Esai 15:2 - Sră Goh 2018

² Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Esai 15:2 ပူးပေါင်းရင်းမြစ်များ

II Samuel 10:4

Behơ̆ Hanun kup ală cau Dabit dê, koah nggùl sơnò tềp kòp nă bol khai, koh digùl ală ồi ào bol khai tus di bơnô bol khai dê mơ bơtrơh bol khai rê wơl.

I Yal Yau 19:4

Behơ̆ Hanun kup ală cau Dabit dê, koah sơnò tềp bol khai dê, koh ồi ào di bơnô bol khai dê mơ lòi bol khai rê.

Sră Jop 1:20

Gen Jop ñă ntào, crè ào khai dê mơ koah bồ, mơ tơmbic să tòm ù mơ duh khoai Yàng,

Esai 14:31

Ơ mpồng ƀòn, ñìm rac tĕ! Ơ ƀòn dờng, nggà driau tĕ! Ơ jơh tơl nă cau Philistin, lề lac tĕ! Bơh ñhŭ tus bơh đah đang, mơ ò gơs dô nă cau lơi sang lòi mpồl ling he dê.”

Esai 15:3

Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Esai 16:12

Tòm tŭ Môap gơs mat tòm tiah jòng jơnhoa gơ dê, khai mìng lơh bòl glar să tòm khai dê lơm; tòm tŭ khai tus tòm hìu duh khoai khai dê nàng hòi dan, bơta hơ̆ kung ò kwơ.

Esai 16:7

Gen tàng cau Môap rơp ñìm rac, jơh tơl nă ñìm rac bơh Môap. Pơt wòl tĕ mơ moat jrùng bơh piang lă plai ño Kir Hareset dê.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Jeremi 47:2

Yàng Jehôwa đơs be do: “Ne, ală ryà dà bơh đah đang gơtơngguh, rơp gơlik gơs hiòng dà tih, rơp ngŏ bam hơđang ù mơ ală phan hơđang ù, ngŏ bam ală ƀòn mơ làng bol ơm tòm hơ̆. Kòn mơnus rơp nggà driau, jơh ală làng bol tòm ù pơt wòl.

Jeremi 47:5

Gaja rơp koah bồ tòm bơta ñìm rac; Askalôn ơm mŏ mŏ, Ơ ală làng bol gam wơl tòm ală thòng! Bol mê koh is poac he tus di tŭ lơi taih?

Jeremi 48:1

Bơh Môap, Yàng Jehôwa Mpồl Ling, Yàng Tom Trồ Israel dê, đơs be do: “Bòl glar Nebô in, tài bơh neh gơlik gơs tiah lòi srau! Kiriataim pal kong bơta ƀàssìl, mơ gơkòl phà kup; Misgap kong tuh tơlup mơ sền òsơp.

Jeremi 48:18

Ơ kòn ùr ơm tòm Dibôn! Mù tĕ bơh sơbàn gơklŏ, Nggui tòm tiah ro rañ. Bơh cau tơnroh Môap guh tòmdră mơ ai, Phà tơrlah theng kơ̆ cê ai dê.

Jeremi 48:31

Gen tàng Añ ñìm rac ròc bơh Môap, Bơh làng bol Môap mơ Añ hòi driau. Bơh làng bol Kirheres mơ Añ pơt wòl.

Jeremi 48:35

Yàng Jehôwa đơs: “Añ rơp tă tơlik bơh Môap cau ơn phan ơn hơđang tiah jòng, mơ cau chu kơlhô ală yàng bol khai dê.

Jeremi 49:3

“Ơ Hesbôn, ñìm rac tĕ, bơh Ahi neh kong phà tơrlah! Ơ kòn ùr Rapbah, driau nggà tĕ! Soh tĕ ào ƀào sơnò kiat, ñìm rac tĕ, mơ sơyoă să tòm bol mê mơ gai sơyoă! Bơh Milkôm rơp kong kup cèng gơs dĭ bal mơ ală cau gơnoar ơn phan duh khoai mơ ală kwang at bồ gơ dê.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Ejekiel 27:31

Bol khai rơp koah bồ tài bơh mê, mơ kơt but mơ ƀào sơnò kiat. Bol khai rơp ñìm mơ pơt wòl rac ròc tài bơh mê mơ ñìm rac sràt bơtang tòm hwềng soàn.

Ejekiel 30:2

“Ơ kòn mơnus, đơs hwơr tĕ lah: Jehôwa Yàng Tom Trồ đơs be do: ‘Ñìm rac tĕ! “Bòl glar ngan ngai hơ̆ in!”

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Lebi 13:40

Tòm tŭ dô nă cau gơjrùh sŏ mơ lòl bồ, khai geh goh.

Lebi 21:5

Ală cau gơnoar ơn phan duh khoai ò di koah bồ bol khai dê hala koah sơnò tềp di bàr đah hala koah să jan bol khai dê.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Khà Làng Bol 21:28

Ồs neh lik bơh di Hesbôn, dô nơm ồs hơng lik bơh di ƀòn dờng Sihôn. Gơ sa roh Ar Môap dê, ală làng bol ơm tòm ală tiah jơnhoa Arnôn dê.

Khà Làng Bol 21:30

Mơya bol hi neh tòmlơh pha rlau mơ bol khai, Hesbôn neh kong tơnroh jơh hir jơl tus di Dibôn. Bol hi neh phà tơnroh jơh bol khai ngài tus di Nôpha, ồs neh sa rò tus hơ Medeba.”

Khà Làng Bol 32:3

“Atarôt, Dibôn, Jajer, Nimrah, Hesbôn, Elealeh, Sebam, Nebô mơ Beôn

Khà Làng Bol 32:38

Kung bơt Nebô mơ Baal Meôn (ală sơnđan do neh tòmgơl) mơ Sipmah. Bol khai tơmoh sơnđan ală ƀòn dờng mơ bol khai bơt bơtào wơl.

Yal Wơl 14:1

“Bol mê la kòn sau Jehôwa Yàng Tom Trồ bol mê dê. Bañ koh să tòm bol mê dê hala koah đah đap bồ bol mê dê bơh cau neh chơt,

Yal Wơl 34:1

Lồc behơ̆ Môise guh hơđang mơnơm Nebô bơh di ƀlàng ring Môap tus hơđang bồ Phisga, đah ne Jerikô. Tềng hơ̆ Yàng Jehôwa sơnio khai in sền gŏ jơh dô nơm lơgar, bơh di Galaat tus hơ Dan,