Esai 17:3 - Sră Goh 2018

³ Tiah kơp gàr kơ̆ cê rơp roh thit bơh di Epraim, mơ lơgar bơtau ò gam tai, bơh di Damas; làng bol gam wơl Aram dê rơp kung be bơta gơklŏ kòn sau Israel dê,” Yàng Jehôwa Gơnap Gơnoar Dờng đơs behơ̆.

Esai 17:3 ပူးပေါင်းရင်းမြစ်များ

II Ală Bơtau 16:9

Bơtau Asiri iat jơnau Ahas dê, lòt tus brồ lơh Damas mơ tòmpìt ai gơ, kup làng bol cèng tus hơ Kir, mơ khai tơnchơt Rejin.

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

Esai 10:9

Kalnô ò di kung be Karkemis ò ơ? Hamat ò di kung be Arpat, Samari ò di kung be Damas ò ơ?

Esai 16:14

Mơya tŭ do Yàng Jehôwa đơs lah: “Tòm pe nam, kung be ală nam cau lơh ơpah lơh broă, bơta gơklŏ Môap dê bal mơ mpồl làng bol oă khai dê rơp kòl sền òsơp, mơ khà mpồl cau gam kis la mìng dô êt lơm mơ òsô ò soàn.”

Esai 17:4

“Tòm ngai hơ̆, bơta gơklŏ Jakôp dê rơp gơhuc, dơngi tòm poac să khai dê rơp gơ mù.

Esai 25:2

Kơnràñ neh lơh ƀòn dờng in gơlik gơs dô gơnru bơcah lề, ƀòn dờng kơ̆ cê in gơlik gơs ƀòn dờng tơrlah tơrlơm, gơlang làng bol bơdìh ò gam la dô nơm ƀòn dờng tai, gơ rơp ò gơs tŭ lơi geh bơt bơtào wơl.

Esai 7:16

Bơh lài mơ tŭ kòn dềt hơ̆ git sang bơta iơh mơ sac bơta niam, gen lơgar bàr nă bơtau mơ mê rngòt rơp kong sang lòi ngềt ngơt.

Esai 7:8

Bơh bồ Aram dê la Damas, mơ bồ Damas dê la Rejin. (Tòm prau jơt pram nam tai, Epraim rơp kong alah, ò geh kòp la dô nơm làng bol tai.)

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Sră Ôse 1:4

Gen Yàng Jehôwa đơs mơ khai lah: “Tơmoh tĕ sơnđan khai la Jejreel tài bơh gam dô êt jŏ tai gen Añ rơp lơh glài hìu nhă Jehu tài bơh bơta gơhòr mhàm tòm Jejreel, mơ Añ rơp tơnlồi lơgar bơtau Israel.”

Sră Ôse 1:6

Gômer bun tai mơ deh dô nă kòn ùr. Yàng Jehôwa đơs mơ Ôse lah: “Tơmoh tĕ sơnđan khai la Lôruhamah, tài bơh Añ rơp ò yal tơlik bơta kòñ gơboh dê làng bol Israel tai, mơ kung ò tai toh glài bol khai in!

Sră Ôse 10:14

Gen tàng jơnau nggồr nggàc bơh bơta kơlìn rơp guh tòmdră mơ làng bol bol mê dê, ală tiah kơp gàr bol mê dê rơp kong tơnroh kung be Salman neh tơnroh Betarbel tòm ngai tòmlơh dê, tòm tŭ ală mè kong cơm tơnlề bal mơ ală kòn bol khai dê.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Sră Ôse 8:8

Làng bol Israel neh kong sa loan; Tŭ do bol khai ơm digùl ală lơgar, kung be dô nơm phan ngui ò kwơ.

Sră Ôse 9:11

Bơta gơklŏ Epraim dê rơp par roh thit be sềm; ò deh, ò bun, ò ƀô bun.

Amôs 8:14

Bol khai la ală cau srat să bơh Asima cau Samari dê, mơ đơs lah: ‘Ơ Dan, di ngan be yàng bol mê dê kis,’ mơ: ‘Di ngan kung be gùng dà Beerseba dê kis’ jơh ală bol khai rơp gơpừ, ò gơs tŭ lơi guh tai.”