Esai 12:3 - Sră Goh 2018

³ Bol mê rơp bơ̆ dà bơh tơrlung bơta dong klàs mơ bơta hòn chò.

Esai 12:3 ပူးပေါင်းရင်းမြစ်များ

Đơs Crih 36:9

Bơh croh dà bơta kis la bal mơ Kơnràñ; Kơnòm di bơta àng Kơnràñ dê, bol hi gŏ bơta àng.

Đơs Crih 87:7

Ală cau đơs chò mơ ală cau tòmya đơs lah: “Jơh ală hiòng lơngai añ jê ơm tòm mê.”

Đơs Chò 2:3

Be tòm chi sa plai digùl ală chi tòm brê, behơ̆ sơl cau kòñ gơboh añ ơm digùl ală cau pơnu, Añ chò nùs ơm nggui tòm mƀur khai dê; plai khai bơkah lơngồt tòm lơmpiat añ in.

Esai 41:18

Añ rơp lơh ală hiòng dà gơhòr hơđang ală mơnơm kơlờl, mơ ală croh dà ngŏ bơh digùl thòng. Añ rơp lơh ƀlàng bràs in gơlik gơs tơnau dà, mơ lơh ù rañ rsơh in gơlik gơs croh dà.

Esai 49:10

Bol khai rơp ò jơgloh ò tơhìr, kơnhồl duh tòm ƀlàng bràs hala mattơngai rơp ò àl hơđang bol khai. Bơtau kòñ nđàc di bol khai rơp tề lam bol khai, mơ cèng bol khai tus rềp di croh dà.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Ejekiel 47:9

Tiah lơi hiòng dà gơhòr tus gen gơs oă ală phan kis rơp kis. Tềng hơ̆ rơp gơs oă ngan ka, tài bơh dà hiòng do hòr tus tềng hơ̆ mơ lơh dà ƀă gơlik dà bơkah niam; behơ̆ hiòng dà do gơhòr tus di tiah lơi gen jơh ală phan rơp kis.

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Yal Tơlik 22:1

Cau gơnrơh sơnio añ in gŏ hiòng dà bơta kis ơm digùl gùng ƀòn dờng dê; hiòng hơ̆ gơcrà be krơh àng goh, mơ gơhòr lik bơh di sơbàn Yàng Tom Trồ mơ Belàt Kòn dê.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”

I Samuel 2:1

Gen Anne hòi dan mơ đơs lah: “Nùs añ hừh hơh tòm Yàng Jehôwa; bơta pràn kơldang añ jê geh yò tơngguh tòm Yàng Tom Trồ añ jê. Bơr añ dơñŏ tơnhial di ală cau sò tơm añ jê, bơh añ hòn chò tòm bơta pha lin añ jê.