Esai 10:6 - Sră Goh 2018

⁶ Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 10:6 ပူးပေါင်းရင်းမြစ်များ

II Samuel 22:43

Añ pòng tơnlề bol khai ò gơkrơi be thul tòm ù; añ tơnlề mơ jă hơđang bol khai kung be bŏ tòm ală gùng.

II Ală Bơtau 18:25

Rlau mơ hơ̆, ò di jat gơnoar sồr Yàng Jehôwa dê mơ añ neh tus nàng tòmdră mơ phà tơnroh tiah do ò ơ? Yàng Jehôwa neh đơs mơ añ lah: Guh tĕ nàng tòmlơh mơ lơgar do, mơ phà tơnroh gơ.”

Esai 19:17

Lơgar Juda rơp cèng bơta rngòt rngơt cau Ejiptơ in; kòp nă cau kơno yal sơnđan Juda gen rơp rngòt rngơt ngan, tài bơh bơta Yàng Jehôwa Gơnap Gơnoar Dờng neh lơh nền tòmdră mơ bol khai.

Esai 22:5

Bơh Yàng Jehôwa la Yàng Tom Trồ Gơnap Gơnoar Dờng neh gơs dô ngai nggồr nggàc, jă trơm mơ sơlồng sơlàng tòm thòng bơta gơtơnggŏ, dô ngai nàng phà tơrlah ală dơrñang, hòi driau bơta dong kòl hơ ală mơnơm.

Esai 24:5

Plai ù kòl lơh ƀơ̆ ƀơl, bơh di ală làng bol ơm tòm gơ; bơh bol khai tìs glài mơ bơta boh lam, tìs glài mơ bơta sồr lam, gơltac sang bơta ho bal gam sùm sùm.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Esai 32:6

Bơh cau bơrngơl gơla đơs jơnau tùl gơla, nùs nhơm bol khai bơtào kai gơrmơ̆i iơh bơsak. Khai lơh bơta ò duh rngòt mơ đơs jơnau tràl sơrbil dê Yàng Jehôwa; khai lòi cau jơgloh ơm kơndul gòi mơ ò ai dà cau tơhìr in hùc.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Esai 49:17

Ală cau bơt bơtào mê dê lin rlau mơ ală cau lơh tơnroh mê, mơ ală cau neh lơh gơprah mê rơp lik ngài bơh di mê.

Esai 49:25

Mơya Yàng Jehôwa đơs be do: “Tian gơs ală cau neh kong kup cèng rơp geh dong tă bơh di ală cau pràn kơldang, mơ ală phan tòmpìt geh rơp geh ai wơl bơh di ală cau jàñ bơsak. Añ rơp tòmdră wơl mơ cau sò tơm mê, mơ să tòm Añ rơp dong tă kòn sau mê dê. Añ rơp tòmlơh mơ ală cau tòmlơh mơ mê, mơ ală kòn sau mê dê rơp geh dong klàs.

Esai 5:25

Tài behơ̆ tàng bơta gơjrañ Yàng Jehôwa dê gơhào khuh tòmdră mơ làng bol Kơnràñ dê; Kơnràñ neh pò tơlik tê sòdră mơ lơh bol khai. Ală mơnơm gơlơnggơr, mơ ală ƀồc cau chơt kung be sù siă tòm ală gùng. Bơh bơta hơ̆, bơta gơjrañ Kơnràñ dê ò pleh ngài, mơ tê Kơnràñ gam pò tơlik.

Esai 5:29

Bol khai ơluh ơhùm be klìu triă, bol khai ơluh ơhùm kung be klìu triă brồ dam, bol khai ơluh ơhùm tòm tŭ kup geh phan mòc mơ cèng lòt, ò gơs dô nă cau lơi rgơi dong tă.

Esai 5:5

Tŭ do, Añ rơp yal bol mê in bơta Añ rơp lơh di suơn ño Añ jê: Añ rơp tă sang pơnggàr gơ dê, mơ gơ rơp kong sa loan; Añ rơp sòr tơrlah dơrñang gơ dê, mơ gơ rơp kong jă trơm.

Esai 63:3

“Mìng dô nă Añ lơm neh jă mpal pat tơrnòm; digùl ală làng bol ò gơs dô nă cau lơi bal mơ Añ. Tòm bơta gơjrañ Añ jê, Añ neh jă hơđang bol khai, mơ tòm bơta gơjrañ dờng Añ jê, Añ neh tơnlề bol khai hơđơm jơng Añ; mhàm bol khai gơđềt di ală ồi ào Añ, mơ Añ neh lơh jơh ală ồi ào Añ gơđềt mơ mhàm lơm.

Esai 63:6

Añ neh jă trơm ală làng bol tòm bơta gơjrañ Añ jê; neh tơnlề bol khai bơh bơta gơjrañ dờng Añ jê, mơ neh tuh tơlik mhàm bol khai dê hơđang ù.”

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Esai 8:8

gơ rơp hòr mut tòm Juda, gơ cèng pơrdô jơh, gơ lòt gan mơ bam ndơp tus di ngko; Ơ Emmanuel, gơ pò đar jơm gòm jơh đah ơnàng lơgar mê dê.”

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 34:22

Yàng Jehôwa đơs: ‘Añ rơp ai gơnoar sồr mơ lơh bol khai in rê wơl hơ ƀòn do; bol khai rơp lơh, rơp tòmpìt ai, mơ ai ồs chu pơrguc gơ. Añ rơp lơh ală ƀòn Juda gơlik gơs tiah sang lòi ngềt ngơt, ò gơs làng bol ơm.’”

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Ejekiel 29:20

Añ neh ai Ejiptơ khai in lơh gơs phan tơm bơta bòl glar khai neh kong, tài bơh khai mơ mpồl ling khai dê neh lơh broă hơ̆ Añ in,’ Jehôwa Yàng Tom Trồ đơs behơ̆.

Ejekiel 38:12

Añ rơp tòmpìt ai ală phan tòmpìt geh, tòmdră mơ ală tiah srau gòi mơ tŭ do gơs làng bol ơm, mơ jơh ală cau pơjum tơrgòm wơl bơh di ală làng bol, bol khai jòi jat ală phan poan jơng mơ phan mơna, mơ bol khai ơm digùl plai ù.’

Ejekiel 38:13

Seba mơ Dedan mơ ală cau kă bro Tarsi dê bal mơ jơh ală ƀòn dềt bol khai dê, rơp đơs mơ mê lah: ‘Mê neh tus nàng phà kup sơl ơ? Mê neh pơjum mpồl ling mê dê nàng tòmpìt, nàng tă cèng priă mơ màh, nàng kơñau ală phan poan jơng mơ phan mơna, mơ ai oă phan phà kup sơl ơ?’

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Sacari 10:5

Bol khai rơp kung be ală cau ling jak tòm tiah tòmlơh, jă trơm cau sò tơm tòm bŏ tòm ală gùng ƀòn dờng; bol khai rơp tòmlơh, bơh Yàng Jehôwa ơm bal mơ bol khai, mơ bol khai rơp ơn bơta ƀàssìl hơđang ală cau hào ơseh.

Mathiơ 15:7

Ơ ală cau ma blac! Esai neh đơs hwơr di ngan bơh bol mê lah: