Esai 13:7 - Sră Goh 2018

⁷ Tài bơh bơta hơ̆, jơh ală tê rơp gơlik lơbơn lơño, kòp nơm nùs kòn mơnus dê rơp lề lac.

Esai 13:7 ပူးပေါင်းရင်းမြစ်များ

Đơs Crih 58:7

Lòi bol khai kong roh thit be dà hòr, Lòi bol khai be ñhơt ro cau jă hơđang.

Lik Ejiptơ 15:15

Ală cau at bồ Edôm ò suk ơm, Ală cau lam bồ Môap rơm să; Làng bol Kanaan lề roh jơh.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Esai 37:27

Làng bol ơm tòm ƀòn hơ̆ neh roh gơnoar, gơdô nùs mơ kong ƀàssìl. Bol khai kung be ală chi che tòm ƀlàng, kung be ală sơmbut lơbơn mơ tơlir, kung be ñhơt hòn hơđang rkàng hìu, ñòp ro lài mơ tŭ gơhòn dờng.

Esai 51:20

Ală kòn bol mê dê òsô mơ bol khai gơpừ chơt yơh di bồ ală gùng me, be be brê gơkòl yar tòm bơtơng. Bol khai bềng bơta gơjrañ dờng Yàng Jehôwa dê mơ bơta lah pơrhơng Yàng Tom Trồ bol mê dê.

Jeremi 50:43

Bơtau Babilôn neh kơno yal tơnggit behơ̆, gen tê khai gơlik òsô; bơta jê sồt sơmbat khai tian gơs khai jê sồt be cau ùr jê deh.

Jeremi 51:30

Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Ejekiel 21:7

Mơ tòm tŭ bol khai đơs mơ mê lah: ‘Ñchi bơh tài mê rac ròc taih?’ Gen mê rơp ho lah: ‘Hơ̆ la tài bơh neh kơno jơnau yal. Kòp nơm nùs rơp lề lac, kòp nơm tê rơp lơbơn lơño, kòp nơm hwềng soàn rơp bòl glar òsô, kòp nơm gơltang rơp gơlik be dà. Ne, gơ rơp tus, mơ rơp gơlik gơs di ngan,’ Jehôwa Yàng Tom Trồ đơs behơ̆!”

Ejekiel 7:17

Kòp nơm tê rơp lơgah lơgañ, kòp nơm gơltang rơp lơbơn kung be dà.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Nahum 2:10

Gơ neh kong phà tơnroh, sang lòi ngềt ngơt, tơrlah tơrling! Ală plai nùs bòl glar mơ ală gơltang gơ ơrơm, jơh ală but wañ lơnggơh, jơh ală muh mat gơlik pàl.

Nahum 2:11

Tŭ do ntềng đah rgồng klìu triă, la tiah mơ klìu dềt geh pà sa, la đah klìu triă dam, klìu me mơ klìu kòn lòt rê, mơ ò gơs bơta lơi lơh gơ in pal rngòt, tŭ do ntềng đah trồm hơ̆ dê taih?

Jôsue 2:11

Dơ̆ bol hi kơno ală bơta hơ̆ gen nùs bol hi gơlề lac jơh, ò gơs cau lơi digùl bol hi gam khin cha tai di đap ală ồng, ngan behơ̆, Jehôwa Yàng Tom Trồ ală ồng dê la Yàng Tom Trồ ơm hơđang trồ ne mơ tòm ù do.