Esai 19:3 - Sră Goh 2018

³ Cau Ejiptơ rơp gơdô nùs, mơ Añ rơp lơh roh tơnggume broă bol khai dê; bol khai hòi lùp ală rùp ràk mơ ală hwềng cau chơt, ală cau bơjơu mơ ală cau sền dà.

Esai 19:3 ပူးပေါင်းရင်းမြစ်များ

II Samuel 15:31

Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

II Ală Bơtau 1:2

Acasia dùh bơh di pơnggàr rơng ơdŭ hơđang khai dê tòm Samari, mơ ơm bic tài bơh bơta jê sồt hơ̆. Behơ̆ khai sồr cau kong sồr lòt, mơ nting lah: “Lòt tĕ lùp Baaljebup, yàng cau Ekrôn dê, nàng git añ rơp bòi bơta kòp jê do sơl hala ò?”

I Yal Yau 10:13

Behơ̆ Sol neh chơt tài bơh khai ò dòn song mơ Yàng Jehôwa, khai ò prap gàr jơnau Yàng Jehôwa dê, tian gơs khai kung hòi lùp dô nă cau bơjơu gru nàng tề lam khai,

Đơs Crih 107:27

Bol khai sơwing bồ mơ lòt gơsèng be cau bơñul ñô; Bơta jak chài bol khai dê roh jơh.

Đơs Crih 33:10

Yàng Jehôwa lơh bơta bơyai ală lơgar dê gơlik gơs ò kwơ, Kơnràñ lơh ală bơta rơndap tap sèng ală làng bol dê gơlik gơs roh lơm.

Đơs Crih 76:12

Kơnràñ tơnroh ală hwềng cau kwang at bồ dê, Ală cau bơtau tòm dunnia rngòt rơm să di đap Kơnràñ.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 14:27

Bơh Yàng Jehôwa Gơnap Gơnoar Dờng neh lơh nền behơ̆, gen ñcau rgơi kơryan Kơnràñ taih? Tê Kơnràñ neh pò gen ñcau rgơi pơrlac wơl taih?

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Esai 47:12

Ntào kơ̆ tòm bơta juh proh mơ gru bơjơu ai dê mơ ai neh kong bòl glar bơh tŭ ai gam kơnòm să. Digơlan ai rơp gơlik cồng nha; mơ digơlan ai rơp cèng tus bơta kìr rngòt.

Esai 57:16

Añ rơp ò kơt glài sùm sùm, kung ò gơhào gơjrañ sùm sùm; bơh ală hwềng soàn rơp bòl glar di đap Añ, bulah hwềng kis mơ Añ neh crơng gơs.

Esai 8:19

Tŭ do, dilah gơs cau đơs mơ mê lah: “Lòt tĕ lùp ală cau sền dà mơ cau gru cau bơjơu, la ală cau đơs òm mơ đơs chều,” gen pal ho lah: “Dô nơm làng bol ò di pal hòi lùp ală yàng bol khai dê, cau chơt ai sơnđan cau gam kis,

Jeremi 46:15

Tài bơh ñchi Apis dô thit, ñchi bơh tài ală kơnrồ bol mê ò rgơi ntào, bơh Yàng Jehôwa neh ting bơtrơh bol khai.

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Ejekiel 22:14

Bơta khin cha ai dê rơp ơm kơ̆ hala tê ai dê rgơi gam pràn tòm ngai Añ cahrña ai sơl? Añ, Yàng Jehôwa, neh đơs behơ̆ mơ Añ rơp lơh bơta hơ̆.

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Daniel 2:2

Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 5:7

Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

I Samuel 25:37

Gen tòm àng drim hìng, tòm tŭ Nabal neh rài bơñul, bau ùr khai yal wơl khai in jơh ală bơta hơ̆, gen Nabal chơt kơng tòm nùs mơ khai gơlik gơs kung be lŭ.