Esai 17:4 - Sră Goh 2018

⁴ “Tòm ngai hơ̆, bơta gơklŏ Jakôp dê rơp gơhuc, dơngi tòm poac să khai dê rơp gơ mù.

Esai 17:4 ပူးပေါင်းရင်းမြစ်များ

Sơnròp Gơlik Gơs 41:3

Mơ poh nơm kơnrồ ndai, rgai rgong, ò niam guh jat tơnơ̆ bơh hiòng Nil, mơ ntào rềp di ală kơnrồ lài di gah hiòng.

II Ală Bơtau 17:3

Salmanaser, bơtau Asiri, lòt tus tòmdră mơ Ôse; khai kong duh Salmanaser, mơ boh dia khai in.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

Esai 10:16

Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 17:3

Tiah kơp gàr kơ̆ cê rơp roh thit bơh di Epraim, mơ lơgar bơtau ò gam tai, bơh di Damas; làng bol gam wơl Aram dê rơp kung be bơta gơklŏ kòn sau Israel dê,” Yàng Jehôwa Gơnap Gơnoar Dờng đơs behơ̆.

Esai 24:13

Ală bơta hơ̆ rơp gơlik gơs hơđang plai ù, mơ digùl ală lơgar, be tòm tŭ cau pù chi ôlibe nàng ai plai, be tòm tŭ cau dòñ plai ño tơnơ̆ mơ kơnhai pic plai.

Esai 24:16

Bơh ală tiah lồi plai ù dê, bol he kơno ală bơta đơs chò bơta jòng ro lah: “Bơta gơklŏ gơrê mơ Bơtau Song Ring.” Mơya añ neh đơs lah: “Nùs añ siar roh, añ siar roh! Bòl glar añ in! Ală cau pơrlơ̆ dră! Cau pơrlơ̆ dră kư̆ pơrlơ̆ dră sùm!”

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Esai 9:8

Yàng Jehôwa neh yal dô jơnau tòmdră mơ Jakôp, jơnau hơ̆ tus hơđang Israel.

Ejekiel 34:20

Gen tàng, Jehôwa Yàng Tom Trồ đơs be do mơ bol khai: ‘Să tòm añ rơp cahrña digùl belàt lơmă mơ belàt rgai.

Amôs 3:12

Yàng Jehôwa đơs be do: “Be cau ê belàt mìng tă bàr đah nơm jơng hala dô nơm tồr bơh di bơr klìu triă, behơ̆ ală làng bol Israel la ală cau ơm tòm Samari rơp geh dong tă di mum cơnòng jòng hala di gah cơnòng bic bol khai dê.

Sôphôni 2:11

Yàng Jehôwa rơp gơlik gơs bơta rngòt rngơt bol khai in; Kơnràñ rơp tơnroh jơh ală yàng tòm ù dê. Ală làng bol ơm di gah dàlềng mơ ală bồt pơlào, tòm lơgar bol khai dê, rơp duh khoai Kơnràñ.