Esai 12:1 - Sră Goh 2018

¹ Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Esai 12:1 ပူးပေါင်းရင်းမြစ်များ

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Sră Jop 11:16

Ồng rơp hŭi bơta jê sồt ồng dê, Ồng rơp kah gơ be hiòng dà neh hòr ngài.

Sră Jop 13:16

Bơta hơ̆ rơp gơlik gơs bơta dong klàs añ jê; Dô nă cau ò duh rngòt ò khin tus di đap Yàng.

Đơs Crih 30:5

Bơh bơta gơjrañ Kơnràñ dê gơs tòm dô ơthoa; ai bơta kòñ nđàc Kơnràñ dê jơh dô rài. Bơta ñìm rac tus ơm ing dô mơnang, Mơya àng drim gen gơs bơta hòn chò.

Đơs Crih 71:21

Yàng rơp bơtơl bơta màng ryŭ añ in, Mơ pơndòm pơniang añ dô dơ̆ tai.

Đơs Crih 85:4

Ơ Yàng Tom Trồ la Bơtau dong klàs bol hi, dan bơtào wơl bol hi, Mơ tă sang bơta gơhào nùs Kơnràñ dê gơwèt mơ bol hi.

Đơs Crih 86:17

Dan Yàng ai añ in gŏ dô nơm tềl sơnio bơh bơta nđàc Kơnràñ dê; Tồ cau gơjrañ kơuềng di añ rơp gŏ tềl hơ̆ mơ kòl ƀàssìl; Ơ Yàng Jehôwa, tài bơh Yàng neh dong kòl mơ pơndòm pơniang añ.

Đơs Crih 9:1

Añ rơp jơh nùs ưnngài Yàng Jehôwa, Añ rơp yal tơlik jơh ală broă crih crài Kơnràñ dê.

Esai 10:25

Bơh gam dô êt jŏ tai, bơta gơjrañ Añ jê rơp tus di tŭ lồi; mơ bơta gơjrañ dờng Añ jê rơp wèt hơ bơta tơnroh bol khai.”

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 11:16

Behơ̆ rơp gơs dô nơm gùng me bơh Asiri làng bol gam wơl Kơnràñ dê, kung be neh gơs làng bol Israel in, tòm tŭ bol khai lik bơh lơgar Ejiptơ sơl.

Esai 14:3

Tòm tŭ Yàng Jehôwa ai bol mê in rlô bòl, bơh bơta jê sồt, dơrcul, lơh broă kơnjơ̆ bơh dê ală cau rồn bơklơn mê,

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 26:1

Tòm ngai hơ̆, bơta đơs chò do rơp geh đơs tòm ù tiah Juda dê: “Bol he gơs ƀòn dờng pràn kơldang; Kơnràñ bơtào bơta pha lin be ală dơrñang mơ ală dơrñang ƀòn dờng dê.

Esai 35:10

Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.

Esai 49:13

Ơ ală tap trồ, driau chò tĕ; Ơ plai ù, hòn chò tĕ; Ơ ală mơnơm, pò bơr đơs chò tĕ! Bơh Yàng Jehôwa pơndòm pơniang làng bol Kơnràñ dê, mơ rơp kòñ nđàc ală cau bòl glar moat jrùng Kơnràñ dê.”

Esai 51:3

Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 54:7

“Tòm dô ơthoa Añ neh sang lòi ai; mơya Añ rơp ai nùs kòñ nđàc dờng ơnàng mơ cèng brê ai wơl.

Esai 54:8

Tòm bơta gơhào gơjrañ, Añ neh pồn mat mơ ai tòm dô êt jŏ, mơya bơh nùs kòñ gơboh gam sùm sùm, Añ rơp kòñ nđàc di ai,” Bơtau Dong tơwài ai la Yàng Jehôwa đơs behơ̆.

Esai 54:9

“Gơwèt mơ Añ, bơta hơ̆ kung be ală ngai tòm rài Nôe, tòm tŭ Añ srat să ho nền lah dà kŏ tòm rài Nôe rơp ò tŭ lơi ngŏ hơđang ù tai. Behơ̆ tŭ do Añ srat să ho nền lah Añ rơp ò gơjrañ di ai tai, mơ rơp ò tŭ lơi lah pơrhơng ai tai.

Esai 60:10

Ală cau làng bơdìh rơp bơt wơl ală dơrñang mê dê, mơ ală cau bơtau bol khai dê rơp duh broă mê. Bơh tòm bơta gơjrañ Añ jê, Añ neh pù lơh mê; mơya tòm bơta nđàc Añ jê Añ rơp kòñ nđàc di mê.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 64:5

Kơnràñ neh tus tìp ală cau chò hòp lơh bơta di, la ală cau kah bơh Yàng mơ lòt tòm ală gùng dà Kơnràñ dê. Mơya tòm tŭ bol hi kư̆ tìs glài tòmdră, gen Kơnràñ neh gơhào gơjrañ. Tài bơh Kơnràñ neh pồn să tòm Kơnràñ bơh bơta tìs glài bol hi dê.

Esai 65:18

Mơya hòn chò tĕ mơ chò hòp tĕ gam sùm sùm tòm bơta Añ crơng gơs, bơh Añ rơp crơng gơs Jerusalem lơh gơs dô bơta chò hòp, mơ làng bol gơ dê lơh gơs dô bơta hòn chò.

Esai 66:13

Añ rơp pơndòm pơniang bol mê kung be mè pơndòm pơniang kòn, mơ bol mê rơp geh pơndòm pơniang tòm Jerusalem.

Jeremi 30:19

Bơta ưnngài rơp tus bơh di bol khai Mơ jơnau driau chò ală cau chò hòp dê. Añ rơp lơh bol khai gơlik bơtơl oă ngan, mơ bol khai rơp ò gơs dô êt. Añ kung rơp lơh bol khai geh dờng màng, ò gam kong sền òsơp tai.

Jeremi 31:13

Gen ală cau ơruh dềt rơp hòn chò tòmya, Ală klau pơnu mơ ală ồng kra kung rơp chò hòp bal Añ rơp tòmgơl bơta ñìm rac bol khai dê gơlik gơs bơta hòn chò, Añ rơp pơndòm pơniang bol khai ai hòn chò ala moat jrùng.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Sacari 1:16

Gen tàng Yàng Jehôwa đơs be do: ‘Añ ai nùs nđàc sơngit mơ rê wơl hơ Jerusalem; tềng hơ̆ hìu Añ rơp bơt bơtào wơl. Mơ che was rơp dang hơđang Jerusalem.’ Yàng Jehôwa Gơnap Gơnoar Dờng Làm Jơh đơs behơ̆.

Sacari 14:20

Tòm ngai hơ̆, jơnau “SÀNG GOH YÀNG JEHÔWA IN” rơp geh pac hơđang ală tiang rlềm ơseh dê, mơ ală glah tòm hìu Yàng Jehôwa dê rơp geh kung be ală mơngàn di đap cơnòng ơn phan duh khoai.

Sacari 14:9

Yàng Jehôwa rơp lơh gơs bơtau at bồ jơh plai ù. Tòm ngai hơ̆ rơp gơs mìng dô Bơtau la Yàng Jehôwa lơm, mơ sơnđan Kơnràñ la sơnđan mìng dô sơnđan lơm.

Sacari 8:11

Mơya tŭ do Añ ò lơh di ală cau gam wơl tòm làng bol do kung be Añ neh lơh bơh lài,” Yàng Jehôwa Gơnap Gơnoar Dờng Làm Jơh đơs behơ̆.

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Rôma 11:15

Mơ dilah bơta sang tơlik bol khai la bơta gơtòmsòr wơl dunnia in, gen bơta dòp wơl bol khai ò di la bơta kis bơh bơta chơt ò ơ?