Esai 13:9 - Sră Goh 2018

⁹ Do, ngai Yàng Jehôwa dê tus, iơh rmơh, bal mơ bơta gơjrañ dờng mơ gơhào gơjrañ, nàng lơh plai ù in gơlik gơs dô bă tiah srau gòi, mơ tơnroh ală cau tồi glài tòm hơ̆.

Esai 13:9 ပူးပေါင်းရင်းမြစ်များ

Đơs Crih 104:35

Lòi ală cau glài kong tơnroh bơh di ù, mơ cau iơh bơsak ò gam tai! Ơ hwềng soàn añ jê, jòng ro tĕ Yàng Jehôwa! Jòng ro Yàng Jehôwa!

Jơnau Pơnđik 2:22

Mơya cau iơh bơsak rơp kong tă tơlik bơh di lơgar, Mơ cau tồi glài rơp kong dus bơh di tiah hơ̆.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

Esai 34:8

Bơh Yàng Jehôwa neh gơs dô ngai nàng sal tê, gơs dô nam nàng lơh cơng bơh bơta gơrềng tus di Siôn.

Esai 63:4

Bơh ngai sal tê gơ ơm tòm nùs Añ, mơ nam dong tơwài Añ jê neh tus.

Esai 66:17

Ală cau ơn is sàng goh mơ lơh sàng goh is să he nàng mut digùl ală suơn, lòt jat dô nă cau ơm digùl ală cau sa poac sur, poac đe, mơ ală phan ƀơ̆ ƀơl cù kìr ndai bol khai rơp chơt bal mơ gơp,” Yàng Jehôwa đơs behơ̆.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Ejekiel 13:5

Bol mê ò lòt tus di ală tiah tơrlah dơrñang dê nàng bơt wơl dô nơm dơrñang hìu Israel in, nàng gơ rơp ntào kơ̆ tòm bơta tòmlơh tòm ngai Yàng Jehôwa dê.

Ejekiel 30:3

Bơh ngai hơ̆ tus rềp rau, ngai Yàng Jehôwa dê tus rềp rau, hơ̆ la ngai gơs oă mhwal, la tŭ tơngai bòl glar ală làng bol in.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jôel 2:1

Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Nahum 1:8

Tian gơs tòm dà kŏ hòr pơrdô, Kơnràñ rơp tơnlồi jơh ală cau sò tơm Kơnràñ dê, mơ Kơnràñ rơp ting jat ală cau sò tơm Kơnràñ dê tus tòm bơta klam jơngo.

Sôphôni 1:15

Ngai hơ̆ rơp la ngai gơjrañ dờng, dô ngai rung rài mơ moat jrùng, dô ngai bòl glar mơ tơnroh, dô ngai klam jơngo mơ ò àng, dô ngai gơs mhwal jù mơ klam cik,

Sacari 14:1

Do, ngai Yàng Jehôwa dê rơp tus tòm tŭ ală phan phà kup rơp tòmpà digùl bol mê.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”