Esai 15:3 - Sră Goh 2018

³ Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Esai 15:3 ပူးပေါင်းရင်းမြစ်များ

II Samuel 3:31

Gen Dabit đơs mơ Jôap bal mơ jơh ală cau gơs mat tềng hơ̆ lah: “Crè tĕ ồi ào bol mê dê mơ soh ƀào sơnò kiat, mơ ñìm rac di đap Apner.” Mơ bơtau Dabit lòt jat bơh tơnơ̆ bòng ƀồc.

II Ală Bơtau 6:30

Tòm tŭ bơtau kơno ală jơnau cau ùr hơ̆ đơs, gen khai crè ồi ào khai dê. Tŭ hơ̆, khai gam lòt yơng hơđang dơrñang ƀòn, làng bol rgơi sền gŏ bơtau neh soh ƀào sơnò kiat tòm să khai,

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 22:1

Jơnau đơs hwơr bơh thòng bơta gơtơnggŏ: Bơta lơi neh lơh mê in dơrcul, jơh tơl nă bol mê neh hào hơđang rkàng hìu taih?

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Jeremi 19:13

Ală hìu Jerusalem dê mơ hìu gơlang ală cau bơtau Juda neh gơlik gơs ƀơ̆ iơh, kung be tiah Tôphet; ngan, hơ̆ la hơđang rkàng ală hìu hơ̆ cau neh chu kơlhô ală sơmañ đang trồ, mơ ơn phan ơn ñô ală yàng ndai in.’”

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Yal Wơl 22:8

Tòm tŭ bol mê bơt bơtào dô nơm hìu pa, lơh tĕ rơng hìu gùt dar rkàng hìu bol mê dê tồ bol mê ò cèng tus bơta gơkòl glài bơh lơh gơtuh mhàm hơđang hìu bol mê dê, dilah gơs cau lơi dùh bơh hơđang rkàng hìu.

Jakơ 5:1

Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.

I Samuel 5:12

Cau lơi ò chơt gen kong jê sồt bơh kòp pluh as, mơ jơnau driau dờng tòm ƀòn neh guh tus hơ trồ.