Esai 14:2 - Sră Goh 2018

² Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.

Esai 14:2 ပူးပေါင်းရင်းမြစ်များ

Ejra 2:65

rlau mơ ală cau klau mơ ală cau ùr duh broă ntum bol khai la poh rbô pe rhiang pe jơt poh nă; mơ bol khai kung gơs bàr rhiang nă cau klau mơ cau ùr đơs chò.

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Esai 18:7

Tòm tŭ hơ̆ phan pà rơp geh cèng ơn Yàng Jehôwa Gơnap Gơnoar Dờng in bơh dô nơm làng bol să jơnhoa gơltau àng gơcrà, dô nơm làng bol pal rngòt bơh tòm tiah ngài mơ tiah rềp, dô nơm làng bol jak tòmpìt sơmbrơt pràn kơldang, dô nơm lơgar ù tiah tòmcah bơh ală hiòng dà, tus hơ mơnơm Siôn la tiah gơrê mơ sơnđan Yàng Jehôwa Gơnap Gơnoar Dờng dê.

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Esai 45:14

Do la jơnau Yàng Jehôwa đơs: “Phan mơna Ejiptơ dê, mơ ală phan kă bro Ethiôpi dê, mơ ală cau Sabe să jan jơnhoa, bol khai rơp tus hơ mê mơ rơp gơrê mơ mê; bol khai rơp lòt jat mê; bol khai rơp tus hơ mê tòm che sreng mơ kun bồ di đap mê, rac dan mơ mê lah: ‘Yàng Tom Trồ ơm mơ mê lơm; ò gơs yàng lơi ndai, ò gơs Yàng Tom Trồ lơi ndai tai.’”

Esai 49:22

Yàng Jehôwa At Bồ Hơđang Jơh đơs be do: “Do, Añ rơp pò tê lơh tềl hơđang ală lơgar, Añ rơp bơtào bồng bi Añ jê hơđang ală làng bol; bol khai rơp cèng ală kòn klau bol mê tòm tơwòr tê bol khai dê, mơ mă àñ ală kòn ùr bol mê hơđang pơnì bol khai dê.

Esai 49:23

Ală cau bơtau rơp lơh gơs bèp ròng bol mê dê, ală bơtau ùr bol khai dê rơp lơh gơs mè siam mơ tơmpô bol mê. Bol khai rơp tơmbic să blup mat tòm ù di đap bol mê; bol khai rơp liap kơmbuh ù di jơng bol mê. Gen mê rơp git lah Añ la Yàng Jehôwa; ală cau gơn kơnòm di Añ rơp ò ƀàssìl.

Esai 49:25

Mơya Yàng Jehôwa đơs be do: “Tian gơs ală cau neh kong kup cèng rơp geh dong tă bơh di ală cau pràn kơldang, mơ ală phan tòmpìt geh rơp geh ai wơl bơh di ală cau jàñ bơsak. Añ rơp tòmdră wơl mơ cau sò tơm mê, mơ să tòm Añ rơp dong tă kòn sau mê dê. Añ rơp tòmlơh mơ ală cau tòmlơh mơ mê, mơ ală kòn sau mê dê rơp geh dong klàs.

Esai 54:3

Bơh ai rơp pò ơnàng làm đah ma mơ đah kiau; jơi bơtiàn ai rơp dòp geh lơgar lơh gơs tiah tòm, mơ rơp ơm tòm ală ƀòn dờng sang lòi ngềt ngơt.

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Esai 60:4

Pò tĕ mat mê dê mơ sền gùt dar: Jơh tơl nă pơjum bal mơ lòt tus hơ mê; ală kòn klau mê dê tus bơh tiah ngài, mơ ală kòn ùr mê dê rơp geh ròng kơnđu tòm tơwòr tê.

Esai 61:5

Ală cau crih mat rơp ntào ê mpồl belàt bol mê dê. Ală cau làng bơdìh rơp lơòr sre mơ tam suơn ño bol mê in.

Esai 66:12

Bơh Yàng Jehôwa đơs be do: “Añ rơp ai gơ in bơta pas gơs lơngai lơngò tus hơ khai kung be dô nơm hiòng dà, mơ bơta pas sơm ală làng bol dê kung be dà hòr pràn; bol mê rơp geh tơmpô, geh kơnđơt kơnđu tòm tơwòr tê khai dê, mơ rơnggô hơđang gơltang khai dê.

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 49:2

Yàng Jehôwa đơs: “Gen tàng, ală ngai rơp tus nền cê ngan, Tòm tŭ Añ rơp yal jơnau tơnggit bơh kơlìn gơtoă Tòmdră mơ Rapbah cau Ammôn dê, Gơ rơp gơlik gơs dô gơnru tơrlah tơrling; ală ƀòn gùt dar rơp kong chu mơ ồs, Tŭ hơ̆ Israel rơp tòmpìt ai sre brê ală cau neh tòmpìt sre brê khai.” Yàng Jehôwa đơs behơ̆.

Ejekiel 39:10

Bol khai rơp ò càng jòi lòng tòm ƀlàng hala koh lòng tòm brê, tài bơh bol khai ngui phan tòmlơh nàng sing ồs; bol khai rơp phà sơmbrơt ală cau neh phà sơmbrơt bol khai, mơ tòmpìt ai ală cau neh tòmpìt ai bơh di bol khai, Jehôwa Yàng Tom Trồ đơs behơ̆.’”

Daniel 7:18

Mơya ală cau sàng goh Bơtau Hơđang Rlau Jơh dê rơp dòp geh lơgar mơ sơmbat kơ̆ lơgar hơ̆ jơl tus sùm sùm ò lồi.’

Jôel 3:8

Añ rơp tac ală kòn klau mơ ală kòn ùr bol mê dê ală cau Juda in, mơ ală cau Juda rơp tac bol khai cau Seba in, la làng bol ơm tòm tiah ngài ngan.” Yàng Jehôwa neh đơs behơ̆.

Lebi 25:44

Ală cau dĭ klau mơ dĭ ùr bol mê dê pal tus bơh di ală làng bol ơm gùt dar bol mê; bơh di ală làng bol hơ̆ bol mê rgơi rwat ală cau dĭ.

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.

Sacari 2:13

Ơm tĕ mŏ mŏ, ơ jơh làng bol, di đap Yàng Jehôwa; bơh Kơnràñ neh guh bơh di tiah ơm sàng goh Kơnràñ dê.

Sacari 2:9

tŭ do, sền tĕ Añ rơp pò tê tòmdră mơ bol khai tian gơs bol khai rơp kong phà tơnroh bơh ală cau dĭ bol khai dê. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ lòt tus.”

Luka 12:45

Mơya, dilah cau dĭ hơ̆ đơs òm tòm nùs lah: ‘Cau tòm añ jê òbat tus,’ gen khai pù lơh ală dĭ klau dĭ ùr, mơ ñô sa bơñul lơmbè.

Rôma 15:27

Ngan bol khai gơs nùs chò hòp lơh broă hơ̆, mơ kung kòl dồs di ală cau hơ̆ sơl; bơh dilah cau làng bol bơdìh neh dòp geh pơnah tòm ală bơta đah hwềng cau Juda dê, gen kung pal ai phan đah poac să nàng dong kòl bol khai wơl.

II Kôrintô 10:5

Bal mơ jơh ală bơta geh yò tơngguh sòdră mơ bơta dòp git Yàng Tom Trồ, mơ kup jơh ală bơta kơlôi sơnơng nàng dòn bơr Bơtau Krist.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Ephesô 4:8

Be Sră Goh neh đơs lah: “Tòm tŭ Kơnràñ guh hơđang jòng, gen tề lam ală cau kòl jàm, Mơ ai bơta ai gòi kòn mơnus in.”

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.