Esai 10:3 - Sră Goh 2018

³ Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 10:3 ပူးပေါင်းရင်းမြစ်များ

Sơnròp Gơlik Gơs 31:1

Jakôp kơno jơnau ală kòn Laban đơs lah: “Jakôp neh ai jơh ală phan mơna bèp he dê, mơ kơnòm di phan bèp he gen gơs pas sơm ngan.”

II Ală Bơtau 7:15

Bol khai lòt jat bol hơ̆ tus hơ Jordan, jơh rò gùng bềng ồi ào mơ ală phan ngui mơ cau ling Aram neh sang tòm tŭ ntoat dô sơrbac sơrbang. Ală cau geh sồr rê wơl mơ yal bơtau in git.

Sră Jop 31:14

Gen ñchi añ rơp lơh tòm tŭ Yàng Tom Trồ guh taih? Tòm tŭ Kơnràñ lùp añ, ñchi añ rơp ho wơl taih?

Jơnau Pơnđik 11:4

Tòm ngai gơjrañ dờng, phan mơna ò kwơ dô êt lơi, Mìng bơta song ring dong klàs bơh bơta chơt.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 17:4

“Tòm ngai hơ̆, bơta gơklŏ Jakôp dê rơp gơhuc, dơngi tòm poac să khai dê rơp gơ mù.

Esai 20:6

Tòm ngai hơ̆, làng bol ơm rềp di gah dàlềng do rơp đơs lah: ‘Sền ne la bơta neh gơlik gơs di làng bol mơ bol he neh ơn nùs gơn kơnòm, di làng bol mơ bol he neh ràn tus mơ dan dong kòl mơ dong tă bơh di bơtau Asiri! Mơ bol he, mbe bol he geh klàs taih?’”

Esai 26:14

Cau chơt ò rgơi kis tai, ală hwềng neh chơt ò guh tai. Tài bơh Kơnràñ neh lơh glài mơ tơnroh bol khai; Kơnràñ neh jùt jơh bơta kirsơnre bol khai dê,

Esai 26:21

Bơh Yàng Jehôwa lik bơh di tiah Kơnràñ dê nàng lơh glài làng bol hơđang plai ù bơh tồi glài bol khai dê. Plai ù rơp ràng tơlik mhàm neh tuh hơđang gơ; mơ rơp ò gam jơm ndơp tai ală cau neh kòl tơnchơt gơ dê.

Esai 28:20

Cơnòng bic liah ngan ò rgơi bic rò jơng, ồi tơ̆ dềt ngan ò tơl pùt să bol mê.

Esai 29:6

Yàng Jehôwa Gơnap Gơnoar Dờng rơp còp mê, mơ ntơr kơnàs, gơlơnggơr ù mơ ntas nggồr dờng, càl rbut, mơ lơmpiat ồs sa pơrguc.

Esai 30:16

Bol mê đơs lah: ‘Ò, bol hi rơp hào ơseh ntoat dô!’ Gen tàng bol mê rơp ntoat dô! mơ đơs lah: ‘Bol hi rơp hào ơseh jak!’ Gen tàng ală cau ting jat bol mê kung rơp ntoat mhar!

Esai 30:5

Jơh tơl nă cau rơp tus hơ bơta ƀàssìl bơh kơnòm di dô nơm làng bol ò kwơ bol khai in, ò rgơi dong kòl hala lơh gơlik cồng nha lơi, mơya mìng bơta ƀàssìl ƀàsso mơ sền òsơp.”

Esai 30:7

Bơh bơta dong kòl Ejiptơ la ò kwơ mơ tê gòi. Gen tàng Añ sơnđan khai la Rahap nggui ò ơwañ.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Esai 39:3

Gen cau gơnoar hwơr Esai tus mơ bơtau Ejekia mơ lùp lah: “Ñchi jơnau ală cau hơ̆ đơs, mơ bol khai tus bơh lơi taih?” Ejekia ho lah: “Bol khai tus mơ añ bơh lơgar ngài, bol khai tus bơh lơgar Babilôn.”

Esai 5:14

Behơ̆ tàng lơgar làng ƀồc sơlo pò ơnàng bơta jơgloh tơhìr gơ dê, mơ ha bơr dờng ngan ò git lơh; ală cau ryŭ ryơm Jerusalem dê mơ làng bol oă mơ jơh ală cau hòn chò tòm khai mù tềng hơ̆.

Esai 5:26

Kơnràñ rơp pò tơngguh bồng bi dô nơm làng bol ơm ngài in, Kơnràñ hwac hòi dô nơm làng bol di tiah lồi plai ù. Do, bol khai sơrbac sơrbang tus mhar!

Jeremi 22:7

Añ rơp rcang ală cau tơnroh tòmdră mơ mê mơ ală phan tòmlơh khai dê; Bol khai rơp kơl ală chi pơnggŏ niam bol mê dê, Mơ sơrbì gơtòm ồs.’

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 9:9

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? mơ Añ rơp ò sal tê hơđang dô nơm lơgar behơ̆ ơ?”

Sră Ôse 5:13

Tòm tŭ Epraim neh gŏ bơta kòp jê khai dê, mơ Juda neh gŏ tềl sồt, gen Epraim lòt tus hơ cau Asiri, mơ sồr lòt tus hơ bơtau dờng. Mơya khai ò rgơi sơm bơta kòp jê bol mê hala sơmbòi ală tềl sồt bol mê dê.

Sră Ôse 9:5

Ñchi bol mê rơp lơh tòm ngai neh lơh nền bơta pơjum sa dê, mơ tòm ngai bơta pơjum sa Yàng Jehôwa dê taih?

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Amôs 5:19

gơlơh be dô nă cau bulah neh dô klàs bơh klìu triă gen rơp tìp jơgơu, be dô nă cau bulah neh mut tòm hìu, neh ơn rlô tê khai dê hơđang dơrñang, gen gơkòl bơs kap.

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Luka 19:44

Bol khai rơp tơnlề mê mơ ală kòn sau ơm tòm mê, ò lòi wơl tòm mê pơnai lŭ lơi hơđang pơnai lŭ ndai, bơh mê ò git tơngai mê neh geh còp.”

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.