Esai 16:4 - Sră Goh 2018

⁴ Lòi tĕ ală cau ntoat dô Môap dê ơm digùl bol mê; lơh gơs tĕ tiah kìng crŭ bol khai in klàs bơh di cau tơnroh.” Tòm tŭ cau rồn bơklơn ò gam tai, gen bơta tơnroh rơp lồi mơ cau jă trơm rơp kòl tơnroh bơh di lơgar.

Esai 16:4 ပူးပေါင်းရင်းမြစ်များ

Esai 14:4

gen bol mê rơp đơs jơnau ñŏ tơnhial do bơh bơtau Babilôn lah: “Mbe cau at bồ rồn bơklơn ò gam tai, mbe gơlơh bơta gơjrañ dờng khai dê neh lồi taih?

Esai 15:6

Ală dà tòm Nimrim neh soat jơh, ñhơt neh ro, ñhơt bơnung ò gam tai, ò gam chi tơlir tai.

Esai 25:10

Tê Yàng Jehôwa rơp ơn hơđang mơnơm do; Cau Môap rơp kong Kơnràñ jă trơm lề lac tòm tiah bol khai dê, kung be rhe kong jă lề tòm trồm ơn phan pơnđồm ù.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 49:26

Añ rơp lơh ală cau neh rồn bơklơn bol mê sa is poac tòm bol khai dê; bol khai rơp bơñul is bơh mhàm tòm bol khai dê, kung be bơñul bơh tơrnòm. Gen jơh ală jơi kòn mơnus rơp git lah Añ, Yàng Jehôwa, la Bơtau Dong Klàs mê dê, la Bơtau Dong Tơwài mê dê, hơ̆ la Bơtau Gơnap Gơnoar Dờng Làm Jơh Jakôp dê!”

Esai 51:13

Bơh bol mê neh hŭi Yàng Jehôwa la Bơtau Crơng Gơs bol mê, la Bơtau neh lì ală tap trồ mơ lă mơnàng plai ù, bol mê kis tòm bơta rngòt rngơt sùm kòp ngai tài bơh bơta gơjrañ cau rồn bơklơn dê, la cau neh lơh nền tơnroh bol mê? Bơh ntềng đah bơta gơjrañ dờng cau rồn bơklơn dê taih?

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 58:7

Hơ̆ ò di la tòmpà phan sa bol mê dê cau jơgloh in, mơ cèng cau rƀah ò gơs hìu ơm mut tòm hìu bol mê dê, tòm tŭ bol mê gŏ cau ơm kuh lòi rồ gen tơnsoh khai in, mơ ò pồn mat bơh di ală cau gơp bơtiàn bol mê dê ò ơ?

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 40:11

Tŭ jơh ală cau Juda ơm tòm Môap, digùl kòn sau Ammôn, tòm Edôm mơ ală lơgar, kơno bơtau Babilôn neh lòi ală cau gam wơl ơm tòm Juda, mơ bơtào Gedalia, kòn klau Ahikam, sau Saphan, lơh gơs kwang at bồ hơđang bol khai.

Jeremi 48:18

Ơ kòn ùr ơm tòm Dibôn! Mù tĕ bơh sơbàn gơklŏ, Nggui tòm tiah ro rañ. Bơh cau tơnroh Môap guh tòmdră mơ ai, Phà tơrlah theng kơ̆ cê ai dê.

Jeremi 48:8

Cau tơnroh rơp mut tòm ală ƀòn, mơ ò gơs ƀòn lơi geh pleh klàs; Thòng rơp kong roh rui, Ƀlàng ring kong phà tơnroh, Be Yàng Jehôwa neh đơs.

Apdia 1:14

Mê ò di ntào di sơnah gùng nàng tơnroh ală cau dô klàs khai dê, mê kung ò di jào phi ală cau gam kis khai dê tòm ngai sơbơng roh bol khai dê.

Sacari 10:5

Bol khai rơp kung be ală cau ling jak tòm tiah tòmlơh, jă trơm cau sò tơm tòm bŏ tòm ală gùng ƀòn dờng; bol khai rơp tòmlơh, bơh Yàng Jehôwa ơm bal mơ bol khai, mơ bol khai rơp ơn bơta ƀàssìl hơđang ală cau hào ơseh.

Sacari 9:8

Gen Añ rơp sơntơp sàl nàng sền gàr hìu Añ jê, nàng ò gơs dô nă cau lơi lòt rê, ò gơs cau rồn bơklơn lơi jă trơm bol khai tai, bơh tŭ do Añ neh sền bol khai be kòn mat tòm Añ jê.

Malaci 4:3

Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

Yal Wơl 24:14

Bañ ngui cau lơh broă ơpah la cau rƀah lơòi mơ siơ̆u siar lơh gơlik cồng nha he in, bulah khai la dô nă cau Israel hala dô nă cau làng bơdìh kis tòm dô nơm tòm ală ƀòn dờng bol mê dê.

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.