Esai 12:2 - Sră Goh 2018

² Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 12:2 ပူးပေါင်းရင်းမြစ်များ

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

Sră Jop 13:16

Bơta hơ̆ rơp gơlik gơs bơta dong klàs añ jê; Dô nă cau ò duh rngòt ò khin tus di đap Yàng.

Đơs Crih 112:8

Nùs khai ơm kơ̆, ò rngòt di bơta lơi, Tòm tŭ lồi dut bol khai rơp gŏ ală cau sò tơm di khai kong sal tê.

Đơs Crih 118:14

Yàng Jehôwa la bơta pràn kơldang mơ la gơnoar pràn añ jê; Kơnràñ gơlik gơs bơta dong klàs añ jê.

Đơs Crih 118:21

Añ ưnngài Yàng bơh Yàng neh ho jơnau añ, Mơ gơlik gơs bơta dong klàs añ jê.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 65:6

Bơh bơta pràn Kơnràñ dê, Yàng bơtào kơ̆ ală mơnơm, Bơh Yàng kơt but mơ gơnoar pràn Kơnràñ dê.

Đơs Crih 68:20

Yàng Tom Trồ bol hi dê la Yàng Tom Trồ dong klàs bol hi, kơnòm di Jehôwa Yàng Tom Trồ mơ jơi kòn mơnus pleh klàs bơh di bơta chơt.

Đơs Crih 68:21

Mơya Yàng Tom Trồ rơp pòng bơcah bồ ală cau sò tơm di Kơnràñ, Hơ̆ la bồ cau kư̆ lòt jat gùng iơh bơsak khai dê.

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

Lik Ejiptơ 15:2

Yàng Jehôwa la bơta pràn kơldang mơ la bơta đơs chò añ jê; Kơnràñ neh gơlik gơs bơta dong klàs añ jê. Kơnràñ la Yàng Tom Trồ añ jê, mơ añ rơp jòng ro Kơnràñ, Kơnràñ la Yàng Tom Trồ ồng pàng añ jê, añ rơp yò tơngguh Kơnràñ.

Esai 10:24

Gen tàng do la jơnau đơs Yàng Jehôwa dê, la Yàng Tom Trồ Gơnap Gơnoar Dờng: “Ơ làng bol Añ la cau ơm tòm Siôn, bañ rngòt di cau Asiri tòm tŭ bol khai pù bol mê mơ gai, mơ pò gai mơng bol khai tòmdră kung be cau Ejiptơ neh lơh.

Esai 17:10

Bơh bol mê neh hŭi Yàng Tom Trồ Bơtau Dong Klàs bol mê dê, ò kah Pơnai Lŭ Kìng Crŭ mê dê. Gen tàng bulah bol mê tam ală chi niam rlau jơh, mơ tam ală tòm ño cèng tus bơh lơgar ndai,

Esai 27:5

Hala lòi tĕ gơ sơmbat di Añ nàng geh sền gàr; lòi tĕ gơlơh gơtòmsòr mơ Añ, lòi tĕ gơlơh gơtòmsòr mơ Añ.”

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Esai 33:22

Bơh Yàng Jehôwa la Bơtau cahrña bol he dê, Yàng Jehôwa la Bơtau bol he, Yàng Jehôwa la Bơtau at bồ bol he dê; Kơnràñ rơp dong klàs bol he!

Esai 38:20

Yàng Jehôwa rơp dong klàs añ, bol hi rơp pĕ kơñi mơ đơs chò, jơh ală ngai tòm rài bol hi dê, tòm hìu duh khoai Yàng Jehôwa dê.

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 49:5

Tŭ do, Yàng Jehôwa la Bơtau neh mòn gơs añ tòm kơndul mè nàng lơh gơs cau duh broă Kơnràñ dê, tồ lam Jakôp rê wơl hơ Kơnràñ, mơ pơjum tơrgòm Israel wơl hơ Kơnràñ, bơh añ geh kòp la dờng màng di đap mat Yàng Jehôwa, mơ Yàng Tom Trồ añ jê gơlik gơs bơta pràn añ jê.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 62:11

Yàng Jehôwa neh tơlik dô jơnau yal tus di ală tiah lồi plai ù lah: “Đơs tĕ mơ Kòn ùr Siôn lah: ‘Sền ne, Bơtau Dong Klàs ai dê tus! Sền ne, phan ƀàn Kơnràñ dê ơm mơ Kơnràñ, mơ phan tơm wơl Kơnràñ dê tus bal mơ Kơnràñ.’”

Esai 65:18

Mơya hòn chò tĕ mơ chò hòp tĕ gam sùm sùm tòm bơta Añ crơng gơs, bơh Añ rơp crơng gơs Jerusalem lơh gơs dô bơta chò hòp, mơ làng bol gơ dê lơh gơs dô bơta hòn chò.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Jeremi 23:6

Tòm rài bơtau hơ̆, Juda rơp geh dong klàs; Israel rơp ơm lơngap lơngai, Mơ cau rơp sơnđan Bơtau hơ̆ lah: ‘Yàng Jehôwa bơta song ring bol he dê!’”

Jeremi 3:23

Ngan, gơn bơta dong kòl di ală dòr la ò kwơ, Jơnau nggồr nggàc hơđang ală mơnơm la blac pơrlồm; Ngan tòm Jehôwa Yàng Tom Trồ bol hi dê, La bơta dong klàs Israel dê.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Sră Ôse 1:7

Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Jôna 2:9

Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Habakuk 3:18

Añ kung rơp chò hòp tòm Yàng Jehôwa, Añ rơp hòn chò tòm Yàng Tom Trồ la Bơtau dong klàs añ jê.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Yal Tơlik 7:10

mơ hòi driau dờng lah: “Bơta dong klàs gơrê bal mơ Yàng Tom Trồ bol he dê, la Bơtau nggui hơđang sơbàn, mơ gơrê bal mơ Belàt Kòn.”

I Samuel 2:1

Gen Anne hòi dan mơ đơs lah: “Nùs añ hừh hơh tòm Yàng Jehôwa; bơta pràn kơldang añ jê geh yò tơngguh tòm Yàng Tom Trồ añ jê. Bơr añ dơñŏ tơnhial di ală cau sò tơm añ jê, bơh añ hòn chò tòm bơta pha lin añ jê.