Esai 13:4 - Sră Goh 2018

⁴ Iat tĕ, gơs jơnau ntas hơđang ală mơnơm gơlơh be jơnau ntas bơh oă làng bol! Iat tĕ, gơs jơnau ntas nggồr digùl ală lơgar, gơlơh be ală làng bol pơjum bal! Yàng Jehôwa Gơnap Gơnoar Dờng pơjum tơrgòm dô mpồl ling nàng tòmlơh.

Esai 13:4 ပူးပေါင်းရင်းမြစ်များ

Esai 17:12

Ơ hơh! Ală làng bol gal lơh nggồr nggàc ngan, gơ ntơr kung be dàlềng nggồr! Ơ hơh! Ală lơgar driau dờng nggồr nggàc ngan, bol khai driau nggà kung be ală dà hòr pràn!

Esai 48:14

Pơjum tơrgòm tĕ, jơh tơl nă bol mê, mơ iat tĕ: Ñcau digùl bol khai neh yal lài ală bơta do taih? Cau Yàng Jehôwa kòñ gơboh; Kơnràñ rơp lơh gơlik gơs tơnggume broă Kơnràñ dê hơđang Babilôn; tơwòr tê Kơnràñ rơp tòmdră mơ cau Kalde.

Esai 5:26

Kơnràñ rơp pò tơngguh bồng bi dô nơm làng bol ơm ngài in, Kơnràñ hwac hòi dô nơm làng bol di tiah lồi plai ù. Do, bol khai sơrbac sơrbang tus mhar!

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Jeremi 21:4

‘Jehôwa Yàng Tom Trồ Israel dê, đơs be do: Añ rơp tơrwơl ală phan tòmlơh tòm tê bol mê at nàng tòmdră mơ bơtau Babilôn mơ cau Kalde ơm gơrwàng bol mê đah bơdìh dơrñang, gen Añ rơp cèng tơrgòm gơtơmut digùl ƀòn dờng do.

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Jôel 2:25

Añ rơp tơm wơl bol mê in bơh ală sơnam neh kong srah nting sa roh, srah nting dờng, srah nting dềt, srah nting ndai la mpồl ling dờng mơ Añ neh sồr tus digùl bol mê.

Jôel 3:14

Oă ngan làng bol, oă ngan làng bol tòm thòng bơta lơh nền! Bơh ngai Yàng Jehôwa neh tus rềp tòm thòng bơta lơh nền.

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”