Esai 10:1 - Sră Goh 2018

¹ Bòl glar cau lơi in bơtào gơs ală bơta boh lam ò song ring, mơ cih ală bơta lơh nền rồn bơklơn,

Esai 10:1 ပူးပေါင်းရင်းမြစ်များ

I Ală Bơtau 21:13

Bàr nă cau gơlềng gơlàng tus nggui di đap Nabôt, mơ bol khai yă blac tòmdră mơ Nabôt di đap làng bol, lah: “Nabôt neh srat rma Yàng Tom Trồ mơ bơtau.” Gen bol khai lam Nabôt lik hơ bơdìh ƀòn dờng, mơ cơm lŭ tơnchơt khai.

Đơs Crih 58:2

Ò di, tòm nùs bol mê bơyai bơtào ală bơta tìs; Tê bol mê lơh bơta jàñ bơsak tòm plai ù.

Lik Ejiptơ 23:3

mơ bañ sền òsơp dô nă cau rƀah tòm bơta yă wơn khai dê.

Lik Ejiptơ 23:6

Bañ lơh rkwet rkwe bơta song ring cau rƀah lơòi bol mê dê tòm bơta yă wơn bol khai dê.

Esai 29:21

Hơ̆ la ală cau lơh dô nă cau roh jơh bơta yă wơn; la cau pơt dă cau cahrña di mpồng ƀòn; ai jơnau lơh cơng blac tơnroh bơta song ring cau ò gơs glài dê.

Esai 3:11

Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 5:11

Bòl glar ală cau guh gòñ bơh rìng àng drim nàng ting jat tơrnòm, mơ ơm pơrwài tus mang, gơlik duh trơàl bơh tơrnòm,

Esai 5:18

Bòl glar ală cau in ai bơta ma blac lơh gơs kung be ală che nàng hwài bơta tồi glài mơ bol khai hwài tồi glài kung be hwài rơndeh;

Esai 5:23

la cau sa loă mơ cahrña cau gơs glài la song ring, mơ ò cahrña song ring cau ò gơs glài!

Esai 5:8

Bòl glar bol mê in la cau bơtơl hìu tòm hìu, bơtơl sre tòm sre, jơl tus di tŭ ò gam tiah pah tai, mơ bol mê ơm is dô nă tòm lơgar.

Esai 59:13

Bol hi neh tòmdră mơ pơndang sang Yàng Jehôwa, pơrlac ngài bơh di Yàng Tom Trồ bol hi dê, bol hi chồl bơta rồn bơklơn mơ tòmdră, bol hi đơs ală jơnau blac mơ bol hi neh đung tòm nùs.

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Jeremi 22:13

Bòl glar cau lơi in bơt hìu jat bơta ò song ring, Bơtào ơdŭ tap hơđang bơh bơta ò song ngan; cau ngui cau gơp ƀòn he lơh broă gòi, Ò tơm jền tơngai;

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Mice 6:16

Mê neh prap gàr ală bơta sồr lam Ômri dê, mơ jơh ală broă lơh hìu Ahap dê, mê neh lòt jat ală bơta bơyai bol khai dê. Gen tàng Añ rơp lơh mê in kòl sang srau gòi, làng bol mê tòm bơta bơtat bơtròh; Behơ̆ mê rơp kong àñ bơta sền òsơp làng bol Añ jê.

Habakuk 2:12

Bòl glar cau lơi in ai mhàm bơt ƀòn dờng, mơ ai bơta iơh bơsak bơt ƀòn dờng.

Habakuk 2:15

Bòl glar cau lơi in ai tơrnòm ală cau gơp ƀòn he in, tròc gơ bơh di nhồng gơltau bol khai in ñô jơl tus di tŭ bơñul nàng khai rgơi sền trol di să kuh bol khai dê!

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.

Habakuk 2:6

Jơh ală bol khai ò di ai jơnau dơñŏ tơnhial mơ lah pơrhơng khai, đơs lah: “Bòl glar ngan cau in pơjum tơrgòm ală phan kơñau, mơ lơh khai in pas gơs kơnòm di bơta ai bơklơn! Bơta do pal gơs tòm nđò jŏ tai taih?

Habakuk 2:9

Bòl glar ngan cau lơi in bơt hìu khai dê kơnòm di cồng nha iơh bơsak, lơh rsòn khai dê hơđang tiah jơnhoa, tồ geh klàs bơh di ală bơta tơnroh tus.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Mathiơ 23:27

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê be bơtô ƀồc pih cùr bò, đah bơdìh hàng mơnĕ, mơya tòm dơlam bềng ntìng cau chơt mơ jơh ală bơta ƀơ̆ ƀơl.

Mathiơ 23:29

“Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê bơt bơtào bơtô ƀồc ală cau gơnoar hwơr dê, lơh hàng mơnĕ bơtô ƀồc ală cau song ring dê,

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Luka 11:52

Bòl glar bol mê in la cau bơto bơta boh lam! Bơh bol mê prap kai mpồng bơta git jak dê; să tòm bol mê ò bài mut, mơ ală cau ndai kòñ mut gen bol mê kơryan kơrdơl.”

Jang 19:6

Mơya tòm tŭ ală cau gơnoar lam bồ ơn phan duh khoai mơ ală cau ling gŏ Kơnràñ, gen driau dờng lah: “Pơng tĕ khai di chi pơng, pơng tĕ khai di chi pơng!” Pilat đơs mơ bol khai lah: “Să tòm bol mê cèng tĕ khai mơ pơng di chi pơng, tài bơh añ ò bàn glài dô êt lơi tòm khai.”

Jang 9:22

Mè bèp cau jơngo đơs behơ̆ tài bơh rngòt di cau Juda: bơh cau Juda neh ho lah cau lơi yal tơlik Yàng Jesu la Bơtau Krist, gen pal kong bơtrơh tơlik bơh di hìu jơnum.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.