Esai 13:2 - Sră Goh 2018

² Bơtào tĕ bồng bi hơđang bồ mơnơm kơlờl, hòi tĕ dờng jơnau mơ bol khai; kwài tĕ tê lơh tềl bol khai in mut tòm ală mpồng dờng ală cau ryŭ ryơm dê!

Esai 13:2 ပူးပေါင်းရင်းမြစ်များ

Đơs Crih 60:4

Kơnràñ neh ai dô nơm bồng bi ală cau in duh rngòt di Kơnràñ, nàng bol khai ràn tus tềng hơ̆ tồ klàs bơh di kam par cau sò tơm. (Selah)

Esai 10:32

Di di ngai hơ̆ bol khai rơp ơm dơh wơl tòm Nôp, bol khai rơp pò tê tòmdră mơ mơnơm kòn ùr Siôn dê, mơ tòmdră mơ dòr Jerusalem dê!

Esai 11:12

Kơnràñ rơp bơtào dô nơm bồng bi ală lơgar in, mơ rơp pơjum wơl ală cau Israel neh kòl sang lòi; Kơnràñ rơp tơrgòm wơl làng bol Juda neh gơprah gơpring bơh di poan đah plai ù.

Esai 11:15

Yàng Jehôwa rơp lơh soat kwil dàlềng Ejiptơ dê; Kơnràñ rơp pò tê ai càl duh hơđang hiòng dờng Ơphrat, Kơnràñ rơp cah is gơ gơlik poh nơm croh dà mơ lơh gơs dô nơm gùng cau rgơi tiă mơ jơng.

Esai 18:3

Ơ jơh ală làng bol tòm lơgar dunnia, la cau ơm hơđang plai ù, Tòm tŭ bồng bi yò tơngguh hơđang mơnơm, Sền tĕ! Tòm tŭ kơlwòk neh uh, Iat tĕ!”

Esai 19:16

Tòm ngai hơ̆, cau Ejiptơ rơp be cau ùr, rơm să rngòt di đap tê Yàng Jehôwa Gơnap Gơnoar Dờng neh pò tòmdră mơ bol khai.

Esai 31:9

Pơnai lŭ bol khai dê rơp lòt rlau tòm bơta rngòt rngơt; ală cau kwang at bồ ling bol khai dê rơp rơm să rngòt tòm tŭ gŏ bồng bi.” Yàng Jehôwa la Bơtau gơs ồs tòm Siôn mơ gơs bơnhă ồs tòm Jerusalem đơs behơ̆.

Esai 5:26

Kơnràñ rơp pò tơngguh bồng bi dô nơm làng bol ơm ngài in, Kơnràñ hwac hòi dô nơm làng bol di tiah lồi plai ù. Do, bol khai sơrbac sơrbang tus mhar!

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Jeremi 50:41

Ne, dô làng bol tus bơh đah đang; dô lơgar dờng mơ oă cau bơtau, bơh ală tiah ngài ngan plai ù dê geh chồl tus.

Jeremi 51:12

Bơtào tĕ bồng bi Tòmdră mơ ală dơrñang Babilôn dê! Bơt tiah kơp gàr tĕ, bơtào tiah ală cau ling kơp gàr, rơndap ling kơp mòc! Bơh Yàng Jehôwa neh rơndap nền mơ neh lơh gơs Bơta Kơnràñ neh đơs bơh làng bol Babilôn.

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Jeremi 51:58

Yàng Jehôwa Gơnap Gơnoar đơs be do: “Dơrñang theng Babilôn bulah kơ̆ cê ngan, Rơp kòl pơnring tus di ù, Mpồng gơ dê bulah jơnhoa ngan, Rơp kong ồs sa jơh, Behơ̆ gen, ală làng bol kong bòl glar mơ ò geh ñchi lơi, Ală lơgar lơh broă ồs in, mơ gơkòl lơgah lơgañ.”