Esai 13:8 - Sră Goh 2018

⁸ Bol khai rơp rngòt rngơt, bơta jê sồt oă ngan rơp kup geh bol khai; bol khai kong jê sồt be cau ùr jê deh. Bol khai rơp sền rmê bal mơ gơp muh mat bol khai be ồs hơng.

Esai 13:8 ပူးပေါင်းရင်းမြစ်များ

II Ală Bơtau 19:26

Tài behơ̆, làng bol ală ƀòn hơ̆ lơbơn lơño, kong rngòt rngơt mơ ƀàssìl ƀàsso; bol khai tòm toh be ñhơt tòm ƀlàng, be ñhơt tơlir sre, gơlơh be ñhơt hơđang rkàng hìu, ò gơkrơi be kòi mi neh ñòp lài mơ tŭ hòn dờng.

Đơs Crih 48:7

Yàng ngui càl đah mattơngai lik lơh bơcah ală ơhò Tarsi.

Esai 26:17

Be dô nă cau ùr bun mòr deh, jê sồt mơ nggà ñìm jê deh tòm tŭ di di tŭ khai dê.

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 30:6

Lòt sền tĕ, lùp tĕ Di ngan cau klau deh kòn sơl? Ñchi bơh tài Añ gŏ kòp nă cau klau gen ai tê he ơn di but he tòm toh be cau ùr jê deh taih? Ñchi bơh tài muh mat cau lơi kung pàl lơm?

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 46:5

Ñchi bơta Añ neh gŏ taih? Bol khai rngòt rngơt, ruc wơl; Ală ling kong lơh gơprah gơpring, sơrbac sơrbang ntoat dô ò sền wơl đah ngkòi. Bơta rngòt rngơt làm jơh gùt dar, Yàng Jehôwa đơs behơ̆.

Jeremi 48:41

Keriôt kong alah, Ală theng kơ̆ cê kong tòmpìt rau; Tòm ngai hơ̆, nùs ală cau pràn kơldang Môap dê Gơlik gơs kung be nùs cau ùr jê deh.

Jeremi 49:22

Ne, cau sò tơm par kung be klàng bung, pò pơnđar tòmdră mơ Bôjrah. Ngai hơ̆, nùs ală cau ling Edôm dê gơlik gơs kung be nùs cau ùr ơm jê deh.

Jeremi 49:24

Damas neh gơlik mprơm, wơlke ntoat dô, Bơta rơm să neh kup khai; bơta moat jrùng jê sồt sơmbat kơ̆ khai, Kung be cau ùr ơm deh kòn.

Jeremi 50:43

Bơtau Babilôn neh kơno yal tơnggit behơ̆, gen tê khai gơlik òsô; bơta jê sồt sơmbat khai tian gơs khai jê sồt be cau ùr jê deh.

Jeremi 51:30

Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Ejekiel 20:47

Đơs tĕ mơ dơr brê Negep dê lah: ‘Iat tĕ jơnau đơs Yàng Jehôwa dê. Jehôwa Yàng Tom Trồ đơs be do: “Añ rơp ai ồs chu mê, gơ rơp sa loan jơh ală chi mê dê, chi tơlir niam bal mơ chi ro rañ. Lơmpiat ồs hơng rơp ò chơt, mơ kòp nơm muh mat bơh đah đơm tus đah đang rơp gơkòl ồs hơ̆ chu pơrguc.

Sră Ôse 13:13

Bơta jê sồt kung be cau ùr jê deh rơp tus mơ khai, mơya khai la dô nă kòn klau ò gơs bơta jak chài; tòm tŭ jơ neh tus, khai ò tơlik mat khai di mpồng hìu kòn.

Jôel 2:6

Di đap bol gơ làng bol dơrcul rngòt, muh mat jơh kòp nă gơlik pàl.

Nahum 2:10

Gơ neh kong phà tơnroh, sang lòi ngềt ngơt, tơrlah tơrling! Ală plai nùs bòl glar mơ ală gơltang gơ ơrơm, jơh ală but wañ lơnggơh, jơh ală muh mat gơlik pàl.

Jang 16:21

Tòm tŭ cau ùr ơm deh gen gơs bơta moat jrùng, bơh jơ khai dê neh tus rau; mơya tòm tŭ kòn dềt neh lik rau, gen khai ò kah tai bơta bòl glar jê sồt hơ̆, mơya hòn chò bơh gơs dô nă cau neh deh tòm dunnia.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.