Esai 15:7 - Sră Goh 2018

⁷ Gen tàng ală phan mơna jòi geh, mơ phan màng neh prap lòi, bol khai ai cèng pơrdô jơh tiă gan thòng chi nrài dà.

Esai 15:7 ပူးပေါင်းရင်းမြစ်များ

Esai 10:14

Tê añ jê neh jòi bàn, kung be dô nơm rsòn, phan mơna ală làng bol dê; kung be cau tơrgòm ală tap neh gơkòl sang lòi; Kung behơ̆ añ neh tơrgòm jơh plai ù; mơ ò dô nơm lơi pò pơnđar, hala pò bơr nàng nrau hòi.’”

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 15:8

Bơh dô jơnau ñìm ngkè neh mpong gùt dar ù tiah Môap; jơnau ñìm rac bol khai kơno tus di Eglaim, jơnau pơt wòl bol khai dê kơno tus hơ Beer Elim.

Esai 30:6

Do la dô jơnau đơs hwơr bơh ală phan poan jơng tòm Negep: Gan ù tiah bòl glar kalke, ù tiah ală klìu triă dam mơ klìu triă me ơluh, bơs bih mơ bơs ồs par, bol khai pơdiang phan mơna bol khai dê hơđang ngkòi alàng, pơdiang phan màng bol khai dê hơđang gu làkđa dê, tus hơ dô nơm làng bol ò lơh gơlik kwơ bol khai in.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Jeremi 48:36

Behơ̆ gen, nùs Añ bơh Môap gơlik sap moat jrùng kung be sap uh kơwào; nùs Añ gơlik sap moat jrùng bơh làng bol Kirheres kung be sap kơwào uh; bơh ală bơta pas gơs bol khai jòi geh neh roh jơh rau.

Lebi 23:40

Tòm ngai sơnròp, bol mê pal ai ală plai neh sac rwah bơh di ală tòm chi, ală nha gòl, ală ntê gơs oă nha mơ ntê chi nrài mơ hòn chò di đap Jehôwa Yàng Tom Trồ bol mê dê tòm poh ngai.