Esai 16:3 - Sră Goh 2018

³ Bol khai hòi dan bơta dong tă: “Dan ai jơnau bơto, dan bơta song ngan. Digùl ngai, jơm mƀur mê dê be trồ mang. Pồn tĕ ală cau gơkòl sang lòi, bañ yă ală cau kòl bơtrơh tơlik.

Esai 16:3 ပူးပေါင်းရင်းမြစ်များ

I Ală Bơtau 18:4

Tòm tŭ Jesebel tơnchơt jơh ală cau gơnoar hwơr Yàng Jehôwa dê, gen Apdia neh cèng dô rhiang nă cau gơnoar hwơr pồn bol khai pram jơt nă tòm kòp nơm rgồng lŭ, rcang bol khai in ƀañ mơ dà.)

Esai 1:17

Bơtê lơh tĕ bơta di ngan! Jòi jat tĕ bơta song ring, dong tă cau kong rồn bơklơn, dong tò tĕ ală kòn đòi, bơsong tĕ jơnau cau yă bơklơn cau ùr bơnrau.”

Esai 25:4

Kơnràñ la tiah kìng crŭ ală cau rƀah lơòi in, dô bă tiah kìng crŭ ală cau siơ̆u siar in tòm tŭ bòl glar, dô bă tiah kìng crŭ klàs bơh càl rbut, mƀur klàs bơh di bơta duh trơàl. Tòm tŭ cau iơh bơsak khồm nhơm be càl rbut khồm druh di dơrñang.

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Esai 58:7

Hơ̆ ò di la tòmpà phan sa bol mê dê cau jơgloh in, mơ cèng cau rƀah ò gơs hìu ơm mut tòm hìu bol mê dê, tòm tŭ bol mê gŏ cau ơm kuh lòi rồ gen tơnsoh khai in, mơ ò pồn mat bơh di ală cau gơp bơtiàn bol mê dê ò ơ?

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Sacari 7:9

“Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

Mathiơ 25:35

Bơh Añ jơgloh, bol mê ai Añ in sa; Añ tơhìr, bol mê ai Añ in hùc; Añ la cau nac crih, bol mê wă rò Añ;

Hebrơ 13:2

Bañ sang lòi bơta wă rò cau nac crih, bơh gơs cau ƀà lơh bơta hơ̆ neh wă rò ală cau gơnrơh mơ ò git.

Ală Kwang Cahrña 9:15

Tòm lò đơs mơ ală chi lah: ‘Dilah bơh nùs dòn song bol mê kòñ bong mơñà añ nàng lơh bơtau hơđang bol mê, gen tus tĕ kìng crŭ tòm mƀur añ, mơya dilah ò gen dan ồs lik bơh tòm lò chu jơh ală nho rề Liban dê!’