Esai 17:8 - Sră Goh 2018

⁸ Bol khai rơp ò sền di ală cơnòng duh khoai, la broă lơh tê bol khai dê; bol khai ò rmê di ală jrong duh khoai rùp ràk Asera dê, mơ ală cơnòng chu kơlhô mơ ràs tê bol khai neh lơh gơs.

Esai 17:8 ပူးပေါင်းရင်းမြစ်များ

II Samuel 22:42

Bol khai kơp gơn, mơya ò gơs cau lơi dong klàs bol khai, bol khai hòi dan mơ Yàng Jehôwa mơya Kơnràñ ò ho wơl bol khai in.

II Yal Yau 14:5

Khai kung tă sang ală tiah jơnhoa duh khoai mơ ală cơnòng chu kơlhô tòm ală ƀòn dờng Juda dê, mơ lơgar geh ring lơngai hơđơm gơnoar at bồ khai dê.

II Yal Yau 31:1

Tòm tŭ neh sir jơh ală bơta hơ̆, ală cau Israel neh ơm tềng hơ̆ lik lòt tus hơ ală ƀòn dờng Juda dê, pòng bơcah ală pơnai lŭ mơ koh tòmpừ ală jrong duh khoai Asera dê. Bol khai sòr tơrlah ală tiah jơnhoa mơ ală cơnòng duh khoai tòm lam jơh Juda, Benjamin, Epraim mơ Manase. Tian gơs bol khai neh tơnroh jơh hir, gen jơh ală cau Israel rê wơl hơ ală ƀòn dờng tòm bol khai dê, jơh ală rê hơ sre brê tòm bol khai dê.

II Yal Yau 34:4

Di đap mat bơtau bol khai sòr tơrlah ală cơnòng duh khoai ală Baal dê; khai koh rpot rpet cơnòng chu kơlhô ơm hơđang bol gơ, mơ jan bơcah ală jrong duh khoai Asera, ală rùp ràk mơ ală rùp duh khoai. Khai jan bơcah jơh ală phan hơ̆ mơ rsìh hơđang ală bơtô ƀồc ală cau neh ơn phan duh khoai bol gơ.

Lik Ejiptơ 34:13

Phà tơrlah tĕ ală cơnòng duh khoai bol khai dê, pòng bơcah tĕ ală lŭ bol khai duh khoai, mơ koh tĕ ală jrong Asera.

Esai 1:29

Đah mơ ai rơp kong ƀàssìl bơh ală tòm cha mơ ai lơh gơs tiah duh khoai, mơ la tiah ai kòñ gơboh; Ai rơp kong ƀàssìl ƀàsso tài bơh ală suơn mơ ai neh sac rwah.

Esai 10:20

Tòm ngai hơ̆, mpồl gam wơl Israel dê, la ală cau gam kis hìu Jakôp dê, rơp ò gam sơnđìng tai di dô nă cau neh lơh bol khai, mơya rơp sơnđìng di Yàng Jehôwa, Bơtau Sàng Goh Israel dê tòm jơnau song.

Esai 17:9

Tòm ngai hơ̆, ală ƀòn dờng kơ̆ cê bol khai dê rơp kung be ală tiah sang lòi ngềt ngơt tòm brê hala hơđang mơnơm. Hơ̆ la ală tiah neh gơkòl sang lòi di đap kòn sau Israel dê; hơ̆ la tiah srau gòi.

Esai 2:8

Lơgar bol khai dê gơs bềng lìu ală rùp ràk, bol khai cùn khoai ală phan tê bol khai neh lơh, phan mơ ràs tê bol khai dê neh mòn gơs.

Esai 27:9

Gen tàng tài bơh bơta do tồi glài Jakôp dê rơp geh tơwài, mơ bơta do rơp la cồng nha bơta tă sang tồi glài khai dê: Tòm tŭ khai lơh jơh ală lŭ cơnòng duh khoai dê gơlik be lŭ cùr bơcah rpot rpet, ală rùp ràk Asera mơ ală cơnòng duh khoai chu kơlhô rơp ò gơs tŭ lơi bơt bơtào tai.

Esai 30:22

Gen bol mê rơp lơh ƀơ̆ ƀơl ală rùp ràk ƀềp mơ priă mơ ală rùp duh khoai ƀềp màh bol mê dê; bol mê rơp sơrbì gơ kung be sang phan ƀơ̆ ƀơl mơ đơs mơ gơ lah: “Lik tĕ bơh do!”

Esai 37:19

sơrbì ală yàng bol khai dê tòm ồs mơ tơnroh jơh tài bơh bol gơ ò di la ală yàng ngan, mơya mìng chi mơ lŭ bơh tê kòn mơnus mòn gơs.

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Esai 44:15

Hơ̆ la lòng khai ngui nàng sing ồs; ƀà ngui nàng ñjơr ram. Khai ngui gơ sing ồs nàng buh piang lă. Mơya khai kung lơh gơs dô nă yàng mơ duh khoai, khai lơh gơs dô nơm rùp ràk mơ cùn khoai di đap gơ.

Jeremi 17:2

Tòm tŭ ală kòn bol khai dê kah wơl cơnòng duh khoai Mơ rùp ràk Asera bol khai neh bơt bơtào di gah ală rlau chi tơlir Mơ hơđang dòr jơnhoa.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Sră Ôse 14:8

Ơ Epraim, gơs ñchi lơi Añ gơwèt mơ ală rùp ràk taih? Să tòm Añ neh ho jơnau mê mơ sền gàr mê. Añ kung be la dô nơm chi nho tơlir; bơta dòn song mê dê tus bơh Añ.

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Yal Wơl 7:5

Bol mê pal lơh gơwèt hơ bol khai be do: Sòr tơrlah ală cơnòng duh khoai bol khai dê, jan bơcah ală lŭ duh khoai bol khai dê, koh tơnroh ală jrong duh khoai Asera bol khai dê mơ chu ală rùp ràk bol khai dê tòm ồs.