Esai 16:2 - Sră Goh 2018

² Tòm ală tiah thòl Arnôn dê ală kòn ùr Môap kòl bơtrơh tơlik be mpồl sềm par nrah nring bơh rsòn.

Esai 16:2 ပူးပေါင်းရင်းမြစ်များ

II Ală Bơtau 3:4

Tŭ hơ̆ bơtau Mesa lơgar Môap dê, cau ròng belàt, khai òs cèng ơn bơtau Israel in dô rhiang rbô nơm belàt kòn, mơ sơnò dô rhiang rbô belàt dam.

Jơnau Pơnđik 26:2

Be sềm rac par tềng do tềng dă, be sềm srài par srà thit, jơnau srat rma ò bồ kung behơ̆, ò tŭ lơi gơlik gơs.

Jơnau Pơnđik 27:8

Cau nrah nring ngài mơ tiah ơm he dê, tòm toh be sềm par tềng do tềng dă ngài bơh rsòn gơ sơl.

Esai 13:14

Be dô nơm il cau mòc, hala be belàt ò gơs cau wĕ bol gơ; Jơh tơl nă rơp rê wơl hơ làng tòm he dê, mơ jơh tơl nă rơp dô rê hơ lơgar tòm bol khai dê.

Jeremi 48:20

Môap kong ƀàssìl ƀàsso, bơh gơ neh lề lac. Pơt wòl tĕ! Ai jơnau hòi driau tĕ di gah hiòng Arnôn! Yal tơlik tĕ tòm tiah Arnôn lah Môap neh kong phà tơnroh.

Jeremi 48:46

Ơ Môap, bòl glar mê in! Làng bol Kemôs kong tơnroh rau! Ală kòn klau bol mê kong kup cèng lơh dĭ Mơ kòn ùr bol mê kong kup cèng pơrdô ngài.

Jeremi 48:9

Ai tĕ boh Môap in, Ngan khai rơp gơpừ; Ală ƀòn gơ rơp gơlik ngềt ngơt, Ò gơs cau ơm.

Khà Làng Bol 21:29

Bòl glar mê in, Ơ Môap! Bol mê neh kong tơnroh, ơ làng bol Kemôs! Khai neh lòi ală kòn klau khai dê lòt nrah nring, mơ ală kòn ùr khai dê kong kup cèng pơrdô Sihôn bơtau Amôrit dê.

Yal Wơl 2:36

Bơh di Arôer di gah thòng Arnôn, mơ bơh di ƀòn dờng tòm thòng, tus tơn hơ Galaat, ò gơs dô nơm ƀòn dờng lơi la pràn kơldang rlau mơ bol hi. Jehôwa Yàng Tom Trồ bol he dê neh ai jơh ală bơta bol he in.

Yal Wơl 3:12

Bơh di ù tiah mơ bol hi neh tòmpìt geh tòm tŭ hơ̆, añ ai cau Ruben mơ cau Gat ù tiah đah đang Arôer di gah thòng Arnôn, tơrgòm bal nggùl lơgar mơnơm Galaat dê, bal mơ ală ƀòn dờng gơ dê.

Yal Wơl 3:8

Behơ̆ tòm tŭ hơ̆ bol hi neh tòmpìt ai bơh di bàr nă bơtau Amôrit dê ù tiah đah mattơngai lik Jordan, bơh thòng Arnôn tus di mơnơm Hermôn.

Jôsue 13:16

Ù tiah bơh Arôer ơm di gah thòng Arnôn, mơ bơh ƀòn dờng hơ̆ ơm digùl thòng bal mơ jơh kơh mơnơm Medeba dê;

Ală Kwang Cahrña 11:18

Gen bol khai lòt tòm ƀlàng ngềt ngơt jat nhàr lơgar Edôm mơ lơgar Môap, lòt gan rò gah đah mattơngai lik lơgar Môap dê, mơ lơh sàl đah ne Arnôn. Bol khai ò mut tòm tiah Môap, tài bơh Arnôn la nhàr lơgar Môap dê.