Esai 10:34 - Sră Goh 2018

³⁴ Kơnràñ rơp ngui sùng nàng kơl ală tòm chi tòm brê, Mơ Liban bal mơ ală chi dờng ryŭ gơ dê rơp gơpừ.

Esai 10:34 ပူးပေါင်းရင်းမြစ်များ

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Esai 10:18

Bơta hàng mơnĕ brê dơr khai dê mơ tiah bềng chi sa plai khai dê, rơp kong tơnroh jơh hir, hwềng bal mơ să jan, kung be tòm tŭ cau òsô lòt gơsèng.

Esai 2:13

Kơnràñ tòmdră mơ jơh ală chi pơnàng tòm Liban, ală chi jòng jơnhoa mơ pơnhừ să, jơh ală chi nho rề tòm lơgar Basan,

Esai 31:8

Gen cau Asiri rơp gơpừ bơh lơmpiat đào, ò di đào kòn mơnus dê; mơ đào ò di la đào kòn mơnus dê rơp sa loan bol khai. Bol khai rơp dô bơh di đap đào hơ̆, mơ ală cau klau pơnu bol khai rơp kong duh broă bòl glar.

Esai 33:9

Ù tiah ñìm rac mơ siar roh, Liban gơkòl lơh roh gơprah mơ ñòp ro; Sarôn gơlik kung be tiah ƀlàng bràs, Basan mơ Karmel ro jrùh jơh nha.

Esai 37:24

Mê neh ngui ală cau duh broă mê dê nàng lah sơrpah di Yàng Jehôwa. Mê neh đơs lah: “Añ cèng gal ngan rơndeh lòs tòmlơh mơ neh guh hơđang ală bồ mơnơm, la tiah jơnhoa hơđang rlau jơh Liban dê. Añ neh kơl ală chi pơnàng jơnhoa ngan, ală chi nho rề niam rlau jơh gơ dê. Añ neh guh jơnhoa rlau jơh, tus hơ tiah dơr brê ryŭ ryùm gơ dê.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Jeremi 22:7

Añ rơp rcang ală cau tơnroh tòmdră mơ mê mơ ală phan tòmlơh khai dê; Bol khai rơp kơl ală chi pơnggŏ niam bol mê dê, Mơ sơrbì gơtòm ồs.’

Jeremi 48:2

Bơta tiơng pơnro Môap dê ò gam tai, Tòm Hesbôn, cau jòi kai lơh iơh gơ mơ đơs lah: ‘Tus tĕ, tơnroh Môap, nàng gơ ò geh kòp la dô nơm lơgar tai!’ Ơ Metmen, mê kung rơp gơlik gơs kloat; Đào rơp ting jat mê.

Ejekiel 31:3

Ơn nùs kơlôi tĕ bơh Asiri, bơh lài gơ la dô đòm chi nho rề tòm Liban, gơs ală ntê hàng mơnĕ, mƀur jơm gòm jơh brê me; gơ jơnhoa ngan hơđang, cồng gơ ơm digùl ală mhwal.

Daniel 4:23

Mơya tus di bơta bơtau gŏ dô Bơtau kơp gàr sàng goh mù bơh hơđang trồ mơ ai jơnau sồr kơl tĕ chi mơ tơnroh tĕ, mơya lòi tĕ tơnggu ryas gơ dê tòm ù, mơ kơt tĕ gơ mơ dô dang che sreng lòs mơ kòng digùl ñhơt tơlir tòm ƀlàng sre, lòi gơ kong sùh mơ dà tŭ bơh đang trồ, mơ lòi khai in kis bal mơ ală phan poan jơng tòm ƀlàng, jơl tus di poh tơngai neh rlau hơđang khai.

Nahum 1:12

Yàng Jehôwa đơs be do: “Bulah bol khai gơs oă pràn mơ gal ngan cau, bol khai rơp kong tơnroh mơ sang ngài. Bulah Añ neh lơh jê sồt mê in, Añ rơp ò lơh bòl glar jê sồt mê in tai.

II Tesalônika 1:7

gen Kơnràñ ngan rơp ai oh mi in la cau kong jê sồt bòl glar geh rlô bal mơ bol hi, tòm tŭ Yàng Jesu bơh đang trồ tơlik mat bal mơ ală cau gơnrơh bềng gơnoar pràn Kơnràñ dê digùl lơmpiat ồs hơng,

II Pier 2:11

Bol khai dờng nùs, lơh be tơl, ò rngòt đơs bơrsèl tơnhial di ală gơnoar dờng ryŭ. Bulah ală cau gơnrơh, la cau gơs gơnoar pràn mơ gơnap gơnoar dờng rlau, kung ò ai jơnau bơrsèl tơnhial nàng yă ală gơnoar dờng ryŭ hơ̆ di đap Yàng sơl.

Yal Tơlik 10:1

Chòp añ gŏ dô nă cau gơnrơh pràn kơldang ndai mù bơh đang trồ, soh mhwal be ào, di bồ gơs dô nơm bơrlangkang, mat khai be mattơngai, mơ jơng khai be jrong ồs.

Yal Tơlik 18:21

Gơs dô nă cau gơnrơh pràn kơldang ai dô nơm lŭ be mpal dờng sơrbì tòm dàlềng mơ đơs lah: “Ƀòn dờng Babilôn rơp kong sơrbì pràn ngan behơ̆, ò gơs tŭ lơi gŏ gơ tai.