Esai 17:7 - Sră Goh 2018

⁷ “Tòm ngai hơ̆, cau rơp rmê sền di Bơtau Crơng Gơs he, mơ wèt mat tơnggòr di Bơtau Sàng Goh Israel dê.

Esai 17:7 ပူးပေါင်းရင်းမြစ်များ

II Samuel 22:42

Bol khai kơp gơn, mơya ò gơs cau lơi dong klàs bol khai, bol khai hòi dan mơ Yàng Jehôwa mơya Kơnràñ ò ho wơl bol khai in.

II Yal Yau 31:1

Tòm tŭ neh sir jơh ală bơta hơ̆, ală cau Israel neh ơm tềng hơ̆ lik lòt tus hơ ală ƀòn dờng Juda dê, pòng bơcah ală pơnai lŭ mơ koh tòmpừ ală jrong duh khoai Asera dê. Bol khai sòr tơrlah ală tiah jơnhoa mơ ală cơnòng duh khoai tòm lam jơh Juda, Benjamin, Epraim mơ Manase. Tian gơs bol khai neh tơnroh jơh hir, gen jơh ală cau Israel rê wơl hơ ală ƀòn dờng tòm bol khai dê, jơh ală rê hơ sre brê tòm bol khai dê.

Đơs Crih 95:6

Bol he lòt tus tĕ tơmbic să mơ duh khoai; Bol he cùn gơltang tĕ di đap Yàng Jehôwa, la Bơtau crơng gơs bol he!

Esai 19:22

Yàng Jehôwa rơp pù lơh Ejiptơ, pù lơh gen sơmbòi wơl; bol khai rơp rê wơl mơ Yàng Jehôwa, mơ Kơnràñ rơp ho wơl ală jơnau bol khai rac dan mơ sơmbòi bol khai.

Esai 22:11

Bol mê bơt tơnau dà digùl bàr đah dơrñang ƀòn nàng prap lòi dà tơnau yau, mơya bol mê ò tơnggòr sền di Bơtau lơh gơs bơta hơ̆; hala ki ngàm di Bơtau neh lơh nền bơta hơ̆ bơh yau òr.

Esai 29:24

Ală cau gơs hwềng nùs wil wơl rơp dòp geh bơta git wă; ală cau òs ƀoah pơrhiat rơp dòp jơnau bơto sồr.”

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Amôs 3:12

Yàng Jehôwa đơs be do: “Be cau ê belàt mìng tă bàr đah nơm jơng hala dô nơm tồr bơh di bơr klìu triă, behơ̆ ală làng bol Israel la ală cau ơm tòm Samari rơp geh dong tă di mum cơnòng jòng hala di gah cơnòng bic bol khai dê.

Mice 7:7

Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.