Esai 11:3 - Sră Goh 2018

³ Kơnràñ rơp chò hòp tòm bơta duh rngòt di Yàng Jehôwa. Kơnràñ ò cahrña jat bơta Kơnràñ sền mơ mat, hala lơh nền jat bơta tồr Kơnràñ kơno;

Esai 11:3 ပူးပေါင်းရင်းမြစ်များ

II Samuel 14:17

Cau duh broă bơtau dê neh kơlôi lah: ‘Kơp kòñ jơnau đơs cau tòm añ jê la bơtau ai añ in bơta rlô; bơh cau tòm añ jê la bơtau ò gơkrơi be dô nă cau gơnrơh Yàng Tom Trồ dê git nền bơta niam mơ bơta iơh.’ Dan Jehôwa Yàng Tom Trồ bơtau dê ơm bal mơ bơtau!”

II Samuel 14:8

Bơtau đơs mơ cau ùr lah: “Rê wơl tĕ hơ hìu ai dê, añ rơp ai jơnau sồr bơh broă ai dê.”

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

I Ală Bơtau 3:9

Gen tàng dan ai cau duh broă Yàng in dô nơm nùs nhơm jak chài àng loh nàng at bồ làng bol Kơnràñ dê mơ đal git bơta niam mơ bơta iơh; bơh ñcau rgơi at bồ làng bol dờng ngan do Yàng dê taih?”

Sră Jop 12:11

Trồm tồr ò di lòng jơnau đơs, kung be bơta bơkah liap phan sa ò ơ?

Sră Jop 34:3

Bơh trồm tồr lòng ală jơnau đơs, Kung be bơta git bơkah liap phan sa.

Jơnau Pơnđik 2:5

Gen kòn rơp git wă bơta duh rngòt di Yàng Jehôwa, Mơ jòi bàn bơta git wă Yàng Tom Trồ dê.

Jơnau Pơnđik 2:9

Gen kòn rơp git wă bơta song ring mơ bơta cahrña song, Bơta ring bal, mơ kòp nơm gùng dà niam.

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Ejekiel 45:8

Hơ̆ la pơnah sre brê khai dê tòm Israel. Mơ ală cau bơtau Añ jê rơp ò tai rồn bơklơn làng bol Añ jê, mơya rơp lòi hìu Israel in dòp geh ù tiah jat be jơi bơtiàn bol khai dê.

Mice 4:3

Kơnràñ rơp cahrña digùl oă làng bol, mơ rơp cahrña pơnring digùl ală lơgar pràn bơh tiah ngài. Bol khai rơp ai đào tiar gơs sề ngal, ai tà tiar gơs mơ̆. Lơgar do ò tă đào tòmdră mơ lơgar ndai, mơ kung ò gam bơto bơta lơh kơlìn tai.

Luka 2:52

Yàng Jesu sơlo jak chài, să jan sơlo dờng, sơlo niam nùs Yàng Tom Trồ mơ cau sơl.

Jang 2:25

mơ ò càng cau lơh cơng bơh cau lơi, bơh să tòm Kơnràñ git loh jơh ală bơta tòm nùs cau.

Jang 7:24

Bañ cahrña jat đah bơdìh, mơya cahrña tĕ jat bơta di ngan.”

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”