Esai 1:9 - Sră Goh 2018

⁹ Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 1:9 ပူးပေါင်းရင်းမြစ်များ

Sơnròp Gơlik Gơs 18:26

Yàng Jehôwa ho lah: “Dilah Añ jòi gơs tòm Sôdôm pram jơt nă cau song ring, gen bơh ală cau hơ̆ Añ rơp toh glài jơh dô ƀòn.”

Sơnròp Gơlik Gơs 18:32

Abraham đơs tai lah: “Dan Kơnràñ bañ gơjrañ gen añ rơp đơs dô dơ̆ tai: Dilah jòi gơs mìng jơt nă cau song ring tòm hơ̆ lơm.” Kơnràñ đơs lah: “Añ kung ò tơnroh ƀòn hơ̆, bơh di jơt nă cau hơ̆.”

Sơnròp Gơlik Gơs 19:24

Chòp Yàng Jehôwa tơndùh mìu siau mơ ồs bơh hơđang trồ tus tòm Sôdôm mơ Gômôrơ,

I Ală Bơtau 19:18

Mơya Añ rơp ơn is poh rbô nă cau tòm Israel jơh ală gơltang hơ̆ òhềt cùn khoai di đap Baal, mơ kòp nơm sơndồi bol khai òhềt cum gơ.”

II Ală Bơtau 19:4

Digơlan Jehôwa Yàng Tom Trồ ồng neh kơno ală jơnau Rapsake, mơ bơtau Asiri, cau tòm khai, neh sồr khai tus srat rma Yàng Tom Trồ kis gam sùm sùm, mơ Jehôwa Yàng Tom Trồ ồng rơp lơh glài ală jơnau Kơnràñ neh kơno. Behơ̆, dan hòi dan tĕ ala ală cau gam kis in.’”

Esai 1:8

Kòn ùr Siôn dê kòl sang lòi be dô nơm sàl tòm suơn ño, be dô nơm rnŭ tòm suơn ño, mơ be dô nơm tiah kìng crŭ tòm suơn rpung, be dô nơm ƀòn dờng kòl gơrwàng.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 11:16

Behơ̆ rơp gơs dô nơm gùng me bơh Asiri làng bol gam wơl Kơnràñ dê, kung be neh gơs làng bol Israel in, tòm tŭ bol khai lik bơh lơgar Ejiptơ sơl.

Esai 17:6

Bulah behơ̆ dô pơnah kòi rơp gam wơl òhềt dòñ, kung be chi ôlibe tòm tŭ cau pù ntê gơ nàng ai plai, gam wơl bàr pe nai hơđang ntê jơnhoa ngan, mơ poan hala pram nai hơđang ntê oă plai.” Jehôwa Yàng Tom Trồ Israel dê đơs behơ̆.

Esai 24:13

Ală bơta hơ̆ rơp gơlik gơs hơđang plai ù, mơ digùl ală lơgar, be tòm tŭ cau pù chi ôlibe nàng ai plai, be tòm tŭ cau dòñ plai ño tơnơ̆ mơ kơnhai pic plai.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Esai 46:3

Ơ hìu Jakôp, iat tĕ Añ, Ơ jơh ală bol mê la cau gam wơl hìu Israel dê, bol mê la ală cau Añ neh tơnggơs bơh tŭ mê pa deh, mơ cèng mê bơh tòm kơndul mè.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Esai 65:8

Do la jơnau đơs Yàng Jehôwa dê: “Kung be tơrnòm ño gơs tòm dơrkum plai ño, mơ cau đơs lah: ‘Bañ lơh roh gơ, bơh gam gơs bơta lơngai tòm hơ̆.’ Behơ̆ Añ rơp lơh bơh ală cau duh broă Añ jê; mơ ò tơnroh jơh tơl nă bol khai.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 42:2

neh tus đơs mơ Jeremi lah: “Dan dòp jơnau bol hi dan, mơ hòi dan ala mơ Jehôwa Yàng Tom Trồ ồng dê bol hi in, hơ̆ la ală cau gam wơl in. Mơ tai, bol hi bơh lài ngan la oă cau, ngai do gam wơl dô êt ngan, kung be mat ồng neh gŏ.

Jeremi 50:20

Yàng Jehôwa đơs: “Tòm ală ngai hơ̆ mơ tòm tŭ hơ̆, cau rơp jòi bơta iơh Israel dê, mơ rơp ò gơs dô nơm glài tai; jòi tồi glài Juda dê, mơ rơp ò gŏ dô nơm glài lơi tai ò; bơh Añ rơp toh glài ală cau tòm mpồl bol khai mơ Añ neh lòi wơl.”

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Ñìm Rac 4:6

Bơta tồi glài làng bol añ jê dờng rlau mơ bơta tồi glài Sôdôm dê, La ƀòn kong tơrlah tơrling tòm dô ơthoa, ò gơs dô nơm tê lơi ơn hơđang gơ.

Ejekiel 14:22

Bulah behơ̆ kung gơs dô êt nă cau gam kis, hơ̆ la ală kòn klau mơ ală kòn ùr rơp geh tă tơlik bơh hơ̆, bol khai rơp lòt tus hơ mê, mơ tòm tŭ mê gŏ gùng dà bol khai dê mơ broă lơh bol khai dê, gen mê rơp geh pơndòm pơniang gơwèt hơ bơta rung rài mơ Añ neh tơndùh hơđang Jerusalem, bơh jơh ală bơta Añ neh tơndùh hơđang gơ.

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Sôphôni 2:9

Behơ̆ tàng, Yàng Jehôwa Gơnap Gơnoar Dờng Làm Jơh, la Yàng Tom Trồ Israel dê đơs lah: “Di ngan kung be Añ kis, Môap rơp gơlik be Sôdôm, mơ cau Ammôn rơp gơlik be Gômôrơ, gơ rơp gơlik gơs dô bă tiah gơs lò hòn mơ ală trồm boh, dô bă tiah sang lòi srau gòi gam sùm sùm. Ală cau gam wơl tòm làng bol Añ jê rơp phà tòmpìt bol khai, ală cau gam kis tòm lơgar Añ jê rơp tòmpìt ù tiah gơlơh gơs sre brê.”

Mathiơ 7:14

Ai mpồng wềt mơ gùng hat lam tus hơ bơta kis, mơ dô êt cau jòi geh.”

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Rôma 9:29

Mơ tai, kung be Esai neh đơs lài lah: “Dilah Yàng Gơnap Gơnoar Làm Jơh dê ò lòi cau tơrbŏ jơi bơtiàn bol he in, Gen bol he neh gơlik gơs be Sôdôm mơ tòm toh be Gômôrơ sơl.”

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.