Esai 18:4 - Sră Goh 2018

⁴ Bơh do la jơnau Yàng Jehôwa đơs mơ añ: “Añ rơp ơm mŏ mŏ mơ sền bơh di tiah Añ ơm, kung be bơta duh mattơngai pơnđàng, be mhwal dà tŭ bơta duh kơnhai toès dê.

Esai 18:4 ပူးပေါင်းရင်းမြစ်များ

II Samuel 23:4

kung be bơta àng àng drim, be mattơngai lik tòm àng drim ò gơs mhwal, àng gơcrà bơh mìu hơđang ù in hòn ñhơt.’

II Yal Yau 6:21

Dan Kơnràñ iat ală jơnau rac dan cau duh broă Kơnràñ dê mơ làng bol Israel Kơnràñ dê tòm tŭ bol khai hòi dan wèt hơ tiah do. Dan iat bơh đang trồ, la tiah ơm sùm Kơnràñ dê, dan iat mơ toh glài.

Đơs Crih 72:6

Dan ai khai in gơlik be mìu dùh hơđang ñhơt pa pès, Be dà mìu tuh hơđang ù.

Jơnau Pơnđik 19:12

Bơtau gơhào khuh ò gơkrơi be klìu triă ơluh ơhùm; ai bơta nđàc khai be dà tŭ dùh hơđang ƀlàng ñhơt.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 14:32

Ñchi jơnau rơp ho wơl mơ ală cau kong sồr tus bơh làng bol hơ̆ taih? Ho tĕ lah: “Yàng Jehôwa neh bơtào Siôn, ală cau siơ̆u siar tòm làng bol Kơnràñ dê rơp jòi bàn tiah kìng crŭ tòm hơ̆.”

Esai 18:7

Tòm tŭ hơ̆ phan pà rơp geh cèng ơn Yàng Jehôwa Gơnap Gơnoar Dờng in bơh dô nơm làng bol să jơnhoa gơltau àng gơcrà, dô nơm làng bol pal rngòt bơh tòm tiah ngài mơ tiah rềp, dô nơm làng bol jak tòmpìt sơmbrơt pràn kơldang, dô nơm lơgar ù tiah tòmcah bơh ală hiòng dà, tus hơ mơnơm Siôn la tiah gơrê mơ sơnđan Yàng Jehôwa Gơnap Gơnoar Dờng dê.

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Esai 26:21

Bơh Yàng Jehôwa lik bơh di tiah Kơnràñ dê nàng lơh glài làng bol hơđang plai ù bơh tồi glài bol khai dê. Plai ù rơp ràng tơlik mhàm neh tuh hơđang gơ; mơ rơp ò gam jơm ndơp tai ală cau neh kòl tơnchơt gơ dê.

Esai 31:9

Pơnai lŭ bol khai dê rơp lòt rlau tòm bơta rngòt rngơt; ală cau kwang at bồ ling bol khai dê rơp rơm să rngòt tòm tŭ gŏ bồng bi.” Yàng Jehôwa la Bơtau gơs ồs tòm Siôn mơ gơs bơnhă ồs tòm Jerusalem đơs behơ̆.

Esai 46:13

Añ cèng bơta song ring Añ jê tus rềp, gơ ò ơm ngài; mơ bơta dong klàs Añ jê rơp ò lơh òbat nyà. Añ rơp ai bơta dong klàs Siôn in, bơta gơklŏ Añ jê Israel in.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Sră Ôse 14:5

Añ rơp be dà tŭ Israel in; khai rơp gơlik bơkào be bơkào gun, Khai rơp kung be dơr brê srò ryas jrô tòm Liban.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.