Esai 10:5 - Sră Goh 2018

⁵ Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 10:5 ပူးပေါင်းရင်းမြစ်များ

Sơnròp Gơlik Gơs 10:11

Bơh lơgar hơ̆ khai lòt tus hơ lơgar Asiri, gen bơt bơtào Ninibe, Rehôbôt Hir, Kalah,

II Ală Bơtau 18:25

Rlau mơ hơ̆, ò di jat gơnoar sồr Yàng Jehôwa dê mơ añ neh tus nàng tòmdră mơ phà tơnroh tiah do ò ơ? Yàng Jehôwa neh đơs mơ añ lah: Guh tĕ nàng tòmlơh mơ lơgar do, mơ phà tơnroh gơ.”

II Ală Bơtau 19:25

Mê òhềt gơs tŭ lơi kơno lah Bơta do Añ neh lơh nền jŏ rau ơ? Añ neh rơndap nền bơh rài yau, Tŭ do, Añ lơh bơta hơ̆ gơlik gơs, Nàng mê in phà tơrlah ală ƀòn kơ̆ cê gơlik dô gơnru lề lac.

Đơs Crih 125:3

Bơh gai gơnoar at bồ cau iơh bơsak dê rơp ò geh ơn hơđang ù tiah gơrê bal mơ cau song ring nàng cau song ring ò pò tê bol khai dê lơh bơta tìs.

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Esai 10:15

Sùng rgơi yò is să gơ jòng rlau mơ cau at gơ sơl? Hala rơnđòt jòng să mơ cau at gơ sơl? Kung be dô nơm gai mơng yò tơngguh cau at gơ, hala dô nơm gai jra rơp yò tơngguh cau at gơ.

Esai 10:25

Bơh gam dô êt jŏ tai, bơta gơjrañ Añ jê rơp tus di tŭ lồi; mơ bơta gơjrañ dờng Añ jê rơp wèt hơ bơta tơnroh bol khai.”

Esai 13:5

Bol khai tus bơh lơgar ngài, bơh tiah lồi plai ù mơ dut trồ dê, Yàng Jehôwa mơ ală phan tòmlơh, bơta gơjrañ dờng Kơnràñ dê, nàng tơnroh jơh plai ù.

Esai 14:24

Yàng Jehôwa Gơnap Gơnoar Dờng neh srat să lah: “Di ngan, bơta Añ neh rơndap gen rơp gơlik gơs, bơta Añ lơh nền gen rơp ntào kơ̆.

Esai 14:25

Añ rơp dơrpă cau Asiri tòm lơgar Añ; Añ rơp jă lề khai hơđang ală mơnơm hơđơm jơng Añ jê. Yô khai dê rơp geh hồ tă bơh di làng bol Añ jê, mơ ơnòng kơnjơ̆ khai dê geh tă bơh di pơnì bol khai dê.”

Esai 23:13

Sền tĕ lơgar Babilôn, do la dô nơm làng bol do ò di la cau Asiri. Bol khai neh lòi is tiah Tirơ dê gơlik gơs tiah ală phan brê in ơm; bol khai bơt bơtào ală theng nàng gơrwàng, bol khai phà tơrlah ală gơlang gơ dê, lơh gơ in gơlik gơs dô gơnru lề lac.

Esai 26:20

Ơ làng bol Añ jê, mut tĕ tòm ơdŭ bol mê dê mơ til mpồng wơl; Pồn tĕ să bol mê tòm dô ơthoa, jơl tus di tŭ bơta gơjrañ dờng neh rlau.

Esai 29:2

Bulah behơ̆ Añ rơp gòm gơrwàng gùt dar Ariel; gơ rơp ñìm ƀồc pơt wòl, mơ Jerusalem gơwèt mơ Añ rơp kung be Ariel.

Esai 30:27

Sền ne, Sơnđan Yàng Jehôwa tus bơh tiah ngài, tus bal mơ bơta gơjrañ dờng Kơnràñ dê be mhwal jù mơ ñhŭ par guh; sơndồi Kơnràñ dê bềng bơta gơjrañ dờng, lơmpiat Kơnràñ dê la ồs sa pơrguc.

Esai 30:30

Yàng Jehôwa rơp lơh cau in kơno sap đơs ryŭ ryơm Kơnràñ dê, mơ rơp ai bol khai in sền gŏ tơwòr tê Kơnràñ dê tơndùh bơta gơjrañ dờng bal mơ ồs sa pơrguc, càl khồm druh, càl rbut dờng, mơ mìu piar.

Esai 30:9

Bơh bol khai la dô nơm làng bol jak tòmdră, kòn sau ò gơs bơta dòn, kòn sau ò bài iat jơnau bơto sồr Yàng Jehôwa dê.

Esai 34:2

Bơh Yàng Jehôwa gơhào nùs tòmdră mơ ală lơgar; bơta gơjrañ dờng Kơnràñ dê tòmdră mơ jơh ală mpồl ling bol khai dê; Kơnràñ lơh bol khai in gơkòl tơnroh, Kơnràñ rơp jào bol khai tòm bơta hàl tơnchơt.

Esai 66:14

Bol mê rơp gŏ ală bơta hơ̆, gen nùs bol mê rơp chò hòp, mơ să jan bol mê rơp hòn dờng kung be ñhơt; tê Yàng Jehôwa rơp yal tơnggit di ală cau duh broă Kơnràñ dê, mơya bơta gơjrañ dờng Kơnràñ dê rơp ràng tơlik ală cau in sò tơm di Kơnràñ.

Esai 7:17

Yàng Jehôwa rơp tơndùh hơđang mê mơ hơđang làng bol mê dê, mơ hơđang hìu bèp mê dê ală tŭ tơngai be do, òhềt tŭ lơi tus bơh di ngai Epraim cah is bơh Juda, mơ bơtau Asiri.”

Esai 7:20

Tòm ngai hơ̆ Yàng Jehôwa rơp ngui dô nơm pềs koah ơpah bơh đah ne hiòng hơ̆ la bơtau Asiri nàng koah bồ bol mê bal mơ sơnò jơng bol mê dê, mơ kung koah tơn sơnò tềp bol mê dê tai sơl.

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Esai 8:7

gen tàng Yàng Jehôwa rơp cèng dà tih hiòng hòr pràn dờng tòmdră mơ bol khai; hơ̆ la bơtau Asiri bal mơ jơh bơta gơklŏ khai dê; gơ rơp hòr guh hơđang jơh ală hiòng gơ dê, gơ ngŏ lìu hơđang jơh ală àr gơ dê;

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Nahum 1:1

Dô jơnau đơs hwơr bơh Ninibe. Sră cih bơh bơta gơtơnggŏ Nahum cau Elkôs dê.

Habakuk 1:12

Kơnràñ ò di neh gơs bơh rài yau la gam sùm sùm ò lồi sơl ơ? Ơ Jehôwa Yàng Tom Trồ añ jê, Bơtau sàng goh añ jê? Kơnràñ rơp ò chơt. Ơ Yàng Jehôwa, Kơnràñ neh lơh nền bol khai in nàng cahrña; Ơ Pơnai Lŭ Klềr añ jê! Kơnràñ neh bơtào bol khai nàng lơh glài.

Sôphôni 2:13

Kơnràñ rơp pò tê Kơnràñ dê tòmdră mơ đah đang, mơ tơnroh Asiri, mơ Kơnràñ rơp lơh Ninibe in kòl sang lòi srau gòi jơh, gơlik gơs dô bă tiah ro rañ ngềt ngơt be ƀlàng bràs.

Khà Làng Bol 24:24

Ală ơhò rơp tus bơh di ală gah dàlềng Kittim dê; bol gơ rơp at bồ hơđang Assur mơ Eber, mơya bol khai kung rơp kong roh rui.”