Esai 11:4 - Sră Goh 2018

⁴ mơya Kơnràñ ai bơta song ring nàng cahrña cau rƀah, mơ lơh nền dô bă song ring cau lơbơn niam in hơđang ù. Kơnràñ rơp pù lơh plai ù mơ dô nơm gai bơh di bơr Kơnràñ; mơ ai nhơm tă bơh sơndồi Kơnràñ mơ tơnchơt cau iơh bơsak.

Esai 11:4 ပူးပေါင်းရင်းမြစ်များ

II Samuel 8:15

Dabit at bồ làm jơh Israel, lơh jat jơnau song mơ ring bal gơwèt mơ jơh làng bol khai dê.

Sră Jop 15:30

Khai rơp ò geh pleh klàs bơh klam jơngo; lơmpiat ồs rơp sa roh ală sơmbut bol khai dê, Mơ nhơm tă bơh di bơr Yàng Tom Trồ rơp cèng pơrdô khai roh thit.

Sră Jop 4:9

Bơh nhơm tă Yàng Tom Trồ dê, bol khai kong roh rui, mơ bơh càl bơta gơjrañ Kơnràñ dê, bol khai kong chu pơrguc.

Đơs Crih 110:2

Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

Đơs Crih 18:8

Ñhŭ par lik bơh di trồm muh Kơnràñ dê, Lơmpiat ồs sa loan lik bơh di bơr Kơnràñ dê, Mơ lơh chah in hơng.

Đơs Crih 2:9

Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

Esai 1:17

Bơtê lơh tĕ bơta di ngan! Jòi jat tĕ bơta song ring, dong tă cau kong rồn bơklơn, dong tò tĕ ală kòn đòi, bơsong tĕ jơnau cau yă bơklơn cau ùr bơnrau.”

Esai 13:11

Añ rơp lơh glài dunnia bơh bơta iơh bơsak gơ dê, lơh glài cau jàñ bơsak bơh bơta tồi glài iơh bơsak bol khai dê, Añ rơp pơndut bơta jòng să cau pơnhừ să dê, mơ rơp tơmù bơta pơnhừ să cau iơh rmơh dê.

Esai 14:30

Cau rƀah rlau jơh digùl ală cau rƀah rơp jòi geh phan sa, cau siơ̆u siar rơp bic rlô lơngap lơngai. Mơya Añ rơp tơnroh ryas mê dê bơh bơta jơgloh rung, gơ rơp tơnchơt ală cau gam wơl mê dê.

Esai 16:5

Gen dô nơm sơbàn rơp geh bơt bơtào tòm bơta kòñ gơboh kơ̆ dơn tòm sàl Dabit dê, bơta dòn song rơp nggui hơđang hơ̆, dô nă cau at bồ rơp jòi bơta song ring mơ sơrbac sơrbang lơh bơta di ngan.

Esai 2:4

Kơnràñ rơp cahrña digùl ală làng bol mơ rơp pơnring bơta tòmyă digùl oă làng bol, bol khai rơp ai đào bol khai dê mơ tiar gơs sề ngal, mơ ai tà bol khai dê tiar gơs mơ̆. Làng bol do rơp ò tă đào tòmlơh mơ làng bol ne, bol khai rơp ò gam bơto bơta tòmlơh tai.

Esai 26:6

Ală jơng jă trơm gơ, ală mpàng jơng ală cau rƀah lơòi dê, ală cơnđòa cau siơ̆u siar dê.

Esai 29:19

Cau lơbơn niam rơp dòp geh bơta hòn chò pa tòm Yàng Jehôwa; mơ cau siơ̆u siar rơp hòn chò tòm Bơtau Sàng Goh Israel dê.

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 30:28

Nhơm tă Kơnràñ dê ò gơkrơi kung be gùng dà hòr pràn, bam tus di ngko. Kơnràñ nggum ală lơgar bơh dô nơm đồng bơta tơnroh, Kơnràñ gla kàng ală làng bol nàng lam bol khai lòt tìs gùng.

Esai 30:31

Sap đơs Yàng Jehôwa dê rơp lơh Asiri in rngòt rngơt; Kơnràñ rơp ai gai Kơnràñ dê mơ pù lơh Asiri;

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Esai 32:1

Sền ne, dô nă cau bơtau rơp at bồ tòm bơta song ring, ală cau kwang rơp at bồ mơ bơta song ring.

Esai 32:7

Cau lac lèo ngui ală bơta lac lèo, khai bơtào gơs ală kai gơrmơ̆i iơh, ai ală jơnau đơs blac nàng tơnroh cau rƀah lơòi, bulah tòm tŭ jơnau rac dan cau siơ̆u siar dê la di ngan.

Esai 33:22

Bơh Yàng Jehôwa la Bơtau cahrña bol he dê, Yàng Jehôwa la Bơtau bol he, Yàng Jehôwa la Bơtau at bồ bol he dê; Kơnràñ rơp dong klàs bol he!

Esai 40:7

Ñhơt ro mơ bơkào jrùh, tài bơh nhơm Yàng Jehôwa khồm hơđang gơ, ngan làng bol la ñhơt.

Esai 49:2

Kơnràñ neh lơh bơr añ kung be đào sồt; Kơnràñ neh pồn ndơp añ tòm mƀur tê Kơnràñ dê; Kơnràñ neh lơh añ in gơlik kung be kam geh tho àng goh, mơ pồn añ tòm ding kam Kơnràñ dê.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 33:15

Tòm ală ngai hơ̆ mơ tŭ tơngai hơ̆, Añ rơp lơh dô nơm Ntê bơta song ring gơcat Dabit in; Bơtau hơ̆ rơp lơh gơs bơta song ring song ngan tòm lơgar do.

Jeremi 5:28

Bol khai lơmă mơ gơlik dờng. Bol khai git ò gơs lơh nền nhàr bơta iơh bol khai dê. Bol khai ò cahrña song ring gơrê mơ kòn đòi, nàng geh kwơ! Bol khai ò dong tò bơta song ring ală cau siơ̆u siar in.”

Sră Ôse 6:5

Behơ̆ tàng Añ neh ngui ală cau gơnoar hwơr Añ jê kơl bol mê, Añ neh tơnchơt bol mê bơh jơnau đơs bơr Añ jê; ală bơta cahrña Añ jê rơp lik be bơta àng;

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Malaci 4:6

Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 5:5

Lơngai ală cau gơs nùs niam lơnhơn in, bơh rơp geh pơrdòn ù.

Broă 9:1

Tŭ hơ̆, Sol sơlo pơhìn mơ tơnchơt ală cau bơtê Yàng dê, khai lòt tus hơ cau gơnoar dờng lam bồ ơn phan duh khoai,

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

Galati 5:23

niam lơnhơn, git kơrhia. Ò gơs bơta boh lam lơi bơkơŭ ală bơta hơ̆.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

Sră Pơyoa Pol Dê Pơyoa Tit In 3:2

bañ bơrsèl tơnhial di cau lơi, bañ tòmpìt tòmhà, gơtòmsòr tĕ, bềng bơta niam lơnhơn gơwèt mơ jơh tơl nă cau.

Jakơ 3:13

Tòm oh mi, ñcau la cau jak chài, git wă? Nggui tĕ bơta lơh lòt niam he dê nàng yal tơlik broă he lơh bơh nùs niam lơnhơn mơ bơta jak chài.

Yal Tơlik 1:16

Tê ma Kơnràñ dê at poh nơm sơmañ; di bơr Kơnràñ gơlik dô nơm đào sồt bàr đah mat; mơ muh mat Kơnràñ dê be mattơngai tòm tŭ pơnđàng sòl gơcrà be digùl ngai.

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 2:16

Behơ̆, gơjrañ sang glài tĕ; dilah ò behơ̆, Añ rơp tus mhar hơ mê, ai đào bơh di bơr Añ nàng tòmlơh mơ bol khai.’