Esai 17:1 - Sră Goh 2018

¹ Do la dô jơnau đơs hwơr bơh Damas: “Do, Damas rơp ò gam geh kòp la dô nơm ƀòn dờng, mơ rơp gơlik gơs dô gơnru tơrlah tơrlơm.

Esai 17:1 ပူးပေါင်းရင်းမြစ်များ

Sơnròp Gơlik Gơs 14:15

Gen khai cah mpồl ală cau dĭ, brồ lơh geh pha mơ bol hơ̆ tòm trồ mang mơ ting jat tus dê Hôba đah kiau Damas.

Sơnròp Gơlik Gơs 15:2

Abram đơs lah: “Ơ Yàng Jehôwa, ñchi phan Yàng rơp ai añ in taih? Añ chơt tơn ò gơs kòn, cau pal pơrdòn tòm hìu nhă añ la Eliese cau Damas.”

I Ală Bơtau 11:24

Gen khai pơjum gùt dar khai ală cau jat khai mơ at bồ dô mpồl cau phà kơñau; tơnơ̆ mơ tŭ Dabit neh tơnchơt bol khai, gen khai lòt tus hơ Damas, ơm wơl tềng hơ̆, mơ khai geh bơtào lơh gơs bơtau tòm Damas.

II Ală Bơtau 16:9

Bơtau Asiri iat jơnau Ahas dê, lòt tus brồ lơh Damas mơ tòmpìt ai gơ, kup làng bol cèng tus hơ Kir, mơ khai tơnchơt Rejin.

I Yal Yau 18:5

Tòm tŭ ală cau Aram ơm tòm Damas lòt tus nàng dong Hadadejer bơtau Jôba, Dabit tơnchơt bàr jơt bàr rbô nă tòm bol khai.

II Yal Yau 28:23

Khai ơn ală phan ơn duh khoai ală yàng Damas in la yàng neh lơh khai in kong alah; bơh khai kơlôi lah: “Tài bơh ală yàng cau Aram dê neh dong kòl bol khai, gen añ ơn phan ơn duh khoai ală yàng hơ̆ nàng ală yàng hơ̆ rơp dong kòl añ.” Mơya ală yàng hơ̆ la bơta roh rui khai in mơ jơh Israel.

II Yal Yau 28:5

Gen tàng Jehôwa Yàng Tom Trồ khai dê jào khai tơmut tòm tê bơtau Aram dê. Cau Aram lơh khai alah mơ kup jàm oă ngan làng bol khai dê mơ cèng bol khai tus hơ Damas. Khai kung gơkòl jào phi tòm tê cau bơtau Israel dê mơ neh tơnchơt oă ngan.

Esai 10:9

Kalnô ò di kung be Karkemis ò ơ? Hamat ò di kung be Arpat, Samari ò di kung be Damas ò ơ?

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Esai 15:1

Jơnau đơs hwơr bơh Môap: Tài bơh Ar neh tơrlah tơrling tòm dô mang, Môap òhềt bơt sir! Tài bơh Kir neh tơrlah tơrlơm tòm dô mang, Môap òhềt bơt sir!

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 25:2

Kơnràñ neh lơh ƀòn dờng in gơlik gơs dô gơnru bơcah lề, ƀòn dờng kơ̆ cê in gơlik gơs ƀòn dờng tơrlah tơrlơm, gơlang làng bol bơdìh ò gam la dô nơm ƀòn dờng tai, gơ rơp ò gơs tŭ lơi geh bơt bơtào wơl.

Esai 37:26

Mê òhềt kơno ơ? Añ neh lơh nền bơta hơ̆ bơh jŏ rau, Añ neh rơndap bơta hơ̆ bơh rài yau òr; tŭ do Añ neh lơh gơlik gơs, la mê neh lơh ală ƀòn dờng kơ̆ cê gơlik gơs ală gơnru lề lac ngềt ngơt.

Esai 7:16

Bơh lài mơ tŭ kòn dềt hơ̆ git sang bơta iơh mơ sac bơta niam, gen lơgar bàr nă bơtau mơ mê rngòt rơp kong sang lòi ngềt ngơt.

Esai 7:8

Bơh bồ Aram dê la Damas, mơ bồ Damas dê la Rejin. (Tòm prau jơt pram nam tai, Epraim rơp kong alah, ò geh kòp la dô nơm làng bol tai.)

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Mice 1:6

Behơ̆ tàng Añ rơp lơh Samari in gơlik gơs dô gơnru tơrlah tơrlơm tòm ƀlàng sre, dô bă tiah nàng tam ală suơn ño. Añ rơp tơndùh ală pơnai lŭ khai dê tòm thòng, mơ lòi ală mơnàng gơ dê ơm kuh.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Sacari 9:1

Jơnau đơs Yàng Jehôwa dê tòmdră mơ lơgar Hadrak mơ gơ rơp ơm hơđang Damas. Bơh Yàng Jehôwa gơwèt hơ ƀòn dờng Aram dê, kung lơh behơ̆ mơ jơh ală jơi bơtiàn Israel dê;

Broă 9:2

nàng dan ală sră pơyoa ală hìu jum tòm Damas in, tồ dilah tìp cau lơi bal mơ Gùng Duh Khoai Yàng, cau klau hala cau ùr, gen khai cap cèng brê hơ Jerusalem.

Yal Wơl 13:16

Pơjum tơrgòm jơh ală phan tòmpìt geh tòm ƀlàng pơjum làng bol mơ ai ồs chu tơnroh jơh hir ƀòn dờng bal mơ jơh ală phan tòmpìt geh gơ dê lơh gơs dô nơm phan ơn chu pơrguc Jehôwa Yàng Tom Trồ bol mê in. Ƀòn dờng do pal sang lòi tơrlah tơrling gam sùm sùm, ò gơs tŭ lơi geh bơt bơtào wơl.