Esai 10:16 - Sră Goh 2018

¹⁶ Gen tàng, Yàng la Yàng Jehôwa Gơnap Gơnoar Dờng, rơp sồr dô bơta kòp jê tơnroh rhòi digùl ală cau ling pràn kơldang khai dê; hơđơm bơta gơklŏ khai dê dô nơm ồs rơp sa hơng ngan.

Esai 10:16 ပူးပေါင်းရင်းမြစ်များ

II Yal Yau 32:21

Mơ Yàng Jehôwa sồr dô nă cau gơnrơh tơnroh jơh ală cau ling bal mơ ală cau at bồ mơ cau kwang duh broă bơtau tòm tiah sàl bơtau Asiri dê. Behơ̆ khai ruc wơl mơ rê hơ lơgar khai dê tòm bơta ƀàssìl ƀàsso. Mơ tòm tŭ khai mut tòm hìu duh khoai yàng khai dê, dô nă tòm ală kòn klau khai dê ai đào sreh tơnchơt khai.

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

Đơs Crih 106:15

Kơnràñ ai bol khai in bơta bol khai dan, Mơya sồr bơta kòp jê lơh iơh digùl bol khai.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 37:29

Tài bơh mê gơhào gơjrañ tòmdră di Añ, mơ jơnau pơnhừ să mê dê neh tus di tồr Añ, gen Añ rơp ơn kơlnĕ Añ jê kwĕ di muh mê, mơ ơn che kèp Añ jê gla di bơr mê, Añ rơp lơh mê in rê wơl jat gùng mê neh lòt tus.’

Esai 17:4

“Tòm ngai hơ̆, bơta gơklŏ Jakôp dê rơp gơhuc, dơngi tòm poac să khai dê rơp gơ mù.

Esai 10:18

Bơta hàng mơnĕ brê dơr khai dê mơ tiah bềng chi sa plai khai dê, rơp kong tơnroh jơh hir, hwềng bal mơ să jan, kung be tòm tŭ cau òsô lòt gơsèng.

Esai 9:5

Kòp nơm khŏ cau ling jă tòm tŭ tòmlơh, mơ kòp blah ồi ào neh gơđềt mhàm rơp lòi nàng chu tòm ồs, rơp gơlik kung be nsồm sing ồs.

Esai 5:17

Gen ală belàt rơp sa ñhơt kung be tòm ƀlàng ñhơt tòm gơ dê, ală phan poan jơng lơmă mơ belàt kòn rơp sa digùl ală tiah tơrlah tơrling dê.

Esai 8:7

gen tàng Yàng Jehôwa rơp cèng dà tih hiòng hòr pràn dờng tòmdră mơ bol khai; hơ̆ la bơtau Asiri bal mơ jơh bơta gơklŏ khai dê; gơ rơp hòr guh hơđang jơh ală hiòng gơ dê, gơ ngŏ lìu hơđang jơh ală àr gơ dê;

Đơs Crih 78:31

Gen bơta gơhào gơjrañ Yàng Tom Trồ dê gơguh di bol khai, Kơnràñ tơnchơt ală cau pràn kơldang rlau jơh tòm bol khai, Tòmpừ ală cau pơnu niam rlau jơh tòm Israel.

Esai 31:9

Pơnai lŭ bol khai dê rơp lòt rlau tòm bơta rngòt rngơt; ală cau kwang at bồ ling bol khai dê rơp rơm să rngòt tòm tŭ gŏ bồng bi.” Yàng Jehôwa la Bơtau gơs ồs tòm Siôn mơ gơs bơnhă ồs tòm Jerusalem đơs behơ̆.

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Nahum 1:12

Yàng Jehôwa đơs be do: “Bulah bol khai gơs oă pràn mơ gal ngan cau, bol khai rơp kong tơnroh mơ sang ngài. Bulah Añ neh lơh jê sồt mê in, Añ rơp ò lơh bòl glar jê sồt mê in tai.

Sôphôni 2:13

Kơnràñ rơp pò tê Kơnràñ dê tòmdră mơ đah đang, mơ tơnroh Asiri, mơ Kơnràñ rơp lơh Ninibe in kòl sang lòi srau gòi jơh, gơlik gơs dô bă tiah ro rañ ngềt ngơt be ƀlàng bràs.

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Jeremi 48:14

Mbe bol mê rgơi đơs lah: ‘Bol hi la cau khin cha, la cau pràn kơldang tòm tiah tòmlơh’?

Sacari 7:4

Gen gơs jơnau Yàng Jehôwa Gơnap Gơnoar Dờng Làm Jơh đơs mơ añ lah: