Esai 11:2 - Sră Goh 2018

² Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Esai 11:2 ပူးပေါင်းရင်းမြစ်များ

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

Đơs Crih 72:2

Dan ai khai in cahrña làng bol Kơnràñ dê dô bă song ring, Cahrña cau rƀah lơòi Kơnràñ dê dô bă song ngan.

Lik Ejiptơ 28:3

Sồr tĕ jơh ală cau klau chài rgơi la ală cau mơ Añ neh ai bơta jak chài tòm ală bơta jing ală ồi ào Arôn in, nàng ơn is khai lơh gơs cau gơnoar ơn phan duh khoai duh broă Añ.

Esai 28:6

Kơnràñ rơp la hwềng song ring cau lơi in nggui di tiah cahrña, bơta pràn kơldang cau lơi in tòmlơh di mpồng ƀòn dờng.

Esai 32:15

Jơl tus di tŭ Hwềng bơh tiah jơnhoa tuh hơđang bol he, mơ ƀlàng ngềt ngơt gơlik gơs sre bềng plai, mơ sre bềng plai gơlik gơs be dơr brê.

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 48:16

Tus tĕ rềp mơ Añ mơ iat jơnau do: Bơh sơnròp Añ òhềt đơs tòm bơta ndơp ndơr; bơh di tŭ bơta hơ̆ gơlik gơs, Añ neh gơs tềng hơ̆ rau. Mơ tŭ do, Yàng Jehôwa At Bồ Hơđang Jơh neh sồr Añ, bal mơ Hwềng Kơnràñ dê.”

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Mathiơ 3:16

Dơ̆ neh ƀaptem rau, Yàng Jesu guh mo bơh dà. Ne, ală tap trồ gơ pò, mơ Kơnràñ gŏ Hwềng Yàng Tom Trồ dê be dô nơm sềm ntòp mù rơp hơđang Kơnràñ.

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:13

Mơya tòm tŭ Hwềng Jơnau song dê tus, gen Kơnràñ rơp lam bol mê tòm làm jơh jơnau song; bơh Kơnràñ ò đơs is he dê, mơya đơs bơta lơi Kơnràñ kơno, mơ yal lài bol mê in ală bơta rơp tus.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Yal Wơl 34:9

Mơ tai, Jôsue kòn klau Nun dê neh geh bềng lìu hwềng bơta jak chài dê tài bơh Môise neh ơn tê hơđang khai. Behơ̆ ală cau Israel neh iat jơnau khai mơ neh lơh jat bơta Yàng Jehôwa neh sồr Môise.

II Timôthe 1:7

Bơh Yàng Tom Trồ ò di ai bol he in hwềng nùs rngòt rngơt, mơya ai hwềng nùs pràn kơldang, kòñ gơboh mơ git kơrhia.

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,