Esai 15:9 - Sră Goh 2018

⁹ Bơh dà hiòng Dimôn gơs bềng mhàm, mơ Añ rơp cèng bơtơl tai hơđang Dimôn, Ală cau Môap dô klàs bơh dô nơm klìu triă, bơh ală cau gam wơl tòm lơgar.

Esai 15:9 ပူးပေါင်းရင်းမြစ်များ

II Ală Bơtau 17:25

Tòm tŭ bol khai rơp sơntòm ơm tềng hơ̆, bol khai ò duh rngòt di Yàng Jehôwa, gen tàng Yàng Jehôwa sồr klìu triă tus tơnchơt dô êt cau tòm mpồl bol khai.

Esai 15:8

Bơh dô jơnau ñìm ngkè neh mpong gùt dar ù tiah Môap; jơnau ñìm rac bol khai kơno tus di Eglaim, jơnau pơt wòl bol khai dê kơno tus hơ Beer Elim.

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Lebi 26:18

Dilah tơnơ̆ mơ jơh ală bơta hơ̆ mơ bol mê gam ò iat jơnau Añ, Añ rơp lơh glài bol mê tai kơnjơ̆ poh dơ̆ rlau.

Lebi 26:24

gen să tòm Añ rơp tòmdră mơ bol mê, mơ lơh bol mê in kong bòl glar poh dơ̆ rlau tai, tài bơh ală bơta tồi glài bol mê dê.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Amôs 5:19

gơlơh be dô nă cau bulah neh dô klàs bơh klìu triă gen rơp tìp jơgơu, be dô nă cau bulah neh mut tòm hìu, neh ơn rlô tê khai dê hơđang dơrñang, gen gơkòl bơs kap.

Khà Làng Bol 21:30

Mơya bol hi neh tòmlơh pha rlau mơ bol khai, Hesbôn neh kong tơnroh jơh hir jơl tus di Dibôn. Bol hi neh phà tơnroh jơh bol khai ngài tus di Nôpha, ồs neh sa rò tus hơ Medeba.”