làng bol Israel Añ jê ơm lơngap lơngai, mê ò git sơl ơ?

Ejekiel 38:19

‘Tòm bơta ƀoah gơjrañ mơ bơta gơjrañ dờng duh hơng Añ jê, Añ yal loh lah: tòm ngai hơ̆ rơp gơs lơnggơr ù dờng ngan tòm lơgar Israel.

Ejekiel 39:11

“‘Tòm ngai hơ̆, Añ rơp ai Gok in dô bă tiah tơp ƀồc tòm Israel, tòm thòng ală cau lòt gùng hơ đah mattơngai lik tus hơ dàlềng. Tiah tơp ƀồc hơ̆ rơp kơryan ală cau lòt gùng tài bơh Gok mơ jơh ală mpồl làng bol khai dê rơp tơp tềng hơ̆. Behơ̆ gơ rơp geh sơnđan la Thòng Hamon Gok dê

Ejekiel 39:22

Hìu Israel rơp git Añ la Jehôwa Yàng Tom Trồ bol khai dê, bơh ngai hơ̆ tus di ală ngai rơp tus.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Sră Ôse 2:16

Yàng Jehôwa đơs lah: “Tòm ngai hơ̆, ai rơp hòi Añ la ‘bau klau añ jê’, mơ ai rơp ò tai hòi Añ la ‘cau tòm añ jê.’

Sră Ôse 2:18

Tòm ngai hơ̆, Añ rơp bơh bol khai mơ bơt bơta ho bal mơ ală phan poan jơng tòm ƀlàng, ală sềm hơđang trồ, mơ ală phan wìn nsròng tòm ù. Añ rơp tơnroh jơh ală àtak, ală đào, mơ bơta tòmlơh bơh di ù tiah do, tồ jơh làng bol in geh bic rlô ring lơngai.

Sră Ôse 2:21

Yàng Jehôwa đơs: “Tòm ngai hơ̆, Añ rơp ho wơl, Añ rơp ho wơl mơ ală tap trồ, mơ ală tap trồ rơp ho wơl mơ ù tiah.

Jôel 3:18

Tòm ngai hơ̆, ală mơnơm rơp gơhòr tơrnòm lơngồt, mơ ală dòr rơp gơcat dà toh; jơh ală croh Juda dê rơp gơhòr dà. Dô nơm croh dà rơp hòr lik bơh di hìu Yàng Jehôwa dê mơ tuh làm tòm Thòng Sitim.

Amôs 9:11

“Tòm ngai hơ̆, Añ rơp bơtào wơl sàl Dabit neh gơtơrlơm, Añ rơp rcang wơl ală tiah neh tơrlah gơ dê, bơt wơl bơta tơnroh lề lac gơ dê, mơ bơtào wơl kung be gơ neh gơs lài òr;

Apdia 1:8

Yàng Jehôwa đơs lah: “Tòm ngai hơ̆, Añ rơp tơnroh ală cau jak chài Edôm dê, mơ ală cau gơs bơta git wă tòm ală mơnơm Esau dê.

Mice 2:3

Behơ̆ tàng Yàng Jehôwa đơs be do: “Añ lòi wơl dô bơta iơh tòmdră mơ làng bol do, bol mê ò rgơi hồ bơh di ngko bol mê dê; mơ bol mê ò rgơi cơnđòa lòt pò bồ; bơh hơ̆ rơp la dô tŭ tơngai iơh rmơh ngan.

Mice 4:6

Yàng Jehôwa đơs lah: “Tòm ngai hơ̆, Añ rơp pơjum wơl cau kwet gơlte; Añ rơp tơrgòm wơl ală cau neh kong kup cèng hơ tiah ngài, mơ ală cau mơ Añ neh lơh jê sồt moat jrùng.

Mice 5:10

Yàng Jehôwa đơs lah: “Tòm ngai hơ̆, Añ rơp tơnroh ală ơseh bơh digùl bol mê, mơ tơnroh jơh ală rơndeh ơseh tòmlơh bol mê dê.

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Sôphôni 3:16

Tòm ngai hơ̆, bol khai rơp đơs mơ Jerusalem lah: “Ơ Siôn! Bañ rngòt, bañ lòi tê ai dê lơbơn!

Sacari 9:16

Tòm ngai hơ̆, Jehôwa Yàng Tom Trồ bol khai dê rơp dong klàs bol khai, bơh bol khai la mpồl belàt làng bol Kơnràñ dê. Bol khai rơp àng gơcrà tòm lơgar Kơnràñ dê kung be ală lŭ màng hơđang sơgơn bơtau.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

II Kôrintô 10:17

Mơya be jơnau Sră Goh neh đơs lah: “Behơ̆ cau lơi jòng să, gen jòng să tĕ bơh broă Yàng neh lơh.”

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.