Esai 12:4 - Sră Goh 2018

⁴ Mơ bol mê rơp đơs tòm ngai hơ̆ lah: “Ưnngài tĕ Yàng Jehôwa, hòi dan tĕ di sơnđan Kơnràñ; yal tơnggit tĕ ală broă Kơnràñ neh lơh digùl ală làng bol, mơ yal tơlik tĕ lah sơnđan Kơnràñ geh yò tơngguh.

Esai 12:4 ပူးပေါင်းရင်းမြစ်များ

I Yal Yau 16:8

Ưnngài tĕ Yàng Jehôwa, hòi dan tĕ di sơnđan Kơnràñ; Yal tĕ jơh ală làng bol in git broă Kơnràñ neh lơh.

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Đơs Crih 105:1

Ưnngài tĕ Yàng Jehôwa, hòi dan tĕ dê sơnđan Kơnràñ, Yal pơnro tĕ digùl ală làng bol bơh ală broă Kơnràñ dê.

Đơs Crih 107:22

Lòi bol khai ơn phan duh khoai ưnngài Yàng, Mơ ai bơta đơs chò hòn chò tồ yal ală broă Kơnràñ dê!

Đơs Crih 113:5

Ñcau ndròm be Jehôwa Yàng Tom Trồ bol he dê taih? Sơbàn Kơnràñ dê ơm hơđang jơnhoa.

Đơs Crih 148:13

Lòi bol khai jòng ro sơnđan Yàng Jehôwa, Bơh mìng sơnđan Kơnràñ dê geh yò tơngguh hơđang; Bơta gơklŏ Kơnràñ dê jơnhoa rlau mơ plai ù mơ ală tap trồ.

Đơs Crih 18:46

Yàng Jehôwa gam kis sùm; Pơnai Lŭ pal geh jòng ro añ jê. Dan Yàng Tom Trồ bơta dong klàs añ jê geh yò tơngguh.

Đơs Crih 21:13

Ơ Yàng Jehôwa, dan Kơnràñ geh yò tơngguh tòm gơnoar pràn Kơnràñ dê! Bol hi rơp đơs chò jòng ro gơnap gơnoar Kơnràñ dê.

Đơs Crih 22:31

Jơi bơtiàn hơ̆ rơp bơto yal bơta dong tă Kơnràñ dê, yal wơl làng bol òhềt deh in lah: Kơnràñ neh lơh broă hơ̆.

Đơs Crih 34:3

Jòng ro duh khoai tĕ Yàng Jehôwa bal mơ añ, Bol he dô nùs bal tĕ yò tơngguh sơnđan Kơnràñ dê.

Đơs Crih 40:5

Ơ Jehôwa Yàng Tom Trồ añ jê, ală broă crih crài Yàng neh lơh, Mơ ală bơta kơlôi sơnơng Kơnràñ dê gơwèt mơ bol hi la oă ngan, Ò gơs cau lơi rgơi pơndròm mơ Yàng! Dilah añ kòñ yal tơlik đơs bơh ală broă hơ̆, Gen gơ la oă ngan, ò jai kòp.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 57:5

Ơ Yàng Tom Trồ, dan Yàng geh bơtào jơnhoa rlau mơ ală tap trồ! Dan bơta gơklŏ Yàng dê geh làm jơh plai ù!

Đơs Crih 68:5

Yàng Tom Trồ ơm tòm tiah sàng goh Kơnràñ dê, La Bèp ală cau kòn đòi dê, mơ la Cau cahrña song ring ală cau ùr bơnrau in.

Đơs Crih 73:28

Mơya đah mơ añ, niam añ in ơm rềp mơ Yàng Tom Trồ; Añ neh bơtào Yàng Jehôwa la tiah kìng crŭ añ jê, Nàng añ yal wơl bơh jơh ală broă Kơnràñ dê.

Đơs Crih 9:11

Đơs chò jòng ro tĕ Yàng Jehôwa la Bơtau ơm tòm Siôn! Yal tơlik tĕ digùl ală làng bol ală broă Kơnràñ dê.

Đơs Crih 96:3

Yal tơlik tĕ bơta gơklŏ Kơnràñ digùl ală lơgar, Yal tơlik ală broă crih crài Kơnràñ dê digùl jơh ală làng bol!

Đơs Crih 97:9

Ơ Yàng Jehôwa, Kơnràñ la Jơnhoa hơđang rlau jơh hơđang jơh plai ù; Kơnràñ geh bơtào jòng ngan hơđang jơh ală yàng ndai.

Lik Ejiptơ 15:2

Yàng Jehôwa la bơta pràn kơldang mơ la bơta đơs chò añ jê; Kơnràñ neh gơlik gơs bơta dong klàs añ jê. Kơnràñ la Yàng Tom Trồ añ jê, mơ añ rơp jòng ro Kơnràñ, Kơnràñ la Yàng Tom Trồ ồng pàng añ jê, añ rơp yò tơngguh Kơnràñ.

Lik Ejiptơ 33:19

Yàng Jehôwa đơs lah: “Añ rơp ai jơh ală bơta kơ̆ dơn lơbơn niam Añ jê gơ lòt gan di đap mê, mơ Añ rơp yal sơnđan Añ jê la Yàng Jehôwa di đap mê. Añ ai bơta nđàc cau lơi in Añ rơp kòñ nđàc, mơ añ nđàc sơngit cau lơi in Añ rơp nđàc sơngit.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 24:15

Gen tàng bơh đah mattơngai lik, cèng bơta gơklŏ Yàng Jehôwa in, tòm ală bồt pơlào dàlềng dê, jòng ro tĕ sơnđan Yàng Jehôwa la Yàng Tom Trồ Israel dê.

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 26:8

Tòm gùng bơta cahrña Kơnràñ dê, ơ Yàng Jehôwa, bol hi kơp gơn Kơnràñ; Sơnđan Kơnràñ mơ bơta kirsơnre bơh Kơnràñ, la bơta hwềng soàn bol hi hàm kòñ.

Esai 33:5

Yàng Jehôwa geh yò tơngguh bơh Kơnràñ ơm hơđang tiah jơnhoa; Kơnràñ lơh bềng lìu Siôn mơ bơta song ngan mơ song ring.

Esai 42:12

Lòi bol khai ơn tĕ bơta gơklŏ Yàng Jehôwa in, mơ yal tơlik bơta jòng ro Yàng tòm ală bồt pơlào.

Esai 48:20

Lik tĕ bơh di Babilôn! Dô tĕ bơh di cau Kalđe! Ai tĕ jơnau driau chò mơ yal jơnau do, mơ yal tơnggit tĕ tus di ală tiah lồi dut plai ù; Đơs tĕ lah: “Yàng Jehôwa neh tơwài Jakôp, la cau duh broă Kơnràñ dê.”

Esai 66:19

Añ rơp ơn dô nơm tềl digùl bol khai, mơ Añ rơp sồr dô êt cau tòm mpồl ală cau gam kis lòt tus tòm ală lơgar, hơ̆ la tus hơ Tarsi, Libi, mơ Lidi la làng bol jak pañ sơna, tus hơ Tubal mơ Grek, mơ tus hơ ală bồt pơlào ơm ngài, la tiah òhềt kơno jơnau jòng ro bơh Añ, mơ kung òhềt gŏ bơta gơklŏ Añ jê. Bol khai rơp yal tơlik bơta gơklŏ Añ jê tòm ală lơgar.

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Jang 17:26

Añ neh yal bol khai in git sơnđan Bèp, mơ rơp yal bol khai in git tai, tồ bơta kòñ gơboh Bèp neh kòñ gơboh di Añ, ơm tòm bol khai, mơ Añ kung ơm tòm bol khai sơl.”