Esai 14:4 - Sră Goh 2018

⁴ gen bol mê rơp đơs jơnau ñŏ tơnhial do bơh bơtau Babilôn lah: “Mbe cau at bồ rồn bơklơn ò gam tai, mbe gơlơh bơta gơjrañ dờng khai dê neh lồi taih?

Esai 14:4 ပူးပေါင်းရင်းမြစ်များ

II Yal Yau 36:18

Jơh ală phan ngui tòm hìu duh khoai Yàng Tom Trồ dê, dờng mơ dềt, mơ ală phan màng tòm hìu duh khoai Yàng Jehôwa dê mơ ală phan màng cau bơtau dê mơ ală cau kwang duh broă khai dê, cèng jơh ală phan hơ̆ hơ Babilôn.

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Esai 13:19

Babilôn la bơta gơklŏ ală lơgar dê, bơta hòn să mơ jòng să ală cau Kalde dê, rơp tòm toh be Sôdôm mơ Gômôrơ, Tòm tŭ Yàng Tom Trồ sang tơlik bol khai.

Esai 14:17

la cau neh lơh lơgar dunnia gơlik gơs ƀlàng ngềt ngơt, la cau neh tuh tơlup ală ƀòn dờng, mơ ò lòi ală cau khai neh kup geh rê hìu ò ơ?”

Esai 14:5

Yàng Jehôwa neh tơrpă gai at bồ cau iơh dê, mơ gai gơnoar ală cau at bồ dê.

Esai 14:6

Hơ̆ la ală cau ò dơh lơh ală làng bol tòm tŭ gơhào nùs, at bồ ală lơgar tòm bơta gơjrañ mơ bơta rồn bơklơn ò gơs cau lơi rgơi kơryan.

Esai 16:4

Lòi tĕ ală cau ntoat dô Môap dê ơm digùl bol mê; lơh gơs tĕ tiah kìng crŭ bol khai in klàs bơh di cau tơnroh.” Tòm tŭ cau rồn bơklơn ò gam tai, gen bơta tơnroh rơp lồi mơ cau jă trơm rơp kòl tơnroh bơh di lơgar.

Esai 21:2

Dô bơta gơtơnggŏ kràñ cê neh yal añ in: Cau pơrlơ̆ dră gam pơrlơ̆ dră, mơ cau tơnroh gam tơnroh. Ơ Elam, guh tĕ! Ơ Medi, gơrwàng tĕ! Jơh ală jơnau rac ròc khai neh lơh gơs, Añ rơp cèng bơta lồi dut.

Esai 47:5

Ơ ală kòn ùr cau Kalde dê, nggui tĕ mŏ mŏ, lòt tĕ tòm tiah klam jơngo! Bơh ai rơp ò geh sơnđan la cau ùr tòm ală lơgar bơtau tai.

Esai 49:26

Añ rơp lơh ală cau neh rồn bơklơn bol mê sa is poac tòm bol khai dê; bol khai rơp bơñul is bơh mhàm tòm bol khai dê, kung be bơñul bơh tơrnòm. Gen jơh ală jơi kòn mơnus rơp git lah Añ, Yàng Jehôwa, la Bơtau Dong Klàs mê dê, la Bơtau Dong Tơwài mê dê, hơ̆ la Bơtau Gơnap Gơnoar Dờng Làm Jơh Jakôp dê!”

Esai 51:13

Bơh bol mê neh hŭi Yàng Jehôwa la Bơtau Crơng Gơs bol mê, la Bơtau neh lì ală tap trồ mơ lă mơnàng plai ù, bol mê kis tòm bơta rngòt rngơt sùm kòp ngai tài bơh bơta gơjrañ cau rồn bơklơn dê, la cau neh lơh nền tơnroh bol mê? Bơh ntềng đah bơta gơjrañ dờng cau rồn bơklơn dê taih?

Esai 51:23

Añ rơp ơn mơngàn hơ̆ tòm tê ală cau lơh bòl glar jê sồt di bol mê, hơ̆ la ală cau đơs mơ bol mê lah: ‘Bic tĕ hơđơm nàng bol hi lòt hơđang bol mê.’ Mơ bol mê neh lơh ngkòi bol mê dê gơlik gơs be ù, mơ kung be gùng bol khai in lòt hơđang.”

Esai 54:14

Ai rơp geh bơt bơtào kơ̆ tòm bơta song ring, bơta rồn bơklơn rơp ơm ngài bơh ai, ai rơp ò gơs bơta rngòt. Bơta rngòt rngơt rơp ò tus rềp di ai.

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 48:17

Ơ bol mê la cau ơm rềp gơ, ñìm rac tĕ bơh gơ! Jơh ală bol mê la cau git sơnđan gơ, Đơs tĕ lah: ‘Gai gơnoar pràn neh pă, gai jra bơta gơklŏ neh pă!’

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ejekiel 5:15

Tòm tŭ Añ gơhào gơjrañ mơ gơjrañ dờng mơ tuh hơđang mê bơta lơh glài mơ bơta lah pơrhơng jê sồt gen mê rơp gơlik dô bơta cau sền òsơp mơ dơñŏ tơnhial, dô jơnau bơto pơhìn, mơ dô nơm phan cù kìr ală lơgar gùt dar mê. Să tòm Añ la Yàng Jehôwa đơs behơ̆.

Daniel 2:38

Kơnràñ neh jào tòm tê bơtau dê jơi kòn mơnus, ală phan poan jơng tòm brê, mơ ală sềm par hơđang trồ. Bulah bol gơ ơm tiah lơi, Kơnràñ kung neh ai bơtau in at bồ jơh, behơ̆ bơtau la bồ mơ màh.

Habakuk 2:17

Bơh bơta rhung rhang mê neh lơh Liban in rơp jơm ndơp hơđang mê; mơ bơta tơnroh ală jơi phan poan jơng rơp lơh mê in rngòt rngơt. Bơh mê neh lơh gơhòr mhàm kòn mơnus dê; mê neh tơnroh ală lơgar, ală ƀòn dờng mơ jơh ală làng bol tòm hơ̆.

Yal Tơlik 17:6

Añ gŏ cau ùr hơ̆ bơñul bơh mhàm ală cau sàng goh mơ mhàm ală cau chơt tài bơh bơta lơh cơng bơh Yàng Jesu. Dơ̆ añ gŏ cau ùr hơ̆ gen añ ai lơh krơi ngan.

Yal Tơlik 18:16

“Nđàc sơngit ngan, pơlai soh ngan ƀòn dờng ne, la ƀòn neh soh bài che dơmài lơbơn, dà gur, dà pơrhê, sơmpô să mơ màh, lŭ màng mơ lŭ kràng màng.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”