Esai 13:5 - Sră Goh 2018

⁵ Bol khai tus bơh lơgar ngài, bơh tiah lồi plai ù mơ dut trồ dê, Yàng Jehôwa mơ ală phan tòmlơh, bơta gơjrañ dờng Kơnràñ dê, nàng tơnroh jơh plai ù.

Esai 13:5 ပူးပေါင်းရင်းမြစ်များ

II Samuel 1:27

Mbe gơlơh ală cau gơnoar pràn neh gơpừ taih? Mbe gơlơh ală phan tòmlơh neh roh rui taih?”

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 13:17

Sền tĕ, Añ rơp chồl cau Medi tòmdră mơ bol khai, ală cau hơ̆ ò kơlôi bơh priă, mơ ò hàm kòñ màh.

Esai 24:1

Tŭ do, Yàng Jehôwa rơp lơh plai ù in srau gòi, mơ lơh gơ in gơkòl sang lòi ngềt ngơt; Kơnràñ lơh plai ù in gơtòmgơl rùp să, mơ lơh làng bol ơm tòm gơ gơprah gơpring.

Esai 26:20

Ơ làng bol Añ jê, mut tĕ tòm ơdŭ bol mê dê mơ til mpồng wơl; Pồn tĕ să bol mê tòm dô ơthoa, jơl tus di tŭ bơta gơjrañ dờng neh rlau.

Esai 30:27

Sền ne, Sơnđan Yàng Jehôwa tus bơh tiah ngài, tus bal mơ bơta gơjrañ dờng Kơnràñ dê be mhwal jù mơ ñhŭ par guh; sơndồi Kơnràñ dê bềng bơta gơjrañ dờng, lơmpiat Kơnràñ dê la ồs sa pơrguc.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Esai 48:14

Pơjum tơrgòm tĕ, jơh tơl nă bol mê, mơ iat tĕ: Ñcau digùl bol khai neh yal lài ală bơta do taih? Cau Yàng Jehôwa kòñ gơboh; Kơnràñ rơp lơh gơlik gơs tơnggume broă Kơnràñ dê hơđang Babilôn; tơwòr tê Kơnràñ rơp tòmdră mơ cau Kalde.

Esai 5:26

Kơnràñ rơp pò tơngguh bồng bi dô nơm làng bol ơm ngài in, Kơnràñ hwac hòi dô nơm làng bol di tiah lồi plai ù. Do, bol khai sơrbac sơrbang tus mhar!

Esai 66:14

Bol mê rơp gŏ ală bơta hơ̆, gen nùs bol mê rơp chò hòp, mơ să jan bol mê rơp hòn dờng kung be ñhơt; tê Yàng Jehôwa rơp yal tơnggit di ală cau duh broă Kơnràñ dê, mơya bơta gơjrañ dờng Kơnràñ dê rơp ràng tơlik ală cau in sò tơm di Kơnràñ.

Esai 7:18

Tòm ngai hơ̆, Yàng Jehôwa rơp hwac hòi ală rhài bơh ală tồ dà Ejiptơ dê, mơ ală òng bơh lơgar Asiri.

Jeremi 50:25

Yàng Jehôwa neh pò đam jàr phan tòmlơh Kơnràñ dê, Cèng tơlik phan tòmlơh bơta gơjrañ dê; Bơh Yàng, la Yàng Jehôwa Gơnap Gơnoar, Gơs dô nơm broă pal lơh tòm lơgar Kalde.

Jeremi 50:3

Bơh gơs dô làng bol tus bơh đah đang tòmdră mơ gơ, lơh lơgar gơ dê gơlik gơs ngềt ngơt, ò gơs làng bol ơm tai; cau mơ phan poan jơng rơp dô pleh jơh.”

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Mathiơ 24:31

Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”