Esai 2:10 - Sră Goh 2018

¹⁰ Mut tĕ tòm ală trồm pơnai lŭ klềr, hala pồn tòm trồm tòm ù nàng pleh klàs bơh di bơta rngòt rngơt Yàng Jehôwa dê, mơ bơh bơta gơklŏ ryŭ ryơm Kơnràñ dê!

Esai 2:10 ပူးပေါင်းရင်းမြစ်များ

Sră Jop 31:23

Bơh añ rngòt di bơta rung rài tus bơh Yàng Tom Trồ, Mơ añ ò rgơi ơm di đap mat bơta ryŭ ryơm Kơnràñ dê.

Sră Jop 40:13

Ală ntìng gơ dê kung be ală ding mơ kòng, Ală jơng gơ dê kung be jrong lòs.

Đơs Crih 145:12

Nàng yal tơlik kòn mơnus in git ală broă gơnap gơnoar Yàng dê, Mơ bơta gơklŏ ryŭ ryơm lơgar Kơnràñ dê.

Đơs Crih 90:11

Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 25:11

Bulah bol khai dang tê bol khai dê digùl tiah hơ̆ kung be cau re dà dang tê nàng re; bơta pơnhừ să bol khai dê rơp kòl tơmù, bơta tòmlơh tòmdră bơh bơta pràn tê bol khai dê.

Esai 42:22

Mơya do la dô nơm làng bol kong phà kong kơñau, jơh tơl nă bol khai yar dă dùh tòm trồm jrô, mơ pồn ndơp tòm ală hìu jàm. Bol khai gơlik gơs phan tòmpìt geh mơ ò gơs cau lơi dong tă; lơh gơs phan kup geh mơ ò gơs cau lơi đơs lah: “Lòi tĕ bol khai rê wơl.”

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jeremi 13:9

Yàng Jehôwa đơs be do: “Añ rơp lơh roh bơta pơnhừ să Juda dê, mơ bơta pơnhừ să dờng Jerusalem dê.

Sră Ôse 10:8

Ală tiah jơnhoa tòm Aben, bơta tồi glài Israel dê rơp kong tơnroh, ală lò mơ rlau lò rơp hòn dờng hơđang ală cơnòng duh khoai bol khai dê. Bol khai rơp đơs mơ ală mơnơm lah: “Jơm gòm tĕ bol hi!” mơ đơs mơ ală dòr lah: “Dùh tĕ hơđang bol hi!”

Nahum 3:11

Ai kung rơp gơlik be cau bơñul ñô, ai rơp lòt tus di tiah pồn să, mơ jòi tiah kìng crŭ bơh di cau sò tơm.

Luka 12:5

Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!

Luka 23:30

Tŭ hơ̆ cau rơp đơs mơ mơnơm lah: ‘Rlơm tĕ hơđang bol hi,’ đơs mơ dòr lah: ‘Bồr tĕ bol hi!’

II Tesalônika 1:9

Bol khai rơp kòl lơh glài jàm roh rui sùm sùm ngài bơh di mat Yàng mơ bơh di bơta gơklŏ gơnoar pràn Kơnràñ dê,